Cars launch in April 2023 : ఏప్రిల్లో లాంచ్ కానున్న కార్స్ లిస్ట్ ఇదే..
Cars launch in April 2023 : మారుతీ సుజుకీ ఫ్రాంక్స్తో పాటు మరికొన్ని వాహనాలు ఏప్రిల్లో లాంచ్కు సిద్ధమవుతున్నాయి. ఆ వివరాలు..
Cars launch in April 2023 : కొత్త కొత్త లాంచ్లతో ఇండియన్ ఆటోమొబైల్ మార్కెట్ ఇటీవలి కాలంలో కళకళలాడిపోతోంది. ఏప్రిల్ నెలలో సైతం పలు కొత్త వాహనాలు లాంచ్కు సిద్ధమవుతున్నాయి. వాటి వివరాలను ఇక్కడ తెలుసుకుందాము..
మారుతీ సుజుకీ ఫ్రాంక్స్..
2023 ఆటో ఎక్స్పోలో ఫ్రాంక్స్ను ఆవిష్కరించింది దిగ్గజ ఆటోమొబైల్ సంస్థ మారుతీ సుజుకీ. ఈ మోడల్కు బుకింగ్స్ పరంగా మంచి డిమాండ్ కనిపిస్తున్న విషయం తెలిసిందే. దీని ఫ్రెంట్ ఫేస్.. మారుతీ సుజుకీ గ్రాండ్ విటారాను పోలి ఉంటుంది. కాగా.. బ్రెజాతో పోల్చుకుంటే దీని సైజు తక్కువగా ఉంది. టాటా పంచ్, నిస్సాన్ మాగ్నైట్ వంటి వాహనాలకు ఈ ఫ్రాంక్స్ గట్టిపోటీనిస్తుందని మార్కెట్లో అంచనాలు ఉన్నాయి.
Maruti Suzuki Fronx price in India : ఈ మారుతీ సుజుకీ ఫ్రాంక్స్లో 1.0 లీటర్ కే సిరీస్ టర్బో బూస్టర్జెట్ ఇంజిన్ ఉంటుంది. స్మార్ట్ హైబ్రీడ్ టెక్నాలజీ దీని సొంతం. 5 స్పీడ్ మేన్యువల్, 6 స్పీడ్ ఆటోమెటిక్ గేర్బాక్స్ ఆప్షన్స్ ఉన్నాయి. ఏప్రిల్ మధ్యలో ఈ కారు లాంచ్ అయ్యే అవకాశం ఉంది.
ఎంజీ కామెట్ ఈవీ..
కామెట్ ఈవీని వాస్తవానికి ఆటో ఎక్స్పోలో ఎంజీ మోటార్ లాంచ్ చేయాల్సి ఉంది. కానీ పోస్ట్పోన్ చేసింది. దీనిని ఏప్రిల్ చివర్లో ఆవిష్కరించే అవకాశం ఉంది. ఎంజీ మోటార్ నుంచి వస్తున్న రెండో ఎలక్ట్రిక్ వెహికిల్ ఈ కామెట్ ఈవీ. మొదటిది జెడ్ఎస్ ఈవీ. సైజు పరంగా ఈ కామెట్ ఈవీ చాలా చిన్నది. లాంచ్అనంతరం ఇండియాలో అతి చిన్న ఈవీగా ఇది నిలువనుంది.
MG Comet EV India launch : ఈ ఎంజీ కామెట్ ఈవీకి సంబంధించిన బ్యాటరీ ప్యాక్, ఎలక్ట్రిక్ మోటార్ వివరాలు ఇంకా బయటకు రాలేదు. అయితే.. ఇందులో 20కేడబ్ల్యూహెచ్ బ్యాటరీ ప్యాక్ ఉండొచ్చని అంచనాలు ఉన్నాయి. ఒక్కసారి ఛార్జ్ చేస్తే 250-300 కి.మీల దూరం ఇది ప్రయాణిస్తుందని తెలుస్తోంది.
మెర్సిడెస్ ఏఎంజీ జీటీ 63 ఎస్ ఈ పర్ఫార్మెన్స్..
Mercedes-AMG GT 63 S E Performance price : ఏప్రిల్లో లాంచ్ అవుతున్న లగ్జరీ కార్లలో ఈ మెర్సిడెస్ ఏఎంజీ జీటీ 63 ఎస్ ఈ పర్ఫార్మెన్స్ ఒకటి. ఏప్రిల్ 11 ఇది ఇండియాలోకి అడుగుపెట్టనుంది. ఫార్ములా వన్ స్ఫూర్తితో దీనిని రూపొందించారు. ఇందులో 4.0 లీటర్ వీ8 టర్బో ఇంజిన్- ఎలక్ట్రిక్ మోటార్ ఉంటుంది. ఏఎంజీ కార్లలో ఇదే ది మోస్ట్ పవర్ఫుల్ మోడల్!
ఈ ఇంజిన్.. 843 హెచ్పీ పవర్ను, 1400 ఎన్ఎం టార్క్ను జనరేట్ చేస్తుంది. 0-100 కేఎంపీహెచ్ను అందుకోవడానికి కేవలం 2.9సెకన్లే పడుతుండటం విశేషం. దీని టాప్ స్పీడ్ 316 కేఎంపీహెచ్.
లంబోర్ఘిని ఉరుస్ ఎస్..
Lamborghini Urus S India launch news : లంబోర్ఘిని ఉరుస్ ఎస్.. గతేడాది సెప్టెంబర్లో అంతర్జాతీయ మార్కెట్లో లాంచ్ అయ్యింది. ఇక ఇప్పుడు.. ఈ లగ్జరీ ఎస్యూవీ భారత్ మార్కెట్లోకి ఏప్రిల్ 11న అండుగుపెట్టనుంది. లంబోర్ఘినికి ఇది ఎంట్రీ లెవల్ మోడల్గా ఉంటుందని తెలుస్తోంది. ఇందులో 4.0 లీటర్ వీ8 ఇంజిన్ ఉంటుంది. ఇది 666 హెచ్పీ పవర్ను, 850 ఎన్ఎం టార్క్ను జనరేట్ చేస్తుంది. దీని టాప్ స్పీడ్ 305 కేఎంపీహెచ్. 0-100 కేఎంపీహెచ్ను కేవలం 3.5 సెకన్లలో అందుకుంటుంది.
ధరలు కూడా పెరగనున్నాయి..
ఏప్రిల్లో కార్ల లాంచ్లతో పాటు అనేక వాహనాల ధరలు కూడా పెరగనున్నాయి. టాటా మోటార్స్, మారుతీ సుజుకీ, నిస్సాన్, హ్యుందాయ్తో పాటు అనేక సంస్థల మోడల్స్ ధరలు ఏప్రిల్ 1 నుంచి పెరగనున్నాయి. పూర్తి వివరాల కోసం ఇక్కడ క్లిక్ చేయండి.
సంబంధిత కథనం