Pooja Room | పూజ గది ఎలా ఉండాలి? పూజ గదికి తాళం వేయవచ్చా?

paragraph

<p>దేవుడికి ప్రత్యేకించి ఒక గదిని ఏర్పాటు చేయలనుకుంటే.. ఈశాన్యాన్ని ఎంచుకోవడం మంచిది. ఈశాన్యం గదిలో ఎత్తుగా అరుగుగానీ మందిరం మాదిరి కట్టడంగానీ చేయకూడదు. ఈశాన్యం గదిలో దక్షిణ, పశ్చిమ, నైరుతిలలో పీట వేసి గానీ, ఏదైనా వస్త్రం వేసి గాని దానిపై దేవుడి పటాలు, ప్రతిమలు ఉంచి పూజ చేసుకోవచ్చు.</p>

<p>పటాలను గోడకు తగిలించాల్సి వస్తే.. దక్షిణ, పశ్చిమ గోడలకు వేలాడదీయాలి. ఈశాన్యం గదిలో దక్షిణ, పశ్చిమ గోడలలో గల అలమారలో కూడా దేవుణ్ణి ఉంచొచ్చు. ఈశాన్యం గదిని దేవుడి గదిగా ఏర్పాటు చేయడం వీలుకాని పక్షంలో తూర్పు, ఉత్తర, పశ్చిమ, దక్షిణ, వాయువ్యాలలో చేసుకోవచ్చు.</p>

<p>నైరుతి, ఆగ్నేయ గదులు మాత్రం దేవుడి గదులుగా చేయకండి. ప్రత్యేకించి దేవుడి గదిని ఏర్పాటు చేయటం అనుకూలం కానీ పక్షంలో గృహములో ఏ గదిలోనైనా దేవుడి పటాలు, ప్రతిమలు ఉంచి పూజించవచ్చు.</p>

<h3><strong>దేవుని గది నిర్మాణంలో జాగ్రత్తలు</strong></h3><p>నిజానికి ఈశాన్యంలో పూజ గది ఉండాలని చెప్పి ఈశాన్యం గదిని పూజ గదిగా ఏర్పాటు చేయడం జరుగుతోంది. ఇది సరైన పద్ధతి కాదు. ఈశాన్యం గదిలో నుంచి రాకపోకలు ఉండేలా రెండు ద్వారాలు ఉంచి బరువులు ఉంచకుండా, పరిశుభ్రంగా ఉంచుతూ వాడుకోవడం మంచిది. కొందరి జాతక దృష్ట్యా ఇంట్లో ప్రత్యేకంగా పూజ గది ఏర్పాటు చేయరాదని కూడా చెబుతుంటారు. జాతకం చూపించుకున్నప్పుడు దీనిని ప్రస్తావిస్తే జాతకకర్తలు చెబుతారు.</p>

<p>- తూర్పు, ఉత్తర దిక్కులలో పూజా గదిని ఏర్పాటు చేసుకోవడంలో ఏ మాత్రం దోషం లేదు. దక్షిణ, పశ్చిమాల వైపు పూజ గది ఏర్పాటు చేయడం వల్ల ఇతర అవసరాల కోసం ఇంటిలో ఎక్కువగా తూర్పు, ఉత్తర భాగాలను వాడుకోగలుగుతాం.</p>

<p>- పూజ గదికి ఆనుకుని బాత్ రూమ్ లేదా టాయిలెట్సు ఉండకూడదు. పూజ గది పైనగానీ, కింద గానీ టాయిలెట్సు ఉండకూడదు.&nbsp;</p>

<p>- పూజ గది మీద లో-రూఫ్ వేసి స్టోర్ రూమ్ తరహాలో సామాగ్రి ఉంచుతారు. ఇది సరికాదు.</p>

<p>- పూజ గదిలో అరుగులు నిర్మించి దానిపై దేవుడి పటాలను ఉంచి పూజ చేసుకోవడం చాలా ఇళ్లల్లో అలవాటుగా ఉంది. దానికి బదులు కొయ్య పీట, మండపములో ఉంచుకోవాలి.</p>

<h3>కొత్త వస్త్రం వేసి..</h3><p>- అరుగు మీద లేదా నేల మీద పూజ పటాలు ఉంచాల్సి వచ్చినప్పుడు నేలపై కొత్త వస్త్రాన్ని వేసి దానిపై పూజ పటాలు ఏర్పాటు చేయాలి.</p>

<p>- చాపగాని, వస్త్రముగాని వేసుకొని దానిపై కూర్చొని పూజా కార్యక్రమం నిర్వహించాలి. పూజా గృహంలో నిత్య దీపారాధన ఎంతో శుభకరం.</p>

<p>- దేవుడి ఫొటోలకు సమానంగా పెద్దల ఫొటోలను పూజ గదిలో ఉంచడం శుభకరం కాదు.</p>

<p>- పూజకి ప్రత్యేక గది ఉన్నప్పుడు తలుపు తప్పనిసరిగా ఉంటుంది. ఊరెళ్లినప్పుడు కొందరు దేవుడి గదికి కొందరు తాళం వేస్తుంటారు. మనం ఇంట్లో ఉన్నా.. బయటికి వెళ్లినా దేవుడి గదికి తాళం అసలు వేయకూడదు. &nbsp;</p>

Urine In Night : రాత్రిపూట ఎక్కువగా మూత్రవిసర్జన చేయడం తేలికగా తీసుకోవద్దు

night time urination

<ul><li>Urination In Night Time : రాత్రిపూట తరచుగా మూత్ర విసర్జన చేయడం అనే విషయాన్ని ఈజీగా తీసుకోవద్దు. కొన్ని రకాల సమస్యలు ఉంటేనే ఇలా అవుతుంది.</li></ul>

Home Cleaning Areas : బ్యాడ్ లక్ పోవాలంటే ఇంట్లోని ఈ ప్రదేశాలను క్లీన్ చేయండి

Home Cleaning Areas

<ul><li>Home Cleaning Areas : ఇంట్లోని చెత్త ఎప్పుడూ కుప్పలాగా ఉండకూడదు. అలా ఉంటే అస్సలు మంచిది కాదు. అదృష్టం రాదు.</li></ul>

Ullipaya Nilva Pachadi: ఉల్లిపాయ నిల్వ పచ్చడి ఇలా చేసుకుంటే... ఎప్పుడు కావాలంటే అప్పుడు ఇడ్లీ ,దోశ, అన్నంతో తినవచ్చు

<ul><li>Ullipaya Nilava Pachadi: నిల్వ పచ్చడి అనగానే మామిడికాయలు, ఉసిరికాయలు, నిమ్మకాయలతో చేసేవే కాదు... ఉల్లిపాయతో కూడా చేస్తారు. ఇవి చాలా టేస్టీగా ఉంటుంది. ఉల్లిపాయ నిల్వ పచ్చడి రెసిపీ చాలా సులువు.</li></ul>

Relationship Tips : మీ భాగస్వామి చిరాకుగా ఉన్నప్పుడు ఇలా అస్సలు చేయెుద్దు

Relationship Tips

<ul><li>Relationship Tips In Telugu : చిరాకు అనేది మనుషులకు సాధారణం. అయితే జంటలో ఒకరు చిరాకుగా ఉన్నప్పుడు ఇంకొకరు కొన్ని పనులు చేయకపోవడమే మంచిది.</li></ul>

<p>పూజ గదికి ఎంతో ప్రాముఖ్యత ఉంటుంది. దేవుడి పటాలకు, ప్రతిమలకు మనం పూజలు చేస్తుంటాం. అయితే ఎవరి ఆర్ధిక స్ధోమతను బట్టి వారు దేవుడికి ప్రత్యేకంగా ఒక మందిరం, గది, అలమరా కేటాయిస్తారు. దేవుడి గది ఏర్పాటు కోసం కూడా వాస్తును తప్పక పాటించాల్సిందే.</p>

Heroines:ఈ ఏడాది తెలుగులో అరంగేట్రం చేసిన హీరోయిన్లు..తమ నటనతో మనసుల్ని దోచేశారు

Family Star OTT Streaming: ప్రైమ్ వీడియో టాప్ ట్రెండింగ్‌లో ఫ్యామిలీ స్టార్.. అయినా తప్పని ట్రోలింగ్

family star in prime video

<ul><li>Family Star OTT Streaming: విజయ్ దేవరకొండ, మృణాల్ ఠాకూర్ నటించిన ఫ్యామిలీ స్టార్ మూవీ ప్రైమ్ వీడియోలోకి వచ్చేసింది. వచ్చీ రాగానే టాప్ ట్రెండింగ్ మూవీగా నిలిచినా.. కొందరు ఫ్యాన్స్ మాత్రం ట్రోల్ చేస్తూనే ఉన్నారు.</li></ul>

Jeans Movie OTT: జీన్స్ మూవీకి 26 ఏళ్లు.. ఈ క్లాసిక్ సినిమాను ఏ ఓటీటీలో చూడొచ్చంటే..

jeans movie

<ul><li>Jeans Movie OTT: శంకర్ డైరెక్షన్ లో వచ్చిన జీన్స్ అప్పట్లో ఓ సంచలనం. ఓ డిఫరెంట్ కాన్సెప్ట్ తో తీసిన ఈ సినిమా ఏప్రిల్ 24వ తేదీతో 26 ఏళ్లు పూర్తి చేసుకుంది. ఈ మూవీ ప్రస్తుతం రెండు ఓటీటీల్లో అందుబాటులో ఉంది.</li></ul>

Shruti Haasan Break up: బాయ్‌ఫ్రెండ్‌తో శృతి హాసన్ బ్రేకప్.. లాంగ్ రిలేషన్షిప్‌కి ఫుల్‌స్టాప్

shruti haasan broke up

<p>Shruti Haasan Break up: సలార్ బ్యూటీ శృతి హాసన్ తన బాయ్‌ఫ్రెండ్ కు బ్రేకప్ చెప్పేసింది. అంతేకాదు అతనికి సంబంధించిన అన్ని ఫొటోలను తన ఇన్‌స్టాగ్రామ్ నుంచి డిలీట్ చేసేసింది.</p>

The 100: మరోసారి పోలీస్‌గా మొగలి రేకులు హీరో.. చిరంజీవి తల్లి చేతుల మీదుగా ది 100 టీజర్ రిలీజ్

The 100 Teaser Konidela Anjana Devi

<p>The 100 Teaser Released By Chiranjeevi Mother: మొగలిరేకులు సీరియల్ ఫేమ్ ఆర్కే నాయుడు అలియాస్ ఆర్కే సాగర్ మరోసారి పవర్ ఫుల్ పోలీస్ ఆఫీసర్‌గా నటించిన సినిమా ది 100. తాజాగా ఈ సినిమా టీజర్‌ను మెగా మదర్ కొణిదెల అంజనా దేవి లాంచ్ చేశారు.</p>

Lengthy Movies: అబ్బో.. ఇవి చాలా పెద్ద సినిమాలు..! చూడాలంటే ఒక పూట సరిపోదు

<p>అనుకున్న కథను ఆద్యంతం ఆసక్తిగా మలిచి చివరి వరకు ప్రేక్షకుడిని &nbsp;సీట్లో కూర్చోబెడితే ఆ దర్శకుడు విజయవంతం అయినట్లే. సినిమా నిడివి ఎంత ఉన్నది ముఖ్యం కాదు. ప్రేక్షకుడికి బోర్ కొట్టకుండా చెప్పాల్సిన అంశాన్ని సాగదీయకుండా ఉంటే సక్సెస్ సాధించినట్లే. ఈ క్రమంలో కొన్నిసార్లు నిడివి కాస్త ఎక్కువగా ఉంటుంది. 1970వ దశకంలో ఎన్టీఆర్ సినిమాల వ్యవధి ఎక్కువగా ఉండేది. &nbsp;మూడు గంటలు, మరికొన్ని అంతకంటే ఎక్కువ నిడివి ఉన్న చిత్రాలకు కొదవే లేదు.&nbsp;</p>

<p>దాన వీర సూర కర్ణ, పాతాళ భైరవి, మాయా బజార్ లాంటి సినిమాలు అప్పట్లో కాస్త నిడివి ఎక్కువున్న చిత్రాలు. ప్రస్తుతం ఆ పంథా మారింది. ముఖ్యంగా 70 వ దశకం తర్వాత చాలా వరకు సినిమాల నిడివి తగ్గింది. ఈ నేపథ్యంలో తెలుగు చిత్రాల్లో నిడివి(రెండున్నర గంటలు కంటే అధికం) ఎక్కువగా ఉన్నకొన్ని సినిమాల గురించి ఇప్పుడు చూద్దాం.&nbsp;</p>

<h2><strong>దాన వీర సూర కర్ణ..</strong></h2><p>1977లో వచ్చిన ఈ సినిమా మొత్తం 3గంటల 33 నిమిషాలు ఉంటుంది. ఇప్పటి వరకు తెలుగు సినిమాల్లో అత్యధిక నిడివి ఉన్న చిత్రం బహుశా ఇదే కావచ్చు. ఎన్టీఆర్ నటించిన ఈ సినిమాను అప్పట్లో 11 లక్షల రూపాయలతో తెరకెక్కించగా.. దాదాపు రూ.2కోట్లు వసూలు చేసింది.</p>

<h2><strong>లవ కుశ..</strong></h2><p>1963లో వచ్చిన ఈ సినిమా నిడివి 3గంటల 28 నిమిషాలు. ఇది కూడా ఎన్టీఆర్ దే కావడం గమనార్హం. .</p>

<h2><strong>పాండవ వనవాసం:</strong>&nbsp;</h2><p>ఈ సినిమా నిడివి 3గంటల 18 నిమిషాలు. 1965లో వచ్చిన ఈ చిత్రంలోనూ &nbsp;ఎన్టీఆర్ నటించారు.</p>

<h2><strong>పాతాళ భైరవి..&nbsp;</strong></h2><p>ఈ సినిమా నిడివి 3 గంటల 15 నిమిషాలు. 1951లో వచ్చింది ఈ సినిమా.</p>

<h2><strong>మాయా బజార్..&nbsp;</strong></h2><p>1957లో వచ్చిన మాయాబజార్ సినిమా నిడివి 3 గంటల 12 నిమిషాలు. ఈ సినిమాలో ఎన్టీఆర్, అక్కినేని నాగేశ్వరరావు జంటగా నటించారు.</p>

<h2><strong>అల్లూరి సీతారామరాజు..</strong></h2><p>కృష్ణ ప్రధాన పాత్రలో 1974లో వచ్చిన సినిమా అల్లూరి సీతారామరాజు. ఈ సినిమా నిడివి 2 గంటల 56 నిమిషాలు.</p>

<h2><strong>నువ్వునాకు నచ్చావ్..&nbsp;</strong></h2><p>2001లో వేంకటేష్ ప్రధాన పాత్రలో వచ్చిన సినిమా నువ్వు నాకు నచ్చావ్. ఈ సినిమా నిడివి 3గంటల 4 నిమిషాలు.</p>

<h2><strong>మిస్సమ్మ..&nbsp;</strong></h2><p>2 గంటల 45 నిమిషాల నిడివి గల ఈ సినిమాలోనూ ఎన్టీఆర్, అక్కినేని నాగేశ్వరరావు జంటగా నటించారు. ఈ సినిమా 1955లో విడుదలైంది.</p>

<h2><strong>ప్రస్థానం..</strong></h2><p>&nbsp;శర్వానంద్ నటించిన చిత్రం ప్రస్థానం. 2010లో వచ్చిన ఈ సినిమా నిడివి 2 గంవటల 32నిమిషాలు.</p>

<h2><strong>నిజం:</strong>&nbsp;</h2><p>ప్రిన్స్ మహేశ్ బాబు నటించిన సినిమా ‘నిజం’. 2003లో విడుదలైన ఈ సినిమా నిడివి 2గంటల 30 నిమిషాలు.</p>

<h2><strong>అర్జున్ రెడ్డి..</strong></h2><p>2017లో విజయ్ దేవరకొండ ప్రధాన పాత్రలో నటించిన చిత్రం అర్జున్ రెడ్డి. ఈ సినిమా నిడివి 3 గంటల 2 రెండు నిమిషాలు.</p>

<h2>మను..&nbsp;</h2><p>2018లో వచ్చిన మను సినిమా నిడివి 3గంటలు.</p>

<h2><strong>RRR..&nbsp;</strong></h2><p>ఎన్టీఆర్, రామ్ చరణ్ ప్రధాన పాత్రలో నటించిన చిత్రం RRR. ఈ సినిమా నిడివి 3 గంటల 7 నిమిషాలు.</p>

<h2><strong>రంగస్థలం:&nbsp;</strong></h2><p>రామ్ చరణ్ ప్రధాన పాత్రలో 2018లో వచ్చి సూపర్ హిట్ అయిన చిత్రం రంగస్థలం. ఈ సినిమా నిడివి 2 గంటల 53 నిమిషాలు.</p>

<h2>గద్దలకొండ గణేశ్:&nbsp;</h2><p>వరుణ్ తేజ్ ప్రధాన పాత్రలో వచ్చిన చిత్రం గద్దలకొండ గణేశ్. 2019లో విడుదలైన ఈ చిత్రం నిడివి 2 గంటల 54 నిమిషాలు.</p>

<ul><li>సాధారణంగా తెలుగు సినిమాల వ్యవధి ఎంత ఉంటుంది. యావరేజ్ గా రెండున్నర గంటలు ఉంటుంది. మహా అయితే రెండు గంటల 45 నిమిషాలకు అయితే మించడం చాలా అరుదు. కానీ, ఈ మధ్య కాలంలో సినిమాల నిడివి కాస్త ఎక్కువగానే ఉంటుంది. అనుకున్న రీతిలో స్టోరీకి మంచి ఫినిషింగ్ ఇవ్వడానికి ఇలా ఒక్కోసారి కాస్త ఎక్కువ సమయం పట్టడం మామూలే.</li></ul>

Brown Rice Pulao: ఈ బ్రౌన్ రైస్ పులావ్ ఎప్పుడైనా టేస్ట్ చేశారా?

<p>బ్రౌన్ రైస్ తింటే మామూలు రైస్ కంటే చాలా ఎక్కువ ఆరోగ్య ప్రయోజనాలు కలుగుతాయి. ఇందులో అధికంగా పైబర్ ఉంటుంది. జీర్ణ సమస్యలను దూరం చేస్తుంది. అధిక బరువు ఉన్న వారికి ఇది బాగా ఉపయోగపడుతుంది. కొంచెం తింటే చాలు.. చాలాసేపటి వరకూ ఆకలి వేయకపోవడం వల్ల తక్కువగా తింటారు. ఇది అధిక బరువుకు చెక్ పెడుతుంది. అనేక రకాల క్యాన్సర్ల చికిత్సలో ఉపయోగించే ఐనాసిటాల్ హెగ్జాఫాస్ఫేట్ (ఐపీ6) ఇందులో ఉంటుంది. అందుకే ఈ బ్రౌన్ రైస్ తింటే.. లివర్, బ్రెస్ట్ క్యాన్సర్ల బారిన పడే అవకాశం తగ్గుతుందని నిపుణులు చెబుతున్నారు.</p>

<p>బ్రౌన్ రైస్ వల్ల ఆరోగ్య ప్రయోజనాలైతే ఉంటాయి కానీ.. నోటికి టేస్ట్ అంతలా అనిపించదు. కొంతమంది ఈ రైస్ పై వెనుకడుగు వేయడానికి కారణం ఇదే. అలాంటి వాళ్లు ఇదే బ్రౌన్ రైస్ తో రుచికరమైన పులావ్ కూడా చేసుకునే అవకాశం ఉంది. మరి ఇంకెందుకు ఆలస్యం.. రుచికి రుచి.. ఆరోగ్యానికి ఆరోగ్యం ఇచ్చే బ్రౌన్ రైస్ పులావ్ గురించి తెలుసుకుందాం పదండి.</p>

<h2>బ్రౌన్ రైస్ పులావ్ ఎలా చేయాలి?</h2><p>మామూలుగా బ్రౌన్ రైస్ ఉడకబెట్టి తినాలంటే అందరూ అందగా ఇష్టపడరు. ముఖ్యంగా పిల్లలైతే ముఖం పక్కకు తిప్పుకుంటారు. అలాంటప్పుడు ఈ బ్రౌన్ రైస్ పులావ్ ట్రైచేయొచ్చు. మరి దీనిని ఎలా తయారు చేస్తారో ఒకసారి చూద్దాం.</p>

<p><strong>బ్రౌన్ రైస్ పులావ్ కోసం కావాల్సిన పదార్థాలు</strong></p>

<p>ఒక కప్పు బ్రౌన్ రైస్, రెండు బంగాళదుంపలు, క్యాప్సికం, పచ్చిమిర్చి, అర టీ స్పూన్ జీలకర్ర, రెండున్నర కప్పులు నీళ్లు, ఉప్పు రుచికి సరిపడా, రెండు టేబుల్ స్పూన్లు నెయ్యి, కొద్దిగా కొత్తిమీర, తరిగిన ఉల్లిపాయలు రెండు, తరిగిన బీన్స్ ఐదు, పావు కప్పు పల్లీలు, 2 లవంగాలు, అర టీ స్పూన్ వెల్లుల్లి పేస్ట్, రెండు దాల్చిన చెక్కలు, గరం మసాలా కొద్దిగా, కప్పు క్యారెట్ ముక్కలు.</p>

<p><strong>తయారీ విధానం</strong></p>

<p>ముందు బ్రౌన్ రైస్ నానబెట్టాలి. తర్వాత కుకర్ ను స్టౌ మీద పెట్టి.. అందులో నెయ్యి, జీలకర్ర, దాల్చిన చెక్క, లవంగాలు, పచ్చి మిర్చి, ఉల్లిపాయ ముక్కలు, వెల్లుల్లి వేసి బాగా వేయించాలి. తర్వాత బ్రౌన్ రైస్ ను కుకర్లో వేయాలి. కూరగాయల ముక్కలు కూడా అందులో వేసి అన్ని బాగా కలిసేలా కలపాలి. మీకు కావాలనుకున్నట్లుగా గరం మసాలా, తగినంత ఉప్పు వేసి మూత పెట్టాలి. నాలుగు విజిల్స్ వచ్చే వరకూ ఉంచాలి. చివరిగా కొత్తిమీరతో గార్నిష్ చేస్తే టేస్టీ బ్రౌన్ రైస్ పులావ్ రెడీ.</p>

<ul><li>మనిషి ముందు చూపుతోపాటు ఈ మధ్య కాస్త వెనుదిరిగి కూడా చూస్తున్నాడు. అందులో భాగంగానే మన పూర్వీకుల ఆచార వ్యవహారాలు, ఆహార అలవాట్లను జీవితంలో భాగం చేసుకుంటున్నాడు. బ్రౌన్ రైస్ అలా తెరపైకి వచ్చిందే. వైట్ రైస్ తింటే ఎన్నో నొప్పులు వేధిస్తుండటంతో క్రమంగా అందరకూ ముడి బియ్యంవైపు చూస్తున్నారు.</li></ul>

Vastu Tips: ఇంట్లో మొక్కలు పెంచుతారా? ఈ మొక్కలు ఉంటే ఆర్థిక ఇబ్బందులు ఉండవట!

<p>ఆదాయం బాగానే ఉన్నా ఆర్థిక ఇబ్బందులతో సతమతమయ్యే వారు చాలా మందే ఉంటారు. వ్యాపారంలో లాభాలు ఎన్ని వచ్చినా ఏదో రూపంలో డబ్బు ఖర్చు అయిపోయి ఎక్కడ వేసిన గొంగళి అక్కడే అన్నట్లుగా ఉంటుంది పరిస్థితి. ఈ కష్టాల నుంచి తమను గట్టెక్కించాలని దేవుడ్ని పార్థిస్తుంటారు. దేవుడిపైనే భారం వేస్తుంటారు.&nbsp;</p>

<p>అయితే వాస్తుశాస్త్రం ప్రకారం.. ఇంట్లో కొన్ని రకాల మొక్కలు పెట్టుకుంటే ఇలాంటి ఆర్థిక ఇబ్బందుల నుంచైనా బయటపడతారట. ఈ మొక్కలు ఒత్తిడి, ఆందోళనలు తగ్గించి పాజిటివ్ వైబ్రేషన్స్ కలగజేస్తాయని వాస్తు నిపుణులు చెబుతున్నారు. నెగిటివ్ ఎనర్జీ దూరమవుతుంది, మానసిక ప్రశాంతత పెరుగుతుంది. ఎలప్పుడూ ఉత్సాహంగా ఉంటారని వారంటున్నారు.</p>

<p>మరి ఆ మొక్కలేంటి, వాటి వలన ఎలాంటి ప్రయోజనాలు కలుగుతాయో ఇప్పుడు తెలుసుకోండి.</p>

<h2>ఇంటి ఆవరణలో ఈ మొక్కలు ఉంటే ఎంతో మేలు</h2><p><strong>జమ్మి మొక్క:</strong> &nbsp;మన పురాణ గాథల ప్రకారం జమ్మి చెట్టు ప్రాముఖ్యత ఎలాంటిదో మనకు తెలిసిందే. ఇంట్లో కూడా జమ్మి మొక్క ఉండటం అనేది చాలా శుభప్రదంగా చెప్తారు. వాస్తుశాస్త్రం ప్రకారం జమ్మి మొక్క ముందు ప్రతిరోజూ ఆవాల నూనెతో దీపం వెలిగిస్తే ఎలాంటి ఆర్థిక సమస్యలు, ఉద్యోగ సమస్యలు ఉన్నా తొలగిపోతాయి.</p>

<p><strong>మనీ ప్లాంట్:</strong> చాలా మంది ఇళ్లలో మనీ ప్లాంట్ ని పెంచుకోవడం మనం చూస్తాం. ఈ మొక్క ఇంట్లో ఉండడం వల్ల అదృష్టం కలిసి వస్తుంది, ఆ ఇంటికి ఆర్థికంగా కూడా ఎలాంటి ఇబ్బందులు ఉండవని నమ్ముతారు. పైగా ఈ మొక్క ఇంటికి ప్రత్యేక అలంకరణగా ఉంటుంది, అంతేకాకుండా ఇది చాలా సులువుగా ఏ చోటనైనా పెరుగుతుంది.</p>

<p><strong>తులసి మొక్క:</strong> హిందువులకు సంబంధించి తులసి మొక్క లేని ఇళ్లంటూ ఉండదు. ప్రతి ఇంటి గుమ్మం ముందు తులసి మొక్క ఉండాల్సిందే. తులసి చెట్టును దేవతల ప్రతిరూపంగా భావిస్తారు. రోజూ ఆ మొక్కకు పూజ చేస్తే లక్ష్మీ కటాక్షం లభిస్తుందని నమ్మకం. తులసి ఆకులలో ఎన్నో ఔషధ గుణాలు ఉంటాయి కూడా, కాబట్టి ఆరోగ్య ప్రయోజనాలు లభిస్తాయి.</p>

<p><strong>వెదురు మొక్క:</strong> ఇంటి ఆవరణలో వెదురు మొక్కలు ప్రత్యేక ఆకర్షణగా నిలుస్తాయి. వెదురు మొక్క కూడా అదృష్టాన్ని తీసుకువస్తుంది. ఈ మొక్కను ఇంట్లో పెంచుకుంటే ఆర్థిక ఇబ్బందుల నుంచి ఉపశమనం కలుగుతుంది.&nbsp;</p>

<p><strong>స్నేక్ ప్లాంట్: </strong>స్నేక్ ప్లాంట్ గాలిని శుద్ధి చేస్తుంది. రోడ్డు పక్కన ఇళ్లు ఉన్న వాళ్లు ఈ మొక్కను పెంచుకోవడం వల్ల బయట నుంచి వచ్చే కాలుష్యమైన గాలిని శుద్ది చేసి మంచి గాలిని ప్రసరింపజేస్తుంది. వాస్తు ప్రకారంగా చూస్తే, స్నేక్ ప్లాంట్ ఇళ్లల్లో ఉంటే వారికి ఆర్ధిక సమస్యలు ఉండవు.</p>

<p><strong>తూజా ప్లాంట్: </strong>ఈ మొక్కను రకరకాల పేర్లతో పిలుస్తారు. మన వద్ద ఇది మోర్ పంఖ్ అనే పేరుతో పాపులర్. దీనికి ఆకులు నెమలి ఈకళ్లగా విచ్చుకున్నట్లుగా ఉంటాయి. అందుకే దీనికాపేరు వచ్చింది. ఈ మొక్కలను గార్డెన్ లలో వివిధ ఆకృతుల్లో చూడవచ్చు. ఇది మనీ ప్లాంట్ తరహా మొక్క. ఇంట్లో పెంచుకుంటే అదృష్టం కలిసి వచ్చి, ఆర్థిక సమస్యలు తొలగిపోతాయని నమ్మక.</p>

<p><strong>ఎరికా పామ్:</strong> ఇది కూడా అలంకరణ కోసం ఉపయోగించే మొక్క. ఇళ్లల్లో, కార్యాలయాలలో గుమ్మం ఎదురుగా స్వాగతం పలుకుతున్నట్లుగా కుండీలలో వీటిని పెంచుతారు. ఇవి చూడటానికి చిన్న కొబ్బరి చెట్లలా ఉంటాయి. ఈగ్ మొక్కలు ఉంటే పాజిటివ్ వైబ్రేషన్స్ కలుగుతాయి.</p>

<p>పైన పేర్కొన్న మొక్కలను ఇంట్లో పెంచుకుంటే ఇంటికి అందంతో పాటు ఆర్థిక వృద్ధిని చేకూరుస్తాయి. అయితే ఈ మొక్కలను ఎండిపోకుండా జాగ్రత్తగా చూసుకోవాలి. ఒకవేళ ఎండిపోతే వాటి స్థానంలో కొత్త మొక్కను నాటాలి కానీ, వాటినే పెంచరాదు.</p>

<ul><li>ఇంట్లో కొన్ని రకాల మొక్కలు పెట్టుకుంటే ఇలాంటి ఆర్థిక ఇబ్బందుల నుంచైనా బయటపడతారట. ఈ మొక్కలు ఒత్తిడి, ఆందోళనలు తగ్గించి పాజిటివ్ వైబ్రేషన్స్ కలగజేస్తాయని వాస్తు నిపుణులు చెబుతున్నారు. నెగిటివ్ ఎనర్జీ దూరమవుతుంది, ఎలప్పుడూ ఉత్సాహంగా ఉంటారని వారంటున్నారు.</li></ul>

లిఫ్ట్‌లో అద్దం ఎందుకు ఉంటుందో తెలుసా? అందం కోసం మాత్రం కాదు

<p>సాధారణంగా ఎక్కడైనా లిఫ్ట్ ఎక్కితే అందులో అద్దం ఉంటే మన దృష్టి అందంపై పడుతుంది. అద్దంలో ఎలా ఉన్నామో చూసుకుంటూ తెగ మురిసిపోతాం. డ్రెస్ సరి చేసుకుంటారు. కొందరైతే వెంటనే బ్యాగ్ లోని మేకప్ సామాగ్రి తీసేసి చకా చకా రాసేసుకుంటారు. &nbsp;మరి లిఫ్ట్‌లో అద్దం ఇందుకోసమే పెట్టారనుకుంటే మీరు పప్పులో కాలేసినట్లే. దీని వెనక మరో కారణం ఉంది.&nbsp;</p>

<h2>సేఫ్టీ కోసమే పెడతారు..&nbsp;</h2><p>లిఫ్టుల్లో అద్దాల్ని సేఫ్టీ కోసం పెడతారట. అవును.. మీరు విన్నది నిజమే. లిఫ్ట్ ఎక్కినప్పుడు మనతో పాటు చాలా మంది ఉంటారు. వారిలో మనకు తెలియని వారుండొచ్చు. అలాంటప్పుడు ఒక్కోసారి కాస్త భయం వేస్తుంది. &nbsp;అద్దం ఉంటే వారిని ఓ కంట కనిపెడుతూ ఉండవచ్చు. గుంపులో ఎవరైనా దొంగతనానికి పాల్పడుతున్నారా? అలా వారి మూమెంట్స్ ని మనం గమనించవచ్చు. లిఫ్టులో అద్దం పెట్టడానికి ప్రధాన కారణమిదే.</p>

<h2>ఎలివేటర్ల నేపథ్యం..&nbsp;</h2><p>లిఫ్టుల్లో అద్దాలను మొదట జపాన్‌లో ప్రవేశపెట్టారు. వికలాంగులు, వీల్ ఛైర్ వాడేవారు మెట్లు ఎక్కాలంటే చాలా ఇబ్బంది. అలాంటి వారి కోసం ఇవి ఎంతో సౌకర్యవంతంగా ఉంటాయి. లిఫ్ట్ ఎక్కి అందులో తమ కుర్చీని వెనక్కి తిప్పడం వారికి కాస్త ఇబ్బందిగా ఉంటుంది. అలాంటప్పుడు అద్దం సాయంతో వారు ఎక్కడ ఖాళీ ఉందో చూసుకుని వీల్ ఛైర్ సర్దుబాటు చేసుకుంటారు. ఇలాంటి పలు ప్రయోజనాల కోసమే ఎలివేటర్లలో అద్దాలు పెడతారు.&nbsp;</p>

<p>లిఫ్టులో సాధరణంగా ఎక్కువ ప్లేస్ లేకపోవడం, ఫ్రెష్ ఎయిర్ తగలేకపోవడం వంటి కారణాల వలన చాలా మందికి క్లాస్ట్రోఫోబియా సమస్య ఎదురవుతుంటుంది. ఈ సమస్య ఎదురైనప్పుడు మనలో ఆందోళన పెరిగుతుంది. ఫలితంగా గుండె వేగం అందుకుంటుంది. అరచేతిలో చెమటలు పడుతుంటాయి. అదే లిఫ్ట్ లో అద్దం ఉండడం, దాని చూడటం వలన ఇలాంటి ఆందోళనలు ఉండవు. అంతేకాదు అవసరాన్ని మించి ఎవరైనా లిఫ్ట్ ఎక్కినా ఇరుకుగా ఉందనే ఫీల్ లేకుండా చేస్తుంది అద్దం. ఒక్క అద్దం ఎన్ని పనులు చేస్తుందో చూడండి.</p>

<p>లిఫ్ట్ లో బోర్ గా నిలుచునే బదులు అద్దంలో తమని తాము చూసుకుంటూ, ఇతరులను కూడా గమనించవచ్చు. అదే అద్దం లేకపోతే నేల చూపులు చూస్తూ ఉండడం వలన అక్కడ ఉండే నిమిషం, రెండు నిమిషాలు కూడా ఎంతో సమయం ఉన్న భావన వస్తుందట. ఇన్ని సమస్యలు తగ్గిస్తుంది కాబట్టి లిఫ్ట్ లో అద్దాన్ని పెడుతుంటారు.</p>

<ul><li>అపార్టుమెంట్లలో లిఫ్ట్ ఉండటం సహజం. ఈ ఎలివేటర్లు ఉన్నాక ఎవరైనా మెట్లు ఎక్కడానికి ఇష్టపడరు కదా. మీరు గమనించారో లేదో కొన్ని చోట్ల లిఫ్టుల్లో అద్దాలు ఉంటాయి. ఇవి ఎందుకో ఉంచుతారో తెలిస్తే ఆశ్చర్యపోతారు.&nbsp;</li></ul>

Lord Siva | శివుడికి పూజ ఎలా చేయాలి? ఈ పొరపాట్లు మాత్రం చేయకండి

<p>హిందూ పురాణాల ప్రకారం సోమవారం శివుడికి ప్రత్యేకం. శివ అనే పదంలో ‘శి’ అంటే శాశ్వత ఆనందం, మగవాళ్ల శక్తి అని, ‘వ’ అంటే మహిళల శక్తి అని అర్థం. పరమేశ్వరుడిని పూజించేటప్పుడు చాలా జాగ్రత్త తీసుకోవాలి. శివుడిని లింగ రూపంలో కొలవడం వల్ల ఆ వ్యక్తి తన జీవితంలో ఉన్నత స్థాయికి చేరుకుంటారని వేదాలు చెబుతున్నాయి. శివపూజ చేసేటప్పుడు ఎలాంటి జాగ్రత్తలు తీసుకోవాలి, ఎలాంటి పొరపాట్లు చేయకూడదో ఇప్పుడు తెలుసుకుందాం.</p>

<h2>&nbsp;శివపూజ జాగ్రత్తలు..</h2><p>&nbsp;- స్నానం చేసి శుభ్రమైన దుస్తులు ధరించిన తర్వాత పూజ మొదలు పెట్టాలి. పూజ చేసే సమయంలో ‘ఓం నమః శివాయ’ మంత్రాన్ని స్మరించుకోవాలి. ఈ పంచాక్షరి మంత్రం చాలా శక్తివంతమైనది.</p>

<p>- శివుడిని పూజించే ముందు తప్పనిసరిగా వినాయకుడిని మొదటగా పూజించాలి. తులసి ఆకులను ఎట్టి పరిస్థితుల్లోనూ శివుడికి సమర్పించకూడదు. ఇంట్లో శివలింగం పెట్టుకుంటే.. పై నుంచి జలధార కచ్ఛితంగా ఉండాలి. అంటే లింగంపై నీటి కుండ ఉండాలి. జలధార లేకుండా శివలింగం పెట్టుకుంటే.. ఇంట్లో ప్రతికూల శక్తిని ఆకర్షిస్తుంది.</p>

<p>- శివుడు అభిషేక ప్రియుడని ప్రత్యేకంగా చెప్పనవసరం లేదు. అందుకే జలంతో అయినా సరే పంచాక్షరి మంత్రాన్ని జపిస్తూ లింగాన్ని అభిషేకిస్తే &nbsp;ఆ బోలాశంకరుడు కోరిన కోర్కెలు తీరుస్తాడని ప్రతీతి.</p>

<p>- శివుడికి బిల్వ పత్రం సమర్పించడం చాలా ముఖ్యం. మూడు ఆకులతో కూడిన ఈ బిల్వ పత్రం శివుడి మూడు కనులను సంకేతం. అలాగే త్రిశూలానికి చిహ్నం. ఇవి గత మూడు జన్మల పాపాలను హరిస్తాయి. అయితే ఈ ఆకులను చెట్టు నుంచి కోసేటప్పుడు కొన్ని జాగ్రత్తలు పాటించాలి. బిల్వపత్రాన్ని సోమవారం, అమావాస్య, మకర సంక్రాంతి, పౌర్ణమి, అష్టమి, నవమి రోజుల్లో కోయరాదు. వీచిని చెట్టు నుంచి వేరు చేసిన తర్వాత నీటితో శుభ్రం చేసి మాత్రమే ఈశ్వరుడికి సమర్పించాలి.</p>

<p>- సంపంగి పూలతో శివుడిని ఎట్టి పరిస్థితుల్లో పూజించరాదు. శివుడు.. సంపంగి పూలకు శాపం విధించినట్లు శాస్త్రం చెబుతోంది. ఓ సారి తప్పు సాక్ష్యం చెప్పడానికి సహాయపడమని బ్రహ్మ సంపంగి పూలను అడుగుతాడు. దీంతో బ్రహ్మను , సంపంగిని పూజకు పనికిరారని శివుడు శాపం విధించాడట.</p>

<p>- శివలింగానికి కుంకుమ పెట్టకూడదు. కేవలం విభూతి, గంధం మాత్రమే ఉపయోగించాలి. శివుడు ఎంతో భక్తితో శ్రద్ధగా ధ్యానం చేస్తుంటాడు. ఆయనకు కుంకుమ సమర్పించడం వల్ల ఎరుపు రంగులో ఉండే ఈ కుంకుమ శరీరంలో చల్లదనాన్ని కలిగించడానికి బదులు వేడి పుట్టిస్తుంది. అందుకే కుంకుమకు బదులు చల్లదనాన్నిచ్చే గంధాన్ని ఉపయోగించాలి.</p>

<p>- కొబ్బరి నీళ్లను ఎట్టి పరిస్థితుల్లో శివలింగంపై వేయకూడదు. వెలగపండు శివుడికి ప్రీతికరమైనది. ఇది దీర్షాయుష్షుని సూచిస్తుంది.</p>

<p>- శంకు పుష్పాలు, తామర పువ్వులతో పూజించడం వల్ల పాపాలు తొలగిపోతాయి. పారిజాత పుష్పాలతో పూజ వల్ల సంపద పెరుగుతుంది.</p>

<p>- కోరుకున్న అబ్బాయి లేదా అమ్మాయితో వివాహం జరగాలంటే శివుడ్ని గుండ్రటి మల్లె పూలతో పూజించాలి. శమీ పత్రంతో పూజ వల్ల మోక్షం కలుగుతుంది. జిల్లేడు పుష్పాలతో పూజ చేయడం వల్ల ఆరోగ్యంగా ఉంటాము.</p>

<ul><li>శివుడు... భక్తుల కోరికలను తేలికగా నెరవేరుస్తాడని, త్వరగా అనుగ్రహిస్తాడని ప్రతీతి. అయితే సోమవారం శివుడిని చాలా జాగ్రత్తగా పూజించాలి. కొన్ని పొరపాట్లను ఎట్టి పరిస్థితుల్లో చేయకూడదు. శివుడికి పూజ చేసే సమయంలో ఏవైనా పొరపాట్లు చేస్తే మాత్రం ఆ స్వామి ఆగ్రహానికి గురవుతాం.</li></ul>

Dreams: మీ కలలో ఈ జంతువులు కనిపిస్తున్నాయా?అయితే భవిష్యత్తు తెలుసుకోవచ్చు

<p>మనకి కలలో తెలుపు రంగు జంతువులు కనిపిస్తే ఎంతో శుభప్రదంగా పరిగణించాలి. శాస్త్రాల్లోనూ ఇలాంటి కలలు రావడం పవిత్రంగా పరిగణించారు. స్వప్నాల్లో వీటిని చూడటం ద్వారా అదృష్టం కలిసి వస్తుందని నమ్ముతారు. ఏ జంతువు కనిపిస్తే ఎలాంటి ఫలితం దక్కుతుందో, ఏయే అనుభవాలు ఎదురవుతాయో అని భయపడుతుంటాం. ఏ జంతువు కనిపిస్తే ఏం జరుగుతుందో ఇప్పుడు తెలుసుకుందాం.</p>

<h2>కలలో జంతువులు కనిపిస్తే సంకేతాలు..</h2><h3>ఆవు:</h3><p>కలలోకి వస్తే చేపట్టిన పనుల్లో విజయం సాధిస్తారు. ఆవు రూపం కలలో కనిపించిందంటే ఆ వ్యక్తికి దేవుడి పట్ల భక్తి ఎక్కువ.</p>

<h3><strong>పాము:&nbsp;</strong></h3><p>కలలో పాము కనిపించిందంటే భయపడిపోతుంటాం. కానీ, కలలో పాము కనిపిస్తే ఎలాంటి భయాలు, ఆందోళన చెందాల్సిన అవసరం లేదు. పాము కనిపించడాన్ని శుభ శకునంగా చెబుతారు. పాము కలలో కనిపిస్తే జీవితంలో విజయం సాధిస్తామని అర్థం.</p>

<h3><strong>ఏనుగు:</strong>&nbsp;</h3><p>మనలో చాలా మందికి ఏనుగు ఎక్కువగా కలలో కనిపిస్తుంటుంది. ఏనుగు కలలో కనిపిస్తే మంచిదే. ధన లాభం కలిగేందుకు సంకేతం. ఎలాంటి ఆర్థిక సమస్యలు ఉండవు. త్వరగా ధనవంతులు కాబోయేందుకు ఇది సంకేతం.</p>

<h3><strong>గుడ్ల గూబ:</strong>&nbsp;</h3><p>కలలో గుడ్ల గూబ కనిపించినట్లయితే ధనం, ధాన్యం చేతికి వస్తుందట. గుడ్ల గూబను పలువురు దేవతల వాహనంగా భావిస్తారు. కలలోకి గుడ్ల గూబ వచ్చినట్లయితే లక్ష్మీ దేవి అనుగ్రహం లభించనుందని అర్థం.</p>

<h3><strong>జింక:</strong>&nbsp;</h3><p>ఎప్పుడైనా కలలో జింక కనిపిస్తే ఆర్థిక పరిస్థితి మెరుగుపడటాన్నిసూచిస్తుంది. అదే జింక కలలో చనిపోయినట్లు కనిపిస్తే ప్రేమ వ్యవహారాల్లో వైఫల్యం ఎదురయ్యే అవకాశం ఉన్నట్లు తెలుసుకోవాలి.</p>

<h3><strong>పిల్లి :</strong>&nbsp;</h3><p>కలలో మీరు తెల్ల పిల్లిని చూస్తే కష్టాలు రాబోతున్నాయని , నల్ల పిల్లిని చూస్తే మానసిక సామర్ధ్యాలు ఉపయోగించడానికి భయపడుతాన్నరని అర్ధం. అలాగే పిల్లిని తరుముతున్నట్లు వస్తే మీరు అడ్డంకులను అధిగమిస్తారని సూచిస్తుంది.</p>

<h3><strong>ఎద్దు:</strong>&nbsp;</h3><p>కలలో ఎద్దు కనిపిస్తే పెద్ద మొత్తంలో సంపద రాబోతుందని అర్థం.</p>

<h3><strong>గాడిద:</strong>&nbsp;</h3><p>ఒకవేళ ఎప్పుడైనా కలలో గాడిద కనిపించినట్లైతే చికాకులకు సంకేతం. ఏదైనా బరువు మోస్తున్న గాడిద కనిపించినట్లైతే ఎంతో కష్టపడితేనే విజయం దక్కుతుందని, గాడిద మీద ఊరేగుతున్నట్లు కనిపిస్తే మంచి నాయకత్వ లక్షణాలు ఉన్నట్లు తెలుసుకోవాలి.</p>

<h3><strong>మొసలి:</strong>&nbsp;</h3><p>కలలో మొసలి కనిపిస్తే ఏదో ఊహించని ప్రమాదం రాబోతుందనే అర్థం. మొసలి కరిచినట్లు కల వస్తే వ్యాపారంలో నష్టం రావచ్చట.</p>

<h3><strong>కుందేలు:&nbsp;</strong></h3><p>పచ్చటి గడ్డిలో కుందేళ్లు ఆడుకుంటున్నట్లు కల వస్తే.. సంతానం వలన సంతోషం కలగబోతున్నట్లు. కుందేలు అదృష్టానికి గుర్తు. అంతా మంచి జరగబోతుందనే దానికి ఇది చిహ్నం.</p>

<h3><strong>తాబేలు:&nbsp;</strong></h3><p>కలలో తాబేలు వస్తే.. చేసే పనిలో విజయం సాధించడానికి అవకాశాలు ఉన్నాయి కానీ ఇంకా కష్టపడాలని అర్థం.</p>

<h3><strong>కుక్క:&nbsp;</strong></h3><p>కలలో కుక్క కనిపిస్తే మీ ప్రత్యర్ధి మీద మీరు విజయం సాధిస్తారని, అలాగే ఒక మంచి స్నేహితుడుని కోల్పోతున్నారని సూచిస్తుంది.</p>

<h3><strong>పంది:&nbsp;</strong></h3><p>పంది కనిపిస్తే మీరు స్వార్ధం లేదా అత్యాశతో అలోచిస్తున్నారని అర్ధం.</p>

<h3><strong>ఒంటె:&nbsp;</strong></h3><p>మీ కలలో ఒంటె కనిపిస్తే మీరు భారమైన సమస్యలను భుజాలపై మోస్తున్నారని అర్థం.</p>

<ul><li>మనం మంచి నిద్రలో ఉన్నప్పుడు ఏవేవో కలలు వస్తుంటాయి. ఒక్కోసారి కలలో జంతువులు, పక్షులు కూడా వస్తుంటాయి. రాత్రి నిద్రలో వచ్చిన కలలు ఒక్కోసారి నిద్ర లేచాక గుర్తుండవు. ఏదో కల వచ్చిందని గుర్తు చేసుకోవడానికి ఎంతో ప్రయత్నిస్తాం. లలు కొన్ని మంచిని సూచిస్తే... మరికొన్ని చెడును సూచిస్తాయి.</li></ul>

Pooja | ఏ రోజు ఏ దేవుడిని ఎలా పూజించాలో మీకు తెలుసా?

<p>వారంలో ఏడు రోజులు ఉంటాయి కదా. ఇందులో ఒక్కోరోజు ఒక్కో దేవుడికి ప్రీతిపాత్రమైంది. అందుకే ఆయా రోజుల్లో ఆయా దేవుళ్లను పూజించడం వల్ల మంచి పుణ్య ఫలం లభిస్తుంది. ఈ పూజల గురించి శివపురాణంలోని 14వ అధ్యాయంలో కూడా వివరించారు.</p>

<h3><strong>ఆదివారం</strong></h3><p>ఆదిత్యుడు అంటే సూర్యుడు. సూర్యుడికి ఎంతో ప్రీతికరమైన రోజు ఆదివారం. ఆ రోజు సూర్య దేవుడ్ని ఆరాధించడం వల్ల ఆరోగ్యంతో పాటు జ్ఞాపక శక్తి పెరుగుతుంది. ఏ శుభకార్యం తలపెట్టినా నిర్వఘ్నంగా సాగుతుంది. సూర్య భగవానుడికి తెల్లటి ధాన్యము సమర్పించి పూజించడం వల్ల శుభ ఫలితాలు కలుగుతాయి. అలాగే ఆదివారం పండితులను సత్కరించడం, ఆహార పదార్థాలను దానం చేయడం వల్ల కంటి రోగాలు, దీర్ఘకాలిక రోగాల నుంచి ఉపశమనం కలుగుతుంది.</p>

<h3><strong>సోమవారం</strong></h3><p>చంద్రునికి సంబంధించిన వారం సోమవారం. అందుకే శివునికి ఎంతో ప్రీతికరం. సోమవారం శివుడికి మారేడు, బిల్వ పత్రాలతో పూజించడం వల్ల సిరి సంపదలు కలుగుతాయి. అనుకున్న పనులు నెరవేరుతాయి. అలాగే లక్ష్మీ దేవికి కూడా ఇష్టమైన వారం. లక్ష్మీ దేవికి అభిషేకం, కుంకుమార్చన చేస్తే మంచిది. విష్ణు లేదా వైష్ణవ సంప్రదాయం పాటించే వారు వేంకటేశ్వరుడికి అభిషేకం, పుష్పార్చన చేస్తే విశేష ఫలితం. ఈ రోజు పండితులకు లేదా బ్రాహ్మణులకు నెయ్యితో వండిన పదార్థాలను ఇస్తే మంచిది.</p>

<h3><strong>మంగళవారం</strong></h3><p>ఆంజనేయ స్వామి, దుర్గామాతకు మంగళవారం ఇష్టమైన రోజు. వీరిద్దరినీ మంగళవారం పూజిస్తే శుభ ఫలితాలు దక్కుతాయి. ఆరోగ్య సమస్యల నుంచి విముక్తి కోసం మంగళవారం నాడు కాాళీ మాతను పూజించాలి. ఆంజనేయ స్వామికి తమలపాకులు లేదా వడ మాలను మంగళవారం వేసి పూజిస్తే భయాలు, రోగాలు పోతాయని భక్తుల నమ్మకం. మినుము, కంది, పెసర పప్పులతో చేసిన పదార్థాలతో వేద పండితులకు భోజనం పెడితే మంచిది.</p>

<h3><strong>బుధవారం</strong></h3><p>వినాయకుడికి అత్యంత ప్రీతికరమైన రోజు బుధవారం. అనుకున్న పనులు జరగడం లేదని బాధపడేవారు ఎర్రటి మందారాలతో బుధవారం వినాయకుడిని భక్తి శ్రద్ధలతో పూజిస్తే ఆటంకాలు తొలగిపోతాయి. అలాగే అయ్యప్పస్వామికి, విష్ణుమూర్తికి కూడా బుధవారం ఇష్టం. పెరుగు అన్నాన్ని బుధవారం విష్ణు దేవునికి నివేదించి పూజ చేస్తే.. కుమారులు, మిత్రులు, భార్యకు చక్కటి ఆరోగ్యం ప్రాప్తిస్తుంది.</p>

<h3><strong>గురువారం</strong></h3><p>వేంకటేశ్వర స్వామి, దత్తాత్రేయుడు, సాయిబాబాను గురువారం పూజించడం శ్రేయస్కరం. ఆయుష్షును, ఆరోగ్యాన్ని కోరేవారు తమ ఇష్ట దైవానికి గురువారం పాలతో, నెయ్యితో చేసిన పదార్థాలను నివేదించాలి. అలాగే వస్త్రాలను కూడా నివేదించి అర్చన చేయడం శుభకరం. అలాగే పసుపు రంగు వస్త్రాలను దానం చేయడం వల్ల శుభ ఫలితాలు కలుగుతాయి.</p>

<h3><strong>శుక్రవారం</strong></h3><p>లక్ష్మీదేవికి, అమ్మవార్లు అంటే దుర్గా, కాళీ, లలితా, కామాక్షీ, మీనాక్షీ వంటి దేవతా స్వరూపాలను ఆరాధిస్తే మంచిది. అదే విధంగా తులసీ పూజ, గో పూజలు చాలా ఉత్తమ ఫలితాలను ఇస్తాయి. ఈ రోజు ఇష్టదైవాన్ని భక్తి శ్రద్ధలతో ఆరాధిస్తే అష్ట ఐశ్వర్యాలు చేకూరుతాయి. అమ్మవారికి ఎరుపు రంగు పూలు సమర్పించాలి. ఈ రోజు పూజ తర్వాత పండితులకు భోజనం పెడితే మంచిది.</p>

<h3><strong>శనివారం</strong></h3><p>కలియుగ దైవం వేంకటేశ్వరుడికి శనివారం ఎంతో ప్రీతికరం. అదే విధంగా ఆంజనేయస్వామి, శని దేవతల ఆరాధన ఉత్తమం. కుదిరితే ఆంజనేయ స్వామి, శివాలయం, వేంకటేశ్వర స్వామి ఆలయాలకు వెళ్లి ప్రదక్షణలు చేస్తే దోషాలు పోతాయి. శనివారం రుద్రాది దేవతల ఆరాధన మంచిది. అపమృత్యువు నుంచి తప్పించుకోవాలనుకునేవారు శనివారం నువ్వులతో హోమం చేసి నువ్వులను దానం ఇవ్వాలి. ఇలా చేయటం వల్ల పూజ చేసిన వ్యక్తికి మంచి ఆరోగ్యం చేకూరుతుంది.</p>

<ul><li>పూజలు అందరూ చేస్తారు. కానీ ఏ రోజు ఏ దేవుడికి పూజ చేయాలి? ఎలా చేయాలి? అలా చేస్తే కలిగే ప్రయోజనాలేంటి అన్నది మాత్రం చాలా మందికి తెలియదు. నిజానికి శాస్త్రాల్లో ఈ పూజలకు సంబంధించి కూడా వివరించారు. మరి ఆ పూజలేంటో, ఎలా చేస్తారో మీరూ తెలుసుకోండి.</li></ul>

Betel Leaves | సంప్రదాయాలలో తమలపాకుకు ప్రత్యేక స్థానం, తింటే ఎన్నో ప్రయోజనాలు!

<p>తమలపాకును మనం అనేక రకాలుగా ఉపయోగిస్తాం. పెళ్లి నుంచి కిళ్లీ దాకా ప్రతిచోటా ఈ ఆకు అవసరం ఉంటుంది. పెళ్లిలో జీలకర్ర బెల్లం పెట్టడం దగ్గర్నించీ పూజలు, ఇత్యాది సంప్రదాయ కార్యక్రమాలలో తమలపాకులు ఉపయోగిస్తాం. ఆంజనేయ స్వామికి తమలపాకులతో ప్రత్యేకంగా పూజ చేస్తాం.</p>

<p>హిందూ సంప్రదాయాలలో వీటికి ప్రత్యేక స్థానం ఉంది. తమలపాకులు క్షీర సాగర మథనంలో వెలువడ్డాయని పురాణ కథనాలు చెబుతున్నాయి. ఈ ఆకులకు ఉన్న ఔషధ గుణాల దృష్ట్యా వీటిని మానవజాతికి అందించాలని శివపార్వతులు హిమాలయాల్లో తమలపాకు మొక్కలను నాటినట్లు పురాణ గాథల్లో ఉంది. పురాణాల ప్రకారం... ఈ ఆకు పైభాగంలో ఇంద్రుడు, శుక్రుడు, మధ్య భాగంలో సరస్వతీ దేవి, చివరలో మహాలక్ష్మి నివాసం ఉంటారట. తమలపాకు కాడకి, కొమ్మ మధ్యన జ్యేష్ఠాదేవి నివాసం, &nbsp;కుడి భాగంలో భూమాత, ఎడమ వైపున పార్వతీదేవి, మాంగల్యదేవి నివసిస్తారు. సుబ్రహ్మణ్యుడు తమలపాకు అంతటా వ్యాపించి ఉంటాడని పురాణ కథనం.</p>

<p>ఇవన్నీ పక్కన పెడితే, తమలపాకు తినడం ద్వారా మనకు ఎన్నో రకాల ఆరోగ్య ప్రయోజనాలు కలుగుతాయనేది కాదనలేని వాస్తవం. ఆయుర్వేదం ప్రకారం తమలపాకుల్లో అద్భుతమైన ఔషధగుణాలు ఉన్నాయి. ఈ ఆకులను ఉపయోగించి వ్యాధులను నయం చేసుకోవచ్చు. శరీరాన్ని ఆరోగ్యంగా ఉంచుకోవచ్చు. చాలా మంది భోజనం చేసిన తరువాత జాజి లాంటి సుగంధ ద్రవ్యాలతో కలిపి తమలపాకుతో తాంబూలం వేసుకుంటారు. తాంబూలం వేసుకుంటే మానసిక తృప్తి, మంచి ఆరోగ్యమూ కలుగుతుందంటారు. ఇంకా ఎలాంటి లాభాలున్నాయో తెలుసుకోండి.</p>

<h2>తమలపాకు వల్ల కలిగే ఆరోగ్య ప్రయోజనాలు</h2><ul><li>తమలపాకుల రసం, తులసి ఆకుల రసం, అల్లం రసం, మిరియాల పొడి, తేనెలను కొద్ది కొద్దిగా తీసుకుని అన్నీ కలిపి పిల్లలకు తినిపించాలి. దీంతో సీజనల్ వ్యాధులయిన జలుబు, దగ్గు తగ్గుతాయి.</li><li>చెవుల మీద తమలపాకులను వేసి కట్టుకుంటే తలలో చేరిన వాతం తగ్గి తలనొప్పి నుంచి ఉపమశనం లభిస్తుంది.</li><li>రేచీకటి సమస్య ఉన్నవారు తమలపాకుల రసాన్ని రెండు కళ్లలోనూ చుక్కలుగా రోజూ వేస్తుండాలి. ఇందుకోసం ముందు డాక్టర్ల సలహా తీసుకోవాలి.</li><li>నోరు రుచిగా అనిపించకపోయినా, తినాలని లేకపోయినా రెండు తమలపాకులు నమిలితే ఆకలి వేస్తుంది.</li><li>తమలపాకుల రసాన్ని ఉదయం, సాయంత్రం ఒక టీస్పూన్‌ చొప్పున తీసుకుంటే శరీరంలో రక్త సరఫరా మెరుగుపడుతుంది. హైబీపీ తగ్గుతుంది. గుండె అసాధారణ రీతిలో కాకుండా క్రమబద్దంగా కొట్టుకుంటుంది.</li><li>తల్లుల రొమ్ముల్లో పాలు గడ్డలుగా మారి నొప్పిని కలగజేస్తాయి. అలాంటప్పుడు తమలపాకులను వేడి చేసి రొమ్ముల మీద వేసి కట్టుకోవాలి. నొప్పి, వాపులు తగ్గిపోతాయి.</li><li>భోజనం చేసిన తర్వాత రోజూ రాత్రి తమలపాకుల తాంబూలం తింటే ఆహారం సరిగ్గా జీర్ణమవుతుంది. జీర్ణ సమస్యలైన గ్యాస్‌, మలబద్దకం ఉండవు. అలాగే శృంగార సామర్థ్యం పెరుగుతుంది. స్త్రీ, పురుషులకు శృంగారంపై ఆసక్తి కలుగుతుంది.</li><li>ప్రతిరోజూ తమలపాకులు తీసుకుంటూ ఉంటే మెంటల్ హెల్త్ చాలా బాగుంటుంది. అలానే డిప్రెషన్ సమస్య నుంచి కూడా ఉపశమనం పొందవచ్చని ఆరోగ్య నిపుణులు పేర్కొంటున్నారు .</li><li>చిన్న గాయాలు, వాపు, నొప్పి ఉన్న చోట తమలపాకుని ఉంచితే సమస్య తగ్గుతుంది. తమలపాకుని నమిలి తిన్నా ఇదే ప్రయోజనం ఉంటుంది.</li></ul></p>

<ul><li>ఆయుర్వేదం ప్రకారం తమలపాకుల్లో అద్భుతమైన ఔషధగుణాలు ఉన్నాయి. ఈ ఆకులను ఉపయోగించి వ్యాధులను నయం చేసుకోవచ్చు. శరీరాన్ని ఆరోగ్యంగా ఉంచుకోవచ్చు. చాలా మంది భోజనం చేసిన తరువాత తమలపాకుతో తాంబూలం వేసుకుంటారు. హిందువులు పలు పూజల్లో తమలపాకులను ఉపయోగిస్తుంటారు.&nbsp;</li></ul>

Himabindu Ponnaganti