SRH vs RCB : ‘ప్రతి మ్యాచ్ గెలవలేము’- హైదరాబాద్ జట్టుకు ప్యాట్ కమిన్స్ మోటివేషన్..
SRH vs RCB : ఐపీఎల్ 2024లో హార్డ్ హిట్టింగ్ సన్రైజర్స్ హైదరాబాద్పై ఆర్సీబీ గెలిచింది. మ్యాచ్ అనంతరం.. తన జట్టును మోటివేట్ చేశాడు హైదరాబాద్ కెప్టెన్ ప్యాట్ కమిన్స్.
SRH vs RCB IPL 2024 : ఐపీఎల్ 2024లో రాయల్ ఛాలెంజర్స్ బెంగళూరులపై అనూహ్య ఓటమితో సన్ రైజర్స్ హైదరాబాద్ ఫ్యాన్స్ షాక్లో ఉన్నారు. ఉప్పల్ వేదికగా.. ఏప్రిల్ 25న రాయల్ ఛాలెంజర్స్ బెంగళూరుతో జరిగిన మ్యాచ్లో 35 పరుగుల తేడాతో ఓటమి పాలైంది సన్రైజర్స్ హైదరాబాద్. ఈ నేపథ్యంలో జట్టును మోటివేట్ చేశాడు కెప్టెన్ ప్యాట్ కమిన్స్.
"ఈ రోజు మనది కాదు. బౌలింగ్లో కొన్ని రన్స్ ఎక్కువగా ఇచ్చాము. దురదృష్టవశాత్తూ బ్యాటింగ్ అంతటా కొన్ని వికెట్లు కోల్పోయాం. అటాకింగ్ స్టైల్.. మన బలం అని నేను అనుకుంటున్నాను. ఇది ప్రతి మ్యాచ్లో పని చేయదు. ఒకట్రెండు మ్యాచ్ల్లో ఆరంభంలో ఆశించిన స్థాయిలో రాణించలేకపోయినా.. మంచి స్కోర్ సాధించగలిగాం. ఇప్పటికీ మా కుర్రాళ్లకు ఇదే మార్గమని అనుకుంటున్నాం' అని మ్యాచ్ అనంతరం కమిన్స్ అన్నాడు.
'సన్ రైజర్స్ హైదరాబాద్ కుర్రాళ్లు చాలా బాగా ఆడుతున్నారు. ఇది టీ20 క్రికెట్. మనం ప్రతి మ్యాచ్ గెలవలేము. దీనిపై ఎక్కువగా దృష్టి పెట్టకండి," అని టీమ్ని మోటివేట్ చేశాడు ప్యాట్ కమిన్స్.
SRH vs RCB highlights : ఈ ఐపీఎల్ 2024లో సన్రైజర్స్ హైదరాబాద్ విజయానికి దోహదపడిన కీలక అంశాల్లో ఒకటి.. మొదట బ్యాటింగ్ చేసి రికార్డు స్థాయి స్కోర్లు నమోదు చేయడం. ఈ సీజన్లో రెండుసార్లు.. ఐపీఎల్ హిస్టరీలోనే అత్యధిక స్కోరు చేసింది సన్రైజర్స్ హైదరాబాద్. కానీ ఈసారి ఆర్సీబీ కెప్టెన్ ఫాఫ్ డుప్లెసిస్ టాస్ గెలిచి బ్యాటింగ్ తీసుకున్నాడు.
'మేం మొదట బ్యాటింగ్ చేయాలనుకున్నాము. అది మాకు బాగా పనిచేస్తోంది. గత కొన్ని విజయాలకు ముందు మాది బౌలింగ్ ఫస్ట్ జట్టు అని అనుకున్నాం. కానీ అలా జరగలేదు,' అని కమిన్స్ పేర్కొన్నాడు.
ఈ మ్యాచ్ అనంతరం ఏప్రిల్ 28న చెన్నై సూపర్ కింగ్స్తో సన్రైజర్స్ హైదరాబాద్ తలపడనుంది.
ఆర్సీబీ వర్సెస్ సన్రైజర్స్ హైదరాబాద్..
IPL 2024 latest news : ఈ మ్యాచ్లో ఆర్సీబీ ఆటగాడు రజత్ పాటిదార్ 20 బంతుల్లో 5 సిక్సర్లతో 50 పరుగులు చేయగా, కోహ్లీ 43 బంతుల్లో 51 పరుగులు చేశాడు. ఆర్సీబీ సన్రైజర్స్ హైదరాబాద్కు 206 పరుగుల లక్ష్యాన్ని నిర్దేశించింది. అయితే టోర్నీలో అత్యంత బలహీనమైన బౌలింగ్ అటాక్గా బరిలోకి ఆర్సీబీపై హైదరాబాద్ గెలవలేకపోయింది. హైదరాబాద్ 8 వికెట్ల నష్టానికి 171 (20 ఓవర్లు) పరుగులు చేసింది. ఆస్ట్రేలియాకు చెందిన ట్రావిస్ హెడ్ కేవలం ఒక్క పరుగుకే ఔట్ అవ్వగా.. అభిషేక్ శర్మ 13 బంతుల్లో 31 పరుగులు చేసి శుభారంభం అందించాడు. సన్రైజర్స్ హైదరాబాద్ టాప్ ఆర్డర్ ఐడెన్ మార్క్రమ్ 7 పరుగుల వద్ద ఔటవ్వగా, హార్డ్ హిట్టింగ్ హెన్రిచ్ క్లాసెన్ కూడా అదే స్కోరుకు పడిపోయాడు. పార్ట్ టైమ్ లెఫ్టార్మ్ స్పిన్నర్ స్వప్నిల్ సింగ్ మూడు ఓవర్లలో 2/40తో రాణించాడు.
ఈ మ్యాచ్లో ఓటమితో హైదరాబాద్ 10 పాయింట్లతో కోల్కతా నైట్ రైడర్స్, లక్నో సూపర్ జెయింట్స్తో సమానంగా నిలిచింది. ఐపీఎల్ 2024 పాయింట్స్ టేబుల్లో మూడో స్థానంలో ఉంది. ఇక బెంగళూరు నాలుగు పాయింట్లతో పాయింట్ల పట్టికలో 10వ స్థానంలో కొనసాగుతోంది.
సంబంధిత కథనం