Aidpurush Box Office : ఆదిపురుష్ తొలిరోజు 100 కోట్లు వసూలు చేస్తుందా?
Box Office Prediction : ప్రభాస్ నటించిన ఆదిపురుష్ సినిమాపై భారీ అంచనాలు ఉన్నాయి. ఈ సినిమా కోసం అభిమానులు ఎంతగానే ఎదురు చూస్తున్నారు. అయితే మెుదటి రోజు కలెక్షన్ల మీద బాక్సాఫీసు నిపుణులు కొన్ని అంచనాలు వేశారు.
నటుడు ప్రభాస్ ఆదిపురుష్(Adipurush) సినిమా విడుదల కోసం ఎదురు చూస్తున్నాడు. బాహుబలి తర్వాత మంచి హిట్ అందుకోలేని ప్రభాస్ కు ఈ ప్రాజెక్టుపై భారీ ఆశలు ఉన్నాయి. జూన్ 16న ఈ సినిమా గ్రాండ్ గా రిలీజ్ కానుంది. ఈ చిత్రంపై ప్రభాస్ అభిమానుల్లోనూ భారీ అంచనాలే ఉన్నాయి. ఆదిపురుష్ విజయం సాధించాల్సిన అవసరం ప్రభాస్ కూ చాలా ఉంది. ఈ చిత్రం మొదటి రోజు ప్రపంచవ్యాప్తంగా 100 కోట్ల రూపాయలు వసూలు చేసే అవకాశం ఉంది. బాక్సాఫీసు పండితులు అదే అంచనా వేస్తున్నారు. ఈ సినిమాలో ప్రభాస్ సరసన కృతి సనన్(Kriti Sanon) నటించింది. ఓం రావత్ దర్శకత్వం వహించాడు.
పాన్ ఇండియా లెవల్లో ఆదిపురుష్ సినిమా విడుదలవుతోంది. కన్నడ, తెలుగు, హిందీ, మలయాళం, తమిళ భాషల్లో విడుదల చేస్తున్నారు. అన్ని రాష్ట్రాల్లోనూ మంచి ఓపెనింగ్‌ వస్తుందని అంచనా ఉంది. హిందీ ప్రేక్షకుల్లోనూ ఈ సినిమాపై బాగా హైప్ ఉంది. దీనికి కారణం బాలీవుడ్ ఆర్టిస్టులు నటించడమే. అలాగే ప్రభాస్‌కి నార్త్ ఇండియాలో చాలా మంది అభిమానులు ఉన్నారు. ఇన్ని కారణాల వల్ల హిందీ మాట్లాడే రాష్ట్రాల్లోనూ మొదటి రోజు మంచి వసూళ్లు రాబడుతుందని అంచనా వేస్తున్నారు.
ఇప్పుడు ఆదిపురుష్ సినిమా రిలీజ్ డేట్ దగ్గర పడింది. మే 9న ట్రైలర్ విడుదలై ఉత్కంఠను పెంచింది. 'తానాజీ' ఫేమ్ ఓం రావత్(om raut) దర్శకత్వం కావడంతో హిందీ ప్రేక్షకుల్లోనూ అంచనాలు భారీగానే ఉన్నాయి. మరోవైపు రావణుడిగా సైఫ్ అలీఖాన్, ఆంజనేయుడిగా దేవదత్తా నాగే, లక్ష్మణుడిగా సన్నీ సింగ్ కనిపించనున్నారు. భారీ బడ్జెట్ తో ఈ చిత్రాన్ని నిర్మించారు. మెుదట ఈ సినిమాపై చాలా విమర్శలు వచ్చాయి. ట్రైలర్ విడుదల తర్వాత అందరూ మెచ్చుకున్నారు.
రామాయణం ఆధారంగా ఇప్పటికే చాలా సీరియల్స్, సినిమాలు వచ్చాయి. అయితే ఓం రావత్ సినిమా ఎలా తీశాడని ఆసక్తి అందరికీ ఉంది. ప్రేక్షకులు ఎలా రియాక్ట్ అవుతారో చూడాలి. బాహుబలి 2(Bahubali 2) తర్వాత ప్రభాస్ ఆశించిన స్థాయిలో విజయం సాధించలేకపోయాడు. కాబట్టి ఆదిపురుష్ విజయం సాధిస్తుందని అభిమానులు ఆశిస్తున్నారు. దీంతో పాటు 'సాలార్', 'ప్రాజెక్ట్ కె' సినిమా పనుల్లో కూడా ప్రభాస్ బిజీగా ఉన్నాడు.
