Loneliness: ‘ఒంటరితనంతో మానసికంగా, శారీరకంగా చాలా సమస్యలు’: న్యూరో సైంటిస్ట్స్

ఏకాంతం మంచిదే కానీ, ఒంటరితనం మంచిది కాదు. ఏకాంతం సానుకూల దృక్పథాన్ని పెంపొందిస్తుంది. ఒంటరితనం ప్రతికూల ఆలోచనలను ప్రేరేపిస్తుంది. ఒంటరి తనం మెదడుపై ప్రతికూల ప్రభావం చూపుతుంది. దీర్ఘకాలిక ఒంటరితనం మనల్ని మానసికంగా, శారీరకంగా, భావోద్వేగాల పరంగా బలహీనులను చేస్తుంది. ఈ ఒంటరితనం మన మెదడుపై ఎలాంటి ప్రభావం చూపుతుందో న్యూరోసైంటిస్ట్స్ వివరిస్తున్నారు.

దీర్ఘకాలిక ఒంటరితనంతో బాధపడేవారు తరచుగా గుంపులో ఒంటరిగా అనుభూతి చెందుతారు. మన ప్రియమైనవారు చుట్టుముట్టినప్పుడు కూడా ఒంటరితనం అనుభవిస్తుంటారు. 

దీర్ఘకాలిక ఒంటరితనంతో బాధపడుతున్నవారిని కుటుంబ సభ్యులు, ఫ్రెండ్స్ గుర్తించి, వారితో ఎక్కువ సమయం గడపడానికి ప్రయత్నించాలి. సామాజికంగా వారిని చురుకుగా ఉండేలా చూడాలి. దీర్ఘకాలిక ఒంటరితనంతో ప్రభావితమైన మెదడుకు అల్జీమర్స్ సమస్య తలెత్తుతుంది.

అంతర్ముఖులు, లేదా ఇంట్రావర్ట్ లను ఒంటరితనం చాలా లోతుగా, తీవ్రంగా ప్రభావితం చేస్తుంది. అంతర్ముఖులు తమతో లేదా తమకు సౌకర్యంగా ఉన్న వ్యక్తులతో మాత్రమే సమయాన్ని గడపడానికి ఆసక్తి చూపుతారు. 

అంతర్ముఖులకు దీర్ఘకాలిక ఒంటరితనం తీవ్రత అధికంగా ఉంటుంది. వారు తమ సమస్యలను, బాధలను, అనుభూతులను చాలా తక్కువ మందితో, తక్కువ సార్లు మాత్రమే పంచుకుంటారు. అందువల్ల, వారు దీర్ఘకాలిక ఒంటరితనం బారిన ఎక్కువగా పడుతుంటారు.