Nissan Patrol SUV : సల్మాన్​ ఖాన్​ 'రక్షణ'కు వాడుతున్న సూపర్​ ఎస్​యూవీ ఇదే..!

Nissan Patrol SUV bulletproof price : బాలీవుడ్ ప్రముఖ​ నటుడు సల్మాన్​ ఖాన్​కు ఇటీవలి కాలంలో బెదిరింపులు పెరిగిపోయాయి. ఆయన్ని చంపేస్తామని కొందరు బెదిరింపులకు పాల్పడుతున్నారు. ఈ క్రమంలో సల్మాన్​ ఖాన్​కు భద్రతను అధికారులు మరింత పెంచారు. దీనితో పాటు సల్మాన్​ ఖాన్.. తన భద్రత కోసం ఓ​ కొత్త వాహనాన్ని తీసుకున్నారు. అదే.. నిస్సాన్​ పాట్రోల్​ ఎస్​యూవీ. ఇదొక లగ్జరీ, బులెట్​ప్రూఫ్​ ఎస్​యూవీ.

ఏడాదిలోనే కొత్త వాహనం..

ముంబైలో నీతా ముకేశ్​ అంబానీ కల్చరల్​ సెంటర్​.. ఇటీవలే ఓపెన్​ అయ్యింది. ఇందుకోసం ఓ గ్రాండ్​ ఈవెంట్​ జరిగింది. ఈ వేడుకలో పాల్గొనేందుకు.. కొత్తగా కొన్న బులెట్​ప్రూఫ్​ నిస్సాన్​ పాట్రోల్​ ఎస్​యూవీలో వెళ్లారు సల్మాన్​ ఖాన్​. పర్సనల్​ సెక్యూరిటీతో పాటు పోలీస్​ భద్రత కూడా ఆయనకు లభించింది.

Salman Khan Nissan Patrol SUV : నిస్సాన్​ పాట్రోల్​ కన్నా ముందు.. టయోటా ల్యాండ్​ క్రూజర్​ ఎల్​సీ200ను వినియోగించేవారు సల్మాన్​ ఖాన్​. అయితే.. పాట్రోల్​ ఎస్​యూవీ మోడల్​ను నిస్సాన్​ ఇండియాలో విక్రయించడం లేదు. దీని బట్టి.. ఈ మోడల్​ను సల్మాన్​ ఖాన్​ దిగుమతి చేసుకున్నట్టు అర్థమవుతోంది. దక్షిణాసియా ప్రాంతాల్లో ఈ మోడల్​కు మంచి డిమాండ్​ ఉంది. బులెట్​ప్రూఫ్​ వాహనం తీసుకోవాలని భావిస్తున్న వారందరికి ఈ ఎస్​యూవీనే బెస్ట్​ ఛాయిస్​ అని మార్కెట్​ వర్గాలు చెబుతుంటాయి.

నిస్సాన్​ పాట్రోల్​ ఎస్​యూవీ- ఇంజిన్​..

సల్మాన్​ ఖాన్​ తీసుకున్న ఈ నిస్సాన్​ పాట్రోల్​ ఎస్​యూవీలో 5.6 లీటర్​ వీ8 పెట్రోల్​ ఇంజిన్​ ఉంటుంది. ఇది 400 బీహెచ్​పీ పవర్​ను, 560 ఎన్​ఎం టార్క్​ను జనరేట్​ చేస్తుంది. ఇందులో 7 స్పీడ్​ ఆటోమెటిక్​ ట్రాన్స్​మిషన్​ సైతం ఉంటుంది. 4 వల్​ డ్రైవ్​ సిస్టెమ్​ దీని సొంతం. ఈ ఎస్​యూవీ ఓ ఆఫ్​ రోడర్​! టయోటా ల్యాండ్​ క్రూజర్​ ఎల్​సీ300, ల్యాండ్​ రోవర్​ డిఫెండర్​లకు గట్టిపోటీస్తోంది.

Salman Khan new car cost : నిస్సాన్​ పాట్రోల్​ 6వ జనరేషన్​ మోడల్​ను తీసుకున్నారు ఈ బాలీవుడ్​ హీరో. సాధారణంగా.. నాన్​ బులెట్​ప్రూఫ్​ మోడల్​ ధరే రూ. 2కోట్ల కన్నా ఎక్కువగా ఉంటుంది. అలాంటిది.. సల్మాన్​ ఖాన్​ తీసుకున్న బులెట్​ప్రూఫ్​ నిస్సాన్​ పాట్రోల్​ ధర రూ. 2కోట్ల కన్నా ఎక్కువగానే ఉంటుంది.

2022 ముందు వరకు ల్యాండ్​ రోవర్​ రేంజ్​ రోవర్​ ఎల్​డబ్ల్యూబీని ఉపయోగించేవారు బాలీవుడ్​ నటుడు. 2022లో ల్యాండ్​ క్రూజర్​ ఎల్​సీ200కి షిఫ్ట్​ అయ్యారు. ఇక ఇప్పుడు బులెట్​ప్రూఫ్​ నిస్సాన్​ పాట్రోల్​ ఎస్​యూవీని తీసుకున్నారు.

బెదిరింపులు ఎవరి నుంచి?

Salman Khan Nissan Patrol SUV bulletproof : పేరుమోసిన గ్యాంగ్​స్టర్​ లాసెన్స్​ బిష్ణోయ్​, అతని సహచరుల నుంచి గత కొంత కాలంగా బెదిరింపులు ఎదుర్కొంటున్నారు సల్మాన్​ ఖాన్​. 1998లో కృష్ణ జింకలను సల్మాన్​ఖాన్​ వేటాడినట్టు ఓ కేసు ఉంది. బిష్ణోయ్​.. ఈ కృష్ణ జింకలను అత్యంత పవిత్రంగా భావించే తెగకు చెందిన వ్యక్తి అని తెలుస్తోంది. అందుకే సల్మాన్​ ఖాన్​ను చంపేస్తానని అతను బెదిరిస్తున్నట్టు అధికారులు భావిస్తున్నారు.