Madhya Pradesh rape case : ఇద్దరు బాలికలపై ఏడుగురు సామూహిక అత్యాచారం!

Madhya Pradesh rape case : మధ్యప్రదేశ్​లో దారుణ ఘటన వెలుగులోకి వచ్చింది. ఇద్దరు మైనర్లపై ఏడుగురు సామూహిక అత్యాచారానికి పాల్పడ్డారు. ఘటనను వీడియో తీసి బాధితులను బెదిరించారు.

ఇదీ జరిగింది..

మధ్యప్రదేశ్​ రేవాలోని హనుమాన పోలీస్​ స్టేషన్​ పరిధిలో 25 రోజుల క్రితం ఘటన జరిగింది. గ్యాంగ్​ రేప్​నకు సంబంధించిన వీడియో వైరల్​ కావడంతో తాజాగా ఈ దారుణం వెలుగులోకి వచ్చింది. వీడియోను పరిశీలించిన పోలీసులు బాధితులను ట్రేస్​ చేశారు. ఎందుకు పోలీసులను ఆశ్రయించలేదని అడగ్గా.. బాధితులు తమకు జరిగినది వివరించారు.

"మేము మేకలను తీసుకుని అడవిలోకి వెళ్లాము. కొందరు అక్కడక్కడే తిరుగుతూ కనిపించారు. మాపై వారు దాడి చేశారు. మా ఇద్దరిని రేప్​ చేశారు. వీడియోలు తీశారు. ఎవరికైనా చెబితే వాటిని వైరల్​ చేస్తామని బెదిరించరు. ఆ భయంతోనే మేము ఎవరికి చెప్పలేదు," అని బాధితుల్లో ఒకరు పోలీసులకు వివరించారు.

Minors gang raped in Madhya Pradesh : బాధితులిద్దరు బంధువులని తెలుస్తోంది. పోలీసులు చెప్పడంతో బాధితులు, వారి కుటుంబాలు ఫిర్యాదు చేశాయి. దాని ఆధారంగా సోమవారం కేసు నమోదు చేసుకున్న పోలీసులు.. వీడియోలో కనిపించిన ఏడుగురిలో ఐదుగురిని అరెస్ట్​ చేశారు. మరో ఇద్దరిని పట్టుకునేందుకు గాలింపు చర్యలు చేపట్టినట్టు పోలీసులు వెల్లడించారు.

ఉత్తర్​ ప్రదేశ్​లో..

దేశంలో నేరాలు రోజురోజుకు పెరిగిపోతున్నాయి. ఓ ఏడేళ్ల బాలిక రేప్​నకు గురైన ఘటన ఉత్తర్​ ప్రదేశ్​లో తాజాగా వెలుగులోకి వచ్చింది. బల్లియాలోని నర్హి ప్రాంతంలో సోమవారం రాత్రి ఈ ఘటన జరిగింది. బాలిక.. మూత్ర విసర్జన కోసం బయటకు వెళ్లగా.. 19ఏళ్ల సరల్​ యాదవ్​ అనే యువకుడు ఆమెపై అత్యాచారానికి పాల్పడ్డాడు.

ఘటనపై బాలిక తల్లి ఫిర్యాదు చేయగా.. పోలీసులు కేసు నమోదు చేసుకున్నారు. నిందితుడిని అరెస్ట్​ చేశారు.