RC16 Pooja Ceremony: గ్రాండ్‍గా రామ్‍చరణ్ - బుచ్చిబాబు సినిమా పూజా కార్యక్రమం.. క్లాప్ కొట్టిన చిరూ: ఫొటోలు చూసేయండి

ఉప్పెన ఫేమ్ బుచ్చిబాబు దర్శకత్వంలో  మెగా పవర్ స్టార్ రామ్‍చరణ్ తేజ్ ఓ స్పోర్ట్స్ డ్రామా సినిమా (RC16) చేస్తున్నారు. ఈ మూవీ పూజా కార్యక్రమాలు నేడు హైదరాబాద్‍లో గ్రాండ్‍గా జరిగాయి. మూవీ టీమ్‍తో పాటు కొందరు అతిథులు పాల్గొన్నారు. 

ఆర్‌సీ16 సినిమా ముహూర్తం షాట్‍కు సీనియర్ హీరో, రామ్‍చరణ్ తండ్రి మెగాస్టార్ చిరంజీవి క్లాప్ కొట్టారు. రామ్‍చరణ్, హీరోయిన్ జాన్వీ కపూర్‌పై ఫస్ట్ షాట్‍కు క్లాప్ చేశారు. 

ఆర్‌సీ 16 చిత్రానికి ఆస్కార్ అవార్డు విన్నర్, స్టార్ మ్యూజిక్ డైరెక్టర్ ఏఆర్ రహమాన్ సంగీతం అందించనున్నారు. ఈ కార్యక్రమానికి వైట్ సూట్ ధరించి ఆయన వచ్చారు. చరణ్‍తో ఆయన ముచ్చటిస్తున్న దృశ్యమిది. 

ఆర్‌సీ16 మూవీలో రామ్‍చరణ్‍కు జోడీగా బాలీవుడ్ భామ జాన్వీ కపూర్ నటిస్తున్నారు. ఈ పూజా కార్యక్రమంలో వీరిద్దరి ఫొటోలు సోషల్ మీడియాలో వైరల్ అవుతున్నాయి. 

ఈ సినిమా పూజా కార్యక్రమానికి స్టార్ డైరెక్టర్లు శంకర్, సుకుమార్, నిర్మాతలు అల్లు అరవింద్, బోనీ కపూర్ సహా మరికొందరు అతిథులుగా హాజరయ్యారు. 

ఆర్‌సీ16 మూవీని వృద్ధి సినిమాస్ బ్యానర్‌పై సతీశ్ కిలారు నిర్మిస్తున్నారు. మైత్రీ మూవీస్ మేకర్స్ పతాకంపై నవీన్, రవిశంకర్ సమర్పిస్తున్నారు. శంకర్ దర్శకత్వంలో రామ్‍చరణ్ చేస్తున్న గేమ్ ఛేంజర్ సినిమా పూర్తయ్యాక ఆర్‌సీ16 మూవీ షూటింగ్ షురూ కానుంది.