India vs Japan: జపాన్‍పై ఘన విజయం సాధించిన భారత్.. వరుసగా రెండో గెలుపు

హాకీ టోర్నీ ఆసియా చాంపియన్స్ ట్రోఫీలో భారత జట్టు దుమ్మురేపుతోంది. తొలి మ్యాచ్‍లో చైనాను చిత్తుచేసిన టీమిండియా.. నేడు (సెప్టెంబర్ 9) జపాన్‍ను ఓడించింది. వరుసగా రెండో మ్యాచ్‍లో గెలిచింది. 

భారత్ 5-1 గోల్స్ తేడాతో జపాన్‍ను నేడు మట్టికరిపించింది. మ్యాచ్ మొదటి మూడు నిమిషాల్లోనే టీమిండియా రెండో గోల్స్ కొట్టింది. భారత ప్లేయర్లు సుఖ్‍జీత్ సింగ్, అభిషేక్ గోల్స్ సాధించారు. 

ఆ తర్వాత కూడా భారత్ జోరు కొనసాగింది. 17వ నిమిషంలో సంజయ్ గోల్ బాదాడు. దీంతో ఫస్ట్ హాఫ్ ముగిసే సరికి భారత్ 3-0 ఆధిక్యంలో నిలిచింది. 

రెండో హాఫ్ మొదలైన కాసేపటికి జపాన్ ఓ గోల్ చేసింది. ఆ తర్వాత టీమిండియా ఆటగాళ్లు దూకుడుగా ఆడారు. 54వ నిమిషంలో ఉత్తమ్ సింగ్, 60వ నిమిషంలో సుఖ్‍జీత్ సింగ్ తలా ఓ గోల్ సాధించారు. దీంతో 5-1 తేడాతో భారత్ ఘనంగా గెలిచింది. 

ఆసియా చాంపియన్స్ ట్రోఫీ పాయింట్ల పట్టికలో భారత్ ప్రస్తుతం టాప్‍లో ఉంది. రెండు విజయాలతో ఆరు పాయింట్లను ఖాతాలో వేసుకుంది. ఈ టోర్నీలో తదుపరి సెప్టెంబర్ 11న మలేషియాతో భారత్ తలపడనుంది.