యాదగిరి లక్ష్మీ నరసింహ స్వామిని దర్శించుకున్న ముఖ్యమంత్రులు

ముఖ్యమంత్రి కేసీఆర్ ఆద్వర్యంలో పంజాబ్, ఢిల్లీ రాష్ట్రాల ముఖ్యమంత్రులు , అగ్ర నేతలు శ్రీ యాదగిరి లక్ష్మీ నరసింహ స్వామి ఆలయ ప్రాంగణానికి చేరుకున్నారు. ముఖ్యమంత్రి కేసీఆర్ తో పాటు ఢిల్లీ ముఖ్యమంత్రి అరవింద్ కేజ్రీవాల్ , పంజాబ్ ముఖ్యమంత్రి భగ్వంత్ సింగ్ మాన్ , యూపీ మాజీ ముఖ్యమంత్రి అఖిలేష్ యాదవ్ , మంత్రులు వేముల ప్రశాంత్ రెడ్డి , మహమూద్ అలీ , తలసాని శ్రీనివాస్ యాదవ్ , ఎంపీ జోగినపల్లి సంతోష్ కుమార్ , ఎమ్మెల్సీ కవిత ఉన్నారు 

యాదాద్రిని దర్శించుకున్న ఢిల్లీ ముఖ్యమంత్రి అర్వింద్ కేజ్రీవాల్, పంజాబ్ ముఖ్యమంత్రి భగవంత్ సింగ్ మాన్, యూజీ మాజీ ముఖ్యమంత్రి అఖిలేష్ యాదవ్‌లకు జ్ఞాపిక అందజేస్తున్న ఆలయ అధికారులు

మూల విరాట్ స్వయంభు శ్రీ యాదగిరి లక్ష్మీ నరసింహ స్వామి ఆలయంలో ప్రధాన అర్చకులు , వేద పండితులు సంకల్పం , సువర్ణ పుష్పాలతో అర్చన నిర్వహించారు. హారతి , తీర్ధ ప్రసాదాలు అందించారు. అనంతరం అర్చకులు , వేద పండితులు మంత్రోచ్ఛరణలతో వేద ఆశీర్వచనం అందించారు 

ధ్వజస్తంభం వద్ద కేసీఆర్, కేజ్రీవాల్, భగవంత్ సింగ్ మాన్, అఖిలేష్ యాదవ్

శ్రీ యాదగిరి లక్ష్మీ నరసింహ స్వామి ఆలయ ప్రాంగణంలో ఏర్పాటు చేసిన ఫోటో ఎగ్జిబిషన్ ను ముఖ్యమంత్రులు, అగ్ర నేతలు తిలకించారు. 

ఆలయ ప్రాశస్త్యం, ఆధునీకరించిన విధానం గురించి ముఖ్యమంత్రి కేసీఆర్ ఇతర సీఎంలు, నేతలకు వివరించారు.