Egg Upma | కోడిగుడ్డుతో ఉప్మా.. సండే బ్రేక్‌ఫాస్ట్‌ని ఇలా ట్రై చేయండి!

Recipe of The Day: మీరు బ్రేక్‌ఫాస్ట్‌గా ఉప్మాను చాలా సార్లు తినే ఉంటారు. మరి కోడిగుడ్డు ఉప్మాను ఎప్పుడైనా తిన్నారా? ఈ రెసిపీ వినడానికి వింతగా ఉన్నా, తినడానికి రుచికరంగానే ఉంటుంది. అయితే దీనిని మీరు ఉప్మారవ్వతో చేయకూడదు, ఇడ్లీలతో చేయాల్సి ఉంటుంది. మీరు ఇదివరకే సిద్ధం చేసిన ఇడ్లీలను ఉపయోగించి లేదా మిగిలిన ఇడ్లీలను ఉపయోగించి ఈ కోడిగుడ్డు ఉప్మాను తయారు చేయవచ్చు. దీనిని కోడిగుడ్డు ఇడ్లీ ఉప్మాగా పిలవచ్చు. దీని రెసిపీ ఇక్కడ ఉంది, మీ సండే బ్రేక్‌ఫాస్ట్‌ని ఇలా ఓసారి ట్రై చేయండి.

Egg Idli Upma Recipe కోసం కావలసినవి

• ఇడ్లీలు - 4
• గుడ్లు - 2
• ఉల్లిపాయ - 1
• కరివేపాకు - 1 రెమ్మ
• పసుపు పొడి - 1/4 tsp
• మిరియాల పొడి - 1/4 tsp
• సాంబార్ పొడి - 1/2 tsp
• ధనియాల పొడి - 1/2 tsp
• ఆవాలు - 1/2 tsp
• నూనె - 1 స్పూన్
• ఉప్పు - రుచి కోసం
• కొత్తిమీర ఆకులు - గార్నిషింగ్ కోసం

కోడిగుడ్డు ఇడ్లీ ఉప్మా తయారీ విధానం

1. ముందుగా పాన్ లో నూనె వేసి వేడి చేయండి. వేడి అయ్యాక, ఆవాలు వేసి చిటపటలాడనివ్వండి.
2. ఆ తరువాత కరివేపాకు, ఉల్లిపాయ ముక్కలు వేసి వేయించాలి.
3. అందులోనే పసుపు, కారం, సాంబారు పొడి, ధనియాల పొడి, అవసరమైన మేర ఉప్పు వేసి పచ్చి వాసన పోయే వరకు వేయించాలి
4. ఇప్పుడు గుడ్లు పగలకొట్టి వేయండి బాగా గిలక్కొడుతూ కలుపుతూ ఉండండి.
5. ఇప్పుడు మంట తగ్గించి, ఇడ్లీలను చిన్నముక్కలుగా సుంచి వేయండి. అన్నీ బాగా కలిపేయండి.
6. చివరగా కొత్తిమీర తరుగుతో గార్నిష్ చేయండి. అవసరమైతే కొన్ని చుక్కల నిమ్మరసం పిండండి.

అంతే, కోడిగుడ్డు ఇడ్లీ ఉప్మా రెడీ. వేడివేడిగా తినండి, కాఫీ తాగుతూ మీ బ్రేక్‌ఫాస్ట్‌ని ఆస్వాదించండి.