Moto E22 and Moto E22i | మోటోరోలా నుంచి రెండు ఆకర్షణీయమైన స్మార్ట్ఫోన్లు..!
మోటోరోలా సరికొత్తగా Moto E22 , Moto E22i అనే రెండు బడ్జెట్ స్మార్ట్ఫోన్లను విడుదల చేసింది. వీటి ధరలు, ఫీచర్లను ఇక్కడ పరిశీలించండి.
మోటోరోలా కంపెనీ తమ E22 సిరీస్ను మరింత విస్తరిస్తూ మరో రెండు సరికొత్త స్మార్ట్ఫోన్లను గ్లోబల్ మార్కెట్లలో విడుదల చేసింది. ఇందులో ఒకటి Moto E22 కాగా, మరొకటి Moto E22i. ఈ రెండు హ్యాండ్సెట్లు బడ్జెట్ ధరలలో అవసరమయ్యే అన్ని ఫీచర్లతో అందుబాటులో ఉన్నాయి. ఈ రెండు మోడల్ స్మార్ట్ఫోన్లు దాదాపు ఒకే రకమైన ఫీచర్లు, స్పెసిఫికేషన్లు కలిగి ఉన్నాయి. అయితే ఇందులో Moto E22i అనేది మొదటి మోడల్ కంటే కొంచెం తక్కువగా లైట్ వెర్షన్ హ్యాండ్సెట్గా చెప్పుకోవచ్చు. అలాగే ఈ ఫోన్లు కొన్ని నెలల కిందట విడుదలైన Moto E22s స్మార్ట్ఫోన్కు సక్సెసర్గా ఉండనున్నాయి.
Moto E22 అలాగే Moto E22i స్మార్ట్ఫోన్లు 12nm మీడియాటెక్ హీలియో G37 SoCతో శక్తిని పొందుతాయి.అదనంగా డాల్బీ అట్మోస్-సర్టిఫైడ్ స్టీరియో స్పీకర్లు, 4,020mAh బ్యాటరీ, సైడ్-మౌంటెడ్ ఫింగర్ప్రింట్ సెన్సార్ వంటి కొన్ని ఫీచర్లు సమానంగా ఉన్నాయి. Moto E22 వేరియంట్లో ర్యామ్ సామర్థ్యం మెరుగ్గా ఉంది, కొన్ని కెమెరా ఫీచర్లు మెరుగ్గా ఉన్నాయి. Moto E22లో ప్రత్యేకమైన డ్యూయల్ క్యాప్చర్ ఫీచర్ ఉంది. ఈ ఫీచర్ సహాయంతో యూజర్లు ఏక కాలంలో ముందు, వెనుక కెమెరాలతో ఫోటోలు, వీడియోలను తీసుకోవచ్చు. ఈ ఫీచర్ Moto E22iలో లోపించింది.
ఇంకా Moto E22లో ఎలాంటి ఫీచర్లు, స్పెసిఫికేషన్లు ఉన్నాయి. ధర ఎంత మొదలగు వివరాలు ఇక్కడ తెలుసుకోండి.
Moto E22 స్మార్ట్ఫోన్ ఫీచర్స్, స్పెసిఫికేషన్స్
- 90Hz రిఫ్రెష్ రేట్ కలిగిన 6.5 అంగుళాల HD+ LCD IPS డిస్ప్లే
- 4GB RAM, 64GB ఇంటర్నల్ స్టోరేజ్ సామర్థ్యం
- మీడియాటెక్ హీలియో G37 ప్రాసెసర్
- వెనకవైపు 16MP + 2MP డ్యూయల్ కెమెరా, ముందు భాగంలో 5MP సెల్ఫీ షూటర్
- ఆండ్రాయిడ్ 12 ఆపరేటింగ్ సిస్టమ్
- 4020 mAh బ్యాటరీ సామర్థ్యం, 10W ఛార్జర్
కనెక్టివిటీ పరంగా రెండు ఫోన్లలో 4G, డ్యూయల్-సిమ్ స్లాట్, 512GB వరకు సపోర్ట్ చేసే మైక్రోSd కార్డ్ స్లాట్, 5GHz ఫ్రీక్వెన్సీతో Wi-Fi 5, బ్లూటూత్ 5, GPS సపోర్ట్ ఉన్నాయి.
గ్లోబల్ మార్కెట్లో ధరను మన కరెన్సీతో పోల్చి చూస్తే, సుమారు రూ.11,200/-
ఇక, Moto E22iలో 2GB RAM, 64GB ఇంటర్నల్ స్టోరేజ్ సామర్థ్యంతో వచ్చింది. ఇది ఆండ్రాయిడ్ 12 గో- ఎడిషన్ ఆధారంగా పనిచేస్తుంది. మిగతా ఫీచర్లు అన్ని మిగతా మోడల్ లో ఉన్నట్లుగానే ఉన్నాయి. దీని ధర, సుమారు రూ. 10,300/-.
సంబంధిత కథనం