OPPO K10 5G మిడ్-బడ్జెట్ రేంజ్‌ స్మార్ట్‌ఫోన్‌.. ఫీచర్లు ఇలా ఉన్నాయి!

ప్రీమియం స్మార్ట్‌ఫోన్ల తయారీసంస్థ ఒప్పో తాజాగా OPPO K10 5G స్మార్ట్‌ఫోన్‌ను భారత మార్కెట్లో విడుదల చేసింది. ఈ కొత్త స్మార్ట్‌ఫోన్‌ ఒప్పో సంస్థ గతంలో విడుదల చేసిన OPPO K10 మోడల్‌కు 5G వెర్షన్.

OPPO K10 5G స్మార్ట్‌ఫోన్‌ మిడ్‌నైట్ బ్లాక్, ఓషన్ బ్లూ అనే రెండు కలర్ ఛాయిస్ లలో లభ్యమవుతుంది. అయితే ఈ ఫోన్ 8GB RAM + 128GB స్టోరేజ్ వేరియంట్‌లో అందుబాటులో ఉంటుంది.

ఈ ఫోన్‌లో 33W శక్తి గల సూపర్ VOOC ఫాస్ట్ ఛార్జింగ్ టెక్నాలజీని కలిగి ఉంది. ఎంతో వేగంగా దీని బ్యాటరీని ఛార్జ్ చేసుకోవచ్చు. 

ఇంకా ఈ ఫోన్‌లో ఎలాంటి ఫీచర్లు, స్పెసిఫికేషన్లు ఉన్నాయి, ధర ఎంత? తదితర వివరాలను కింద పేర్కొన్నాం గమనించండి.

OPPO K10 5G స్మార్ట్‌ఫోన్‌ ఫీచర్స్, స్పెసిఫికేషన్స్

90Hz రిఫ్రెష్ రేట్‌ కలిగిన 6.5 అంగుళాల HD+ IPS LCD డిస్‌ప్లే

8GB RAM,  128GB స్టోరేజ్ సామర్థ్యం

మీడియాటెక్ డైమెన్సిటీ 810 ప్రాసెసర్

వెనకవైపు 48-మెగాపిక్సెల్ ప్రైమరీ కెమెరా, 2-మెగాపిక్సెల్ డెప్త్ సెన్సార్

ముందు భాగంలో 8 మెగాపిక్సెల్ సెల్ఫీ స్నాపర్

ఆండ్రాయిడ్ 12 ఆపరేటింగ్ సిస్టమ్

5000 mAh బ్యాటరీ సామర్థ్యం, 33W ఛార్జర్‌

ధర, రూ. 17,499/-

ఈ OPPO K10 5G జూన్ 15 నుండి Flipkart, OPPO ఆన్‌లైన్ స్టోర్‌లో అందుబాటులో ఉంటుంది. Flipkartలో మూడు నెలల వరకు ఎటువంటి అదనపు ధర లేకుండా సమానమైన నెలవారీ వాయిదాలలో ఈ స్మార్ట్‌ఫోన్‌ను కొనుగోలు చేయవచ్చు. SBI కార్డ్‌లతో కొనుగోలు చేసే వారికి రూ. 1500 ఫ్లాట్ డిస్కౌంట్ కూడా లభించనుంది.