Lay off news: అమెరికాలో లే ఆఫ్స్ తో L-1 వీసాదారులకు మరిన్ని కష్టాలు

Lay off news:చిన్న, పెద్ద కంపెనీలు వేల సంఖ్యలో ఉద్యోగులను తొలగిస్తున్నాయి. ఒక్క అమెరికాలోనే గత సంవత్సరం నవంబర్ నుంచి సుమారు 2 లక్షల మంది ఐటీ ఉద్యోగులు (IT workers) జాబ్స్ కోల్పోయారు. వారిలో అత్యధికులు L-1, H1B వీసా దారులే. ఇలా అమెరికాలో ఉద్యోగాలు కోల్పోయిన వారిలో సుమారు 40% భారతీయులే.

Lay off news: L-1 కే కష్టాలు ఎక్కువ

అయితే, ఇలా అమెరికాలో ఉద్యోగాలు కోల్పోతున్నవారిలో H1B visa ఉన్నవారి కన్నా L-1 వీసాదారులకే ( ఎక్కువ ఇబ్బందులు ఎదుర్కోవాల్సి వస్తుందని నిపుణులు చెబుతున్నారు. L-1 వీసాదారు ఉద్యోగం కోల్పోతే, తన జీవిత భాగస్వామి కూడా L-2 వీసా పై ఉద్యోగం చేసే అర్హత కోల్పోతారు. అంటే, ఒకేసారి ఇద్దరు ఉద్యోగాలు కోల్పోతారు. దాంతో, వారి ఆర్థిక పరిస్థితి ఒక్కసారిగా తలకిందులవుతుంది. దేశం విడిచి వెళ్లాల్సిన పరిస్థితి నెలకొంటుంది.

Lay off news: ఈ పరిస్థితుల్లో వారు ఏం చేయవచ్చు?

• L-1 వీసాపై ఉద్యోగం చేసున్న వ్యక్తి జాబ్ కోల్పోతే, దేశం విడిచి వెళ్లాల్సిన పరిస్థితి ఏర్పడితే వెంటనే అతడు I-539 ఫైల్ చేసి B2 విజిటర్ వీసా పొందాలి. తద్వారా వారికి కొంత సమయం లభిస్తుంది.
• సాధ్యమైనంత త్వరగా కొత్త ఉద్యోగం వెతుక్కోవడం చేయాలి. లేదా తెలిసిన ఎంప్లాయర్ ద్వారా హెచ్ 1 బీ క్యాప్ లాటరీలో అవకాశం పొందేందుకు ప్రయత్నించాలి.
• B2 వీసా కు వెళ్లి, వెంటనే ఏదైనా విద్యాసంస్థ ద్వారా I-20 పొంది స్టుడెంట్ వీసా పొందే ప్రయత్నం చేయవచ్చు.
• H-1B వీసాతో ఉన్న ఉద్యోగి జాబ్ కోల్పోయినప్పుడు, H-4 EAD తో జాబ్ చేస్తున్న జీవిత భాగస్వామి కూడా ఉద్యోగం చేసే అర్హత కోల్పోతారు. కానీ వారుకి రెండు నెలల గడవు లభిస్తుంది.