AP TG Weather Updates : ఏపీ, తెలంగాణకు రెయిన్ అలర్ట్ - ఇవాళ, రేపు మోస్తరు వర్షాలు

ఏపీ, తెలంగాణలో మరో రెండు మూడు రోజుల పాటు వర్షాలు కరవనున్నాయి. ఈ మేరకు వాతావరణశాఖ వివరాలను పేర్కొంది.

ఏపీలో ఇవాళ(డిసెబంర్ 04, 2024) అల్లూరి సీతారామరాజు, విశాఖ, కోనసీమ, తూర్పుగోదావరి, పశ్చిమ గోదావరి, ఏలూరు, ఎన్టీఆర్,పల్నాడు,ప్రకాశం, నెల్లూరు, కర్నూలు,నంద్యాల,వైఎస్ఆర్, అన్నమయ్య, చిత్తూరు మరియు తిరుపతి జిల్లాల్లోని కొన్నిప్రాంతాల్లో తేలికపాటి నుండి మోస్తారు వర్షాలు కురిసే అవకాశం ఉంది.

విజయనగరం, పార్వతీపురంమన్యం, అనకాపల్లి, కాకినాడ, కృష్ణా, గుంటూరు, బాపట్ల, అనంతపురం మరియు శ్రీ సత్యసాయి జిల్లాల్లోని కొన్నిప్రాంతాల్లో తేలికపాటి వర్షాలు కురిసే అవకాశం ఉందని ఏపీ విపత్తుల నిర్వహణ సంస్థ పేర్కొంది.

ఇక తెలంగాణలో తేలికపాటి నుంచి ఒక మోస్తారు వర్షాలు కురిసే అవకాశం ఉంటుందని హైదరాబాద్ వాతావరణ కేంద్రం తెలిపింది. ఎలాంటి హెచ్చరికలు లేవని స్పష్టం చేసింది.
 

ఇవాళ్టి నుంచి డిసెంబర్ 9వ తేదీ వరకు తెలంగాణలోని పలుచోట్ల తేలికపాటి నుంచి మోస్తారు వానలు పడే అవకాశం ఉందని అంచనా వేసింది. 
 

ఇక హైదరాబాద్ లో చూస్తే పలు ప్రాంతాల్లో తేలికపాటి నుంచి వర్షం లేదా చినుకులు పడే అవకాశం ఉంది. ఉపరితల గాలులు తూర్పు, ఆగ్నేయం దిశలో ఉపరితల గాలులు వీచే అవకాశం ఉందని హైదరాబాద్ వాతారవణ కేంద్రం వివరించింది.