Heart-Healthy Lifestyle । ఇలాంటి అలవాట్లు మీకుంటే.. మీ హృదయం పదిలం!

మీ రోజూవారీ అలవాట్లలో కొన్ని మార్పులు చేసుకోవడం ద్వారా గుండె జబ్బులు, ఆకస్మిక గుండె పోట్లు, ఇతర సమస్యలను నివారించవచ్చు.

చాలా మందికి అధిక రక్తపోటు సమస్య ఉంటుంది. ఇది గుండెపోటు వంటి తీవ్రమైన సమస్యలకు దారి తీస్తుంది. దాని అదుపులో ఉంచుకోండి, క్రమం తప్పకుండా మందులు తీసుకోండి.

గుండె ఆరోగ్యంగా ఉండాలంటే రోజూ వ్యాయామం చేయడం చాలా ముఖ్యం. కాబట్టి వ్యాయామాన్ని నిర్లక్ష్యం చేయవద్దు. సెలవు దినమైనా క్రమం తప్పకుండా వ్యాయామం చేయడం వల్ల గుండె సమస్యలు దరిచేరవు.

పండ్లు ఎక్కువగా తినడం ముఖ్యం. చిరుతిండి స్థానంలో పండ్లు తీసుకోండి. దీనివల్ల శరీరంలో చెడు కొవ్వులు, కొలెస్ట్రాల్ లేదా కార్బోహైడ్రేట్లు పేరుకుపోవు. ఫలితంగా గుండె ఆరోగ్యం కూడా బాగుంటుంది.

పిజ్జా బర్గర్స్ వంటి ప్రాసెస్ చేసిన ఆహారాలకు దూరంగా ఉండండి. ఇలాంటి ఆహారాన్ని తినడం వల్ల శరీరంలో చెడు కొలెస్ట్రాల్, కొవ్వు పరిమాణం పెరుగుతుంది. ఇది పూర్తిగా హానికరం.

చాలా మంది లంచ్, డిన్నర్ సమయంలో కడుపు నిండా తింటారు. బదులుగా, చిన్న భోజనం తినండి. ఇది జీర్ణ ప్రక్రియపై ఎక్కువ ఒత్తిడిని కలిగించదు. మీకు బాగా ఆకలిగా ఉంటే,  కొన్ని పండ్లు తినవచ్చు.