Urfi Javed most searched Asian celebrity: వావ్‌ ఉర్ఫీ జావెద్‌.. ఆ లిస్ట్‌లో జాన్వీ, సారాలనే మించిపోయింది

Urfi Javed most searched Asian celebrity: బిగ్‌ బాస్‌ ఫేమ్‌ ఇప్పుడు బాలీవుడ్‌ స్టార్‌ హీరోయిన్లనే వెనక్కి నెట్టేసింది. ఆమె ప్రపంచవ్యాప్తంగా 2022లో ఎక్కువ మంది సెర్చ్‌ చేసిన ఏషియన్‌ సెలబ్రిటీగా నిలిచింది. ఈ విషయంలో బాలీవుడ్‌ హీరోయిన్లు జాన్వీ కపూర్‌, సారా అలీ ఖాన్‌, దిశా పటానీలాంటి వాళ్లు కూడా వెనుకబడి పోయారు.

నిజానికి ఉర్ఫీ ఇలా టాప్‌లో నిలవడం ఇదే తొలిసారి కూడా కాదు. గతంలోనే మోస్ట్‌ సెర్చ్‌డ్‌ ఏషియన్‌ సెలబ్‌గా ఉర్ఫీ నిలిచింది. ఈ మధ్యే 'మోస్ట్‌ సెర్చ్‌డ్‌ ఏషియన్‌ ఆన్‌ గూగుల్‌ 2022'ను రిలీజ్ చేశారు. ఇందులో ఎంతో మంది సెలబ్రిటీలను పక్కకు నెట్టి ఉర్ఫీ టాప్‌లోకి దూసుకెళ్లింది. ముంబై వీధుల్లో హాట్‌ హాట్‌ డ్రెస్సులతో ఎప్పుడూ వార్తల్లో నిలవడం ఉర్ఫీకి అలవాటు.

ఆమె డ్రెస్సింగ్‌పై ఎన్ని విమర్శలు వచ్చినా.. ఉర్ఫీ మాత్రం వెనక్కి తగ్గలేదు. తన శరీర అందాన్ని ఎప్పుడూ దాచుకోవడానికి ప్రయత్నించలేదు. ఇదే ఆమె గురించి ఎక్కువ మంది సెర్చ్‌ చేసేలా చేసింది. అసలు ఎవరీ ఉర్ఫీ జావెద్‌ అని తెలుసుకోవడానికి చాలా మంది గూగుల్‌ వైపు చూశారు. ఎక్కువ మంది సెర్చ్‌ చేసిన ఏషియన్ల లిస్ట్‌లో ఉర్ఫీ 57వ స్థానంలో నిలవగా.. సెలబ్రిటీల్లో ఆమెదే టాప్‌ ప్లేస్‌.

టీవీ నటే అయినా.. ఉర్ఫీ తన బోల్డ్‌ ఫ్యాషన్‌ అప్పీల్‌తో వార్తల్లో నిలుస్తూ ఉంటుంది. తన డ్రెస్సింగ్‌పై ఎంత ట్రోలింగ్‌ జరిగినా తాను పట్టించకోనని, ఇప్పుడు తాను చాలా స్ట్రాంగ్‌గా అయినట్లు ఉర్ఫీ చెప్పింది. ప్రస్తుతం ఉర్ఫీ జావెద్‌.. స్ప్లిట్స్‌విల్లా 14లో కనిపించింది. అంతకుముందు హాయె హాయె యే మజ్‌బూరీ అనే మ్యూజిక్‌ వీడియోలోనూ నటించింది. టీవీలో ఆమె మేరీ దుర్గా, బేపన్నా, పంచ్‌ బీట్‌ సీజన్‌ 2, చంద్ర నందిని, సాత్‌ ఫేరో కీ హేరా ఫేరీ, యే రిష్తా క్యా కెహలాతా హైలాంటి షోలలో కనిపించింది. గతేడాది బిగ్‌ బాస్‌ ఓటీటీలో పార్టిసిపేట్‌ చేసింది.