Mumbai rains: ముంబైని ముంచెత్తిన భారీ వర్షాలు; విమానాల ఆలస్యం, ట్రాఫిక్ గందరగోళం

ముంబైలో కురుస్తున్న భారీ వర్షాలకు నగరం మొత్తం జలమయమైంది. జూలై 11-12 ఉదయం నుంచి కొలాబాలో 86 మిల్లీమీటర్లు, శాంటా క్రూజ్లో 115 మిల్లీమీటర్ల వర్షపాతం నమోదైంది.

భారత వాతావరణ శాఖ శనివారం వరకు ముంబై నగరానికి ఆరెంజ్ అలర్ట్ జారీ చేసింది, నగరంలోని కొన్ని ప్రాంతాలలో అతి భారీ వర్షాలు కురిసే అవకాశం ఉంది.

ఈ నెల 15 వరకు ముంబై నగరంతో పాటు పరిసర జిల్లాల్లో ఓ మోస్తరు నుంచి భారీ వర్షాలు కురిసే అవకాశం ఉంది. 

శుక్రవారం ఉదయం నుంచి కురుస్తున్న వర్షంతో ముంబై నగరం తడిసి ముద్దైంది. సబర్బన్ రైల్వే స్టేషన్లలోకి వరద నీరు వచ్చి చేరింది. లోకల్ ట్రైన్స్ రాకపోకలకు అంతరాయం ఏర్పడింది. ముంబైలో 3 గంటల్లో 170 మిల్లీమీటర్ల వర్షపాతం నమోదైంది.

భారీ వర్షాలు, ప్రతికూల వాతావరణం కారణంగా ముంబై విమానాశ్రయంలో విమానాల రాకపోకలకు అంతరాయం ఏర్పడింది.