Boiled Egg Omelette : ఉడకబెట్టిన ఎగ్స్తో ఆమ్లెట్.. టేస్ట్ అదిరిపోతుంది..
Boiled Egg Omelette : చాలామంది ఆమ్లెట్ తినడానికి ఇష్టపడతారు. ఉదయాన్నే త్వరగా చేసుకోగలిగే బ్రేక్ఫాస్ట్లలో ఇది కూడా ఒకటి. అయితే మీరు ఆమ్లెట్ ప్రియులైతే.. బాయిల్డ్ ఎగ్ ఆమ్లెట్ని ట్రై చేయాల్సిందే. ఎందుకంటే మీరు ఒక్కసారి తింటే దానితో కచ్చితంగా లవ్లో పడతారు కాబట్టి.
Boiled Egg Omelette : ఉడకబెట్టిన గుడ్లతో ఆమ్లెట్. వినడానికి వెరైటీగా ఉన్నా.. తినడానికి మాత్రం బాగుంటుంది. అవును మీరు ఉదయాన్నే టేస్టీగా, ఈజీగా తయారు చేసుకోగలిగే బ్రేక్ఫాస్ట్ తినాలనుకుంటే.. మీరు హ్యాపీగా బాయిల్డ్ ఎగ్ ఆమ్లెట్ వేసుకుని తినేయొచ్చు. దానికి కావాల్సిన పదార్థాలు ఏమిటి? ఎలా తయారు చేయాలో ఇప్పుడు తెలుసుకుందాం.
కావాల్సిన పదార్థాలు
* గుడ్లు - 3
* ఉడికించిన గుడ్లు - 3 (గుండ్రంగా కట్ చేసుకోవాలి)
* పచ్చిమిర్చి - 3-4 (తరిగినవి)
* కొత్తిమీర - 2 టేబుల్ స్పూన్స్ (తరిగినది)
* ఉల్లిపాయ (మీడియం) - 1 (ముక్కలుగా కోయాలి)
* ఉప్పు - రుచికి తగినంత
* కారం - 1 టేబుల్ స్పూన్
* చాట్ మసాలా - అర టీస్పూన్
* అల్లం వెల్లుల్లి పేస్ట్ - 1 టేబుల్ స్పూన్
తయారీ విధానం
ముందుగా గిన్నె తీసుకుని దానిలో గుడ్లను పగుల గొట్టి వేయాలి. ఉప్పు, కారం, ఉల్లిపాయలు, కొత్తిమీర ఆకులు, అల్లం వెల్లుల్లి పేస్ట్ వేసి బాగా కలపాలి. అనంతరం స్టౌవ్ మీద పాన్ పెట్టాలి. అది వేడి అయిన తర్వాత.. గుడ్ల మిశ్రమాన్ని దానిపై పోయాలి.
దానిపైన గుండ్రంగా కట్ చేసిన ఉడికించిన గుడ్లను ప్లేస్ చేయాలి. వాటిపై కొద్దిగా చాట్ మసాలా, కారం, రుచికి తగినంత ఉప్పు చల్లుకోండి. 3.5-10 నిమిషాలు మూతపెట్టి. ఆమ్లెట్ను మరొక వైపునకు తిప్పండి. తదుపరి 5-10 నిమిషాలు దానిని ఉడికించండి. తురిమిన చీజ్ ఉంటే వేసి.. వేడి వేడిగా ఆస్వాదించండి.
సంబంధిత కథనం