Uttarkashi tunnel video : 10 రోజులుగా టన్నెల్​ లోపలే ఉన్న కార్మికుల మొదటి దృశ్యాలు..

Uttarkashi tunnel video : ఉత్తరాఖండ్​లోని ఉత్తరకాశీలో టన్నెల్​ కూలిన ఘటనకు సంబంధించిన సహాయక చర్యలు 10వ రోజుకు చేరాయి. టన్నెల్​ లోపల చిక్కుకున్న 41మంది కార్మికుల మొదటి దృశ్యాలను అధికారులు తాజాగా విడుదల చేశారు.

తొలిసారిగా వేడివేడి భోజనం..

ఈ నెల 12న.. ఉత్తరకాశీలో నిర్మాణ దశలో ఉన్న ఓ టన్నెల్​ కూలింది. 41మంది కార్మికులు అప్పటి నుంచి అందులో ఉన్నారు. వారిని బయటకు తీసేందుకు అధికారులు విశ్వప్రయత్నాలు చేస్తున్నారు. ఇందులో భాగంగానే.. సోమవారం రాత్రి, కార్మికులకు భోజనం అందించేందుకు.. 6 ఇంచ్​ల పైప్​ని లోపలికి పంపించారు. దానితో పాటు ఒక ఎండోస్కోపిక్​ కెమెరాని కూడా పంపారు. లోపల ఉన్న కార్మికులను ఆ కెమెరా వీడియో తీసింది. ఇప్పుడు ఆ వీడియో సోషల్​ మీడియాలో వైరల్​గా మారింది.

Uttarkashi tunnel collapse latest news : కార్మికులు.. కెమెరావైపు చూసి చేతులు ఊపుతున్న దృశ్యాలు ఆ వీడియో చూడవచ్చు. తాము బాగానే ఉన్నామని, పరిస్థితులను తట్టుకునేందుకు ప్రయత్నిస్తున్నామని వారు చెప్పారు. అధికారులు.. వాకీ టాకీలతో కార్మికులతో మాట్లాడారు.

"మీరు కెమెరా ముందుకు వచ్చి, వాకీటాకీ ఉపయోగించి మాట్లాడండి," అని అధికారులు.. కార్మికులకు చెప్పిన మాటలు కూడా వీడియోలో రికార్డ్​ అయ్యాయి.

మరోవైపు.. టన్నెల్​ లోపల చిక్కుకున్న కార్మికులకు.. 10 రోజుల్లో తొలిసారిగా వేడివేడి భోజనం లభించింది. కిచిడీని బాటిళ్లల్లో పెట్టి పైప్​ల ద్వారా పంపించారు అధికారులు. ఇప్పటివరకు.. వారు కేవలం డ్రై ఫ్రూట్స్​, మంచి నీళ్లతోనే బతికారు!

Uttarkashi tunnel rescue : పైప్​ల ద్వారా కార్మికులకు ఫోన్స్​, ఛార్జర్​లు పంపించేందుకు ఏర్పాట్లు చేస్తున్నట్టు సహాయక చర్యలను పరిశీలిస్తున్న అధికారులు వెల్లడించారు.

అధికారులు తాజాగా విడుదల చేసిన వీడియో.. ఉత్తరాఖండ్​ సీఎం పుష్కర్​ సింగ్​ ధామి ట్విట్టర్​లో షేర్​ చేశారు. కార్మికులు ఆరోగ్యంగా ఉన్నట్టు వెల్లడించారు.

Uttarkashi tunnel latest news : 10 రోజుల తర్వాత.. కార్మికుల మొదటి దృశ్యాలను చూసిన వారి కుటుంబసభ్యులు భావోద్వేగానికి గురైయ్యారు. "మాకు ఇంకా ఆశలు ఉన్నాయి. కానీ వారు బయకి వస్తేనే సంతృప్తి చెందుతాము," అని ఓ కార్మికుడి బంధువు వెల్లడించారు.

10 రోజులుగా ఉత్తరకాశీ టన్నెల్​ లోపలే ఉన్న కార్మికుల మొదటి దృశ్యాలను ఇక్కడ చూడండి :