Kisi Ka Bhai Kisi Ki Jaan Trailer: సల్మాన్ నోట భగవద్గీత.. కిసీ కా భాయ్.. కిసీ కి జాన్ ట్రైలర్ వచ్చేసింది-kisi ka bhai kisi ki jaan trailer released today april 10th ,ఎంటర్‌టైన్‌మెంట్ న్యూస్
తెలుగు న్యూస్  /  ఎంటర్‌టైన్‌మెంట్  /  Kisi Ka Bhai Kisi Ki Jaan Trailer: సల్మాన్ నోట భగవద్గీత.. కిసీ కా భాయ్.. కిసీ కి జాన్ ట్రైలర్ వచ్చేసింది

Kisi Ka Bhai Kisi Ki Jaan Trailer: సల్మాన్ నోట భగవద్గీత.. కిసీ కా భాయ్.. కిసీ కి జాన్ ట్రైలర్ వచ్చేసింది

Hari Prasad S HT Telugu
Apr 10, 2023 08:50 PM IST

Kisi Ka Bhai Kisi Ki Jaan Trailer: సల్మాన్ నోట భగవద్గీత విన్నారా? కిసీ కా భాయ్.. కిసీ కి జాన్ ట్రైలర్ వచ్చేసింది. సల్మాన్ మార్క్ మాస్, యాక్షన ఎంటర్‌టైనర్ గా ఈ మూవీ కనిపిస్తోంది.

కిసీ కా భాయ్ కిసీ కీ జాన్ మూవీ ట్రైలర్ లాంచ్ లో సల్మాన్ ఖాన్, పూజా హెగ్డే, జగపతి బాబు, భూమిక తదితరులు
కిసీ కా భాయ్ కిసీ కీ జాన్ మూవీ ట్రైలర్ లాంచ్ లో సల్మాన్ ఖాన్, పూజా హెగ్డే, జగపతి బాబు, భూమిక తదితరులు (ANI)

Kisi Ka Bhai Kisi Ki Jaan Trailer: సల్మాన్ ఖాన్ భగవద్గీత శ్లోకం చెబుతూ రావడం ఎప్పుడైనా చూశారా? ధర్మక్షేత్రే.. కురుక్షేత్రే అనే శ్లోకంతో కిసీ కా భాయ్.. కిసీ కి జాన్ మూవీ ట్రైలర్ లో సల్మాన్ ఎంట్రీ ఇవ్వడం విశేషం. ఈ మచ్ అవేటెడ్ మూవీ ట్రైలర్ సోమవారం (ఏప్రిల్ 10) రిలీజైంది. మూడు నిమిషాలకు పైగా ఉన్న ఈ ట్రైలర్ మొత్తం యాక్షన్ సీన్స్ తో నింపేశారు.

అంతేకాదు సల్మాన్ తో పూజా హెగ్డే లవ్ సీన్స్ కూడా ఈ ట్రైలర్ లో స్పెషల్ అట్రాక్షన్ గా నిలిచింది. భాయ్ జాన్ గా గుర్తింపు పొందాలని చూస్తున్న సల్మాన్ ను భాయ్ అని పిలవలేక తెగ ఇబ్బంది పడుతుంది పూజా. ఇక ఈ మూవీలో పూజా అన్నయ్యగా విక్టరీ వెంకటేశ్ కనిపించాడు. వయోలెన్స్ అంటే అస్సలు నచ్చని ఫ్యామిలీ నుంచి వచ్చిన పూజాకు.. వయోలెన్స్ లేనిదే నిద్ర పట్టని సల్మాన్ తో ప్రేమ ఎక్కడికి దారి తీస్తుందన్నది ఈ మూవీలో ఇంట్రెస్టింగ్ పాయింట్.

ఇక ఈ మూవీలో విలన్ గా జగపతి బాబు నటించడం విశేషం. తనదైన మార్క్ విలనిజాన్ని అతడు పండించినట్లు ట్రైలర్ చూస్తే స్పష్టమవుతోంది. హిందీతోపాటు తెలుగు ప్రేక్షకులను కూడా ఆకట్టుకునేలా ఈ కిసీ కా భాయ్.. కిసీ కీ జాన్ మూవీని తెరకెక్కించారు. ఈ సినిమాలో వెంకటేశ్, జగపతి బాబుతోపాటు రామ్ చరణ్ కూడా ఓ స్పెషల్ సాంగ్ లో మెరవనున్నాడు.

ఈ మధ్యే ఏంటమ్మా అంటూ సాగే ఆ పాటను కూడా రిలీజ్ చేసిన విషయం తెలిసిందే. ఇందులో లుంగీలు కట్టుకొని సల్మాన్, వెంకటేశ్, రామ్ చరణ్ చేసిన డ్యాన్స్ వైరల్ అయింది. ఈ మూవీ ట్రైలర్ లో సల్మాన్ సూపర్ లుక్ లో కనిపించాడు. చాలా వరకూ లాంగ్ హెయిర్ తో అసలు సిసలు భాయ్ లాగా అనిపించిన అతడు.. ఓ సీన్ లో మాత్రం ట్రిమ్ చేసి హ్యాండ్సమ్ గా కనిపించాడు.

ఈ ట్రైలర్ లాంచ్ ముంబైలోని మల్టీప్లెక్స్ లో జరిగింది. ఈ ఈవెంట్ కు సల్మాన్ తోపాటు షెహనాజ్ గిల్, పాలక్ తివారీలాంటి వాళ్లు వచ్చారు. సల్మాన్ కు బెదిరింపులు రావడంతో ఈ ఈవెంట్ కు పటిష్టమైన బందోబస్తు ఏర్పాటు చేశారు. ఈ కిసీ కా భాయ్.. కిసీ కీ జాన్ మూవీ రంజాన్ సందర్భంగా ఏప్రిల్ 21న రిలీజ్ కానుంది.

IPL_Entry_Point