Lokesh Padayatra: అల్లుడి పాదయాత్రలో బాలయ్య జోరు... కార్యకర్తల్లో జోష్

Apr 07, 2023, 02:40 PM IST HT Telugu Desk

Apr 07, 2023, 02:40 PM , IST

Balakrishna in Nara Lokesh Padayatra: నారా లోకేశ్ యువగళం పాదయాత్ర కొనసాగుతోంది. శింగనమల నియోజకవర్గంలో కొనసాగుతున్న పాదయాత్రలో ఆ పార్టీ ఎమ్మెల్యే నందమూరి బాలకృష్ణ పాల్గొన్నారు. లోకేశ్ కు మద్దతుగా కాసేపు నడిచిన బాలకృష్ణ… కార్యకర్తల్లో ఉత్సాహం నింపారు.

(1 / 4)

లోకేశ్ పాదయాత్ర ఇవాళ్టితో 63వ రోజుకు చేరింది. యాత్రలో పాల్గొన్న బాలకృష్ణ కాసేపు లోకేశ్ తో కలిసి నడించారు. ప్రజలు, కార్యకర్తలతో ముచ్చటించారు. ఈ సందర్భంగా అభివాదం చేసుకుంటూ ముందుకు కదిలారు బాలకృష్ణ.

(2 / 4)

ఈ సందర్భంగా మామ, అలుడు ప్రత్యేక టోపీ ధరించారు. గంజాయి వద్దు బ్రో అంటూ ప్లకార్డులు కూడా ప్రదర్శించారు. ఈ సందర్భంగా మాట్లాడిన బాలకృష్ణ... వైసీపీ ప్రభుతవంపై తీవ్రస్థాయిలో మండిపడ్డారు. గంజాయికి ఏపీని అడ్డా చేశారంటూ ఫైర్ అయ్యారు.

(3 / 4)

ముఖ్యమంత్రి పబ్జీ ఆడుకుంటుంటారని ఎద్దేవా చేశారు బాలకృష్ణ. రాష్ట్రంలో అన్ని వ్యవస్థలు నిర్వీర్యం అయిపోయాయని బాలయ్య విమర్శించారు. మద్యం, డ్రగ్స్ ను యువతలోకి పంపి వారిని బానిసలుగా చేయాలనుకుంటున్నారని మండిపడ్డారు. . రాష్ట్రంలో టీడీపీ మళ్లీ వచ్చే శుభసూచకాలు చాలా కనిపిస్తున్నాయని అన్నారు బాలయ్య.

(4 / 4)

బాలకృష్ణ పాదయాత్రలో పాల్గొనటంతో కార్యకర్తలు, నేతల్లో జోష్ నెలకొంది. జై బాలయ్య అంటూ నినాదాలు చేశారు.

ఇతర గ్యాలరీలు