Wipro share price: 15 ఏళ్లలో రూ. 10 వేల పెట్టుబడి రూ. 5 లక్షలకు చేరింది.. విప్రో బోనస్ షేర్ల ఘనత

విప్రో షేర్​ హోల్డర్స్​కి అలర్ట్​! మీ పోర్ట్​ఫోలియోలో విప్రో షేరు ధర సగం పడిపోయి, మీరు నష్టాల్లో ఉన్నట్టు కనిపిస్తుంటే టెన్షన్​ పడకండి. ఈ ఐటీ సటాక్​ బోనస్​ ఇష్యూ (1:1) ఎక్స్​డేట్​ కావడంతో మీ పోర్ట్​ఫోలియోలో అలా కనిపిస్తోంది. కొన్ని రోజులకు అదనపు షేర్లు మీ డీమ్యాట్​ అకౌంట్​లోకి వస్తాయి. అప్పుడు నార్మల్​గానే కొనసాగుతుంది. అయితే, కేవలం బోనస్​ షేర్ల రూపంలోనే ఈ విప్రో స్టాక్​ ఇన్వెస్టర్స్​కి భారీ సంపదను సృష్టించిందనే చెప్పుకోవాలి. రూ. 10వేల పెట్టుబడి, 15ఏళ్లల్లో 52 రెట్లు వృద్ధిచెంది!

విప్రో బోనస్​ ఇష్యూ..

విప్రో షేర్లు మంగళవారం 1:1 నిష్పత్తిలో బోనస్ ఇష్యూకు ఎక్స్​డేట్​గా మారాయి. 1:1 బోనస్ నిష్పత్తి ప్రకారం ఒక విప్రో షేరును కలిగి ఉన్న పెట్టుబడిదారులకు ఒక అదనపు బోనస్ వాటా లభిస్తుంది.

విప్రో బోనస్ షేర్​ హిస్టరీ..

గత 15 ఏళ్లలో ఐటీ మేజర్​కు ఇది నాలుగో బోనస్ ఇష్యూ అని బీఎస్​ఈ వెబ్​సైట్​లో అందుబాటులో ఉన్న డేటా చెబుతోంది. తాజా విప్రో బోనస్ ఇష్యూ 2019 తర్వాత ఇదే తొలిసారి.

2019లో కంపెనీ 1:3 నిష్పత్తిలో షేర్ల బోనస్ ఇష్యూను ప్రకటించింది. అంటే ప్రతి మూడు షేర్లకు ఒక బోనస్ షేరు దక్కింది.

2017లో 1:1 రేషియోలో బోనస్ ఇష్యూను విప్రో ప్రకటించింది. విప్రో షేర్లు 2017 జూన్ 13న బోనస్ కోసం ట్రేడ్ కాగా, రికార్డు తేదీ జూన్ 14, 2017.

2010లో, విప్రో 2:3 నిష్పత్తిలో బోనస్ ఇష్యూను ప్రకటించింది. దీనిలో ప్రతి మూడు షేర్లకు రెండు ఈక్విటీ షేర్లు ఇవ్వడం జరిగింది. విప్రో స్టాక్ జూన్ 15, 2010న ఎక్స్-డేట్​గా ట్రేడ్ అయింది. నాటి రికార్డు తేదీ జూన్ 16, 2010.

విప్రో షేరు ధర రిటర్నులు..

గత 15 ఏళ్లలో విప్రో షేరు ధర అద్భుతమైన రాబడులను ఇచ్చిందనే చెప్పుకోవాలి. ప్రపంచ ఆర్థిక సంక్షోభ సమయంలో, 2009 లో షేరు రూ .50 వద్ద ట్రేడ్ అయినప్పుడు మీరు విప్రో షేర్లలో రూ .10,000 పెట్టుబడి పెట్టి ఉంటే, మీ పెట్టుబడి గణనీయంగా పెరిగేది. సంవత్సరాలుగా కంపెనీ ఇస్తున్న బోనస్ షేర్లు కూడా ఇందుకు కారణం.

2009లో విప్రో షేరు ధర రూ.50 కాగా, ఒక ఇన్వెస్టర్లు రూ.10,000కు 200 షేర్లను కొనుగోలు చేసేవారు. 2010లో 1:1 బోనస్, 2017లో 1:3 బోనస్, 2019లో 2:3 బోనస్ అనే మూడు బోనస్ ఇష్యూలను కంపెనీ తన షేర్ హోల్డర్లకు అందించింది. ఈ బోనస్​లు షేర్ హోల్డింగ్​ను 200 నుంచి 888 షేర్లకు పెంచాయి.

2024 నవంబర్ 29న విప్రో షేరు ధర రూ.584.55 వద్ద ముగిసింది. 888 విప్రో షేర్ల విలువ రూ.5,19,080 వద్ద ఉంది! ఇది అసలు పెట్టుబడిపై 51.9 రెట్ల వృద్ధిని సూచిస్తుంది.

ఈ ఉదాహరణ ప్రాథమికంగా బలమైన కంపెనీలలో దీర్ఘకాలిక పెట్టుబడికి ఉన్న పవర్​ని హైలైట్ చేస్తుంది. ఇది కేవలం షేరు ధర పెరుగుదల గురించి మాత్రమే కాదు.. బోనస్ వంటి కార్పొరేట్ చర్యలు సంపద సృష్టిలో గణనీయమైన పాత్ర పోషిస్తాయని స్పష్టం చేస్తుంది. స్టాక్ మార్కెట్​లో సహనం ఎలా ఉంటుందో చెప్పడానికి విప్రో ఒక ప్రకాశవంతమైన ఉదాహరణగా నిలిచింది.

(గమనిక:- ఇది కేవలం సమాచారం కోసం రూపొందించిన కథనం మాత్రమే. హిందుస్థాన్​ టైమ్స్​ తెలుగుకు ఎలాంటి సంబంధం లేదు. ఏదైనా స్టాక్​లో ఇన్వెస్ట్​ చేసే ముందు సెబీ రిజిస్టర్డ్​ ఫైనాన్షియల్​ అడ్వైజర్​ని సంప్రదించడం శ్రేయస్కరం.)