SCR Special Trains : అలర్ట్.. సికింద్రాబాద్, కటక్, తిరుపతికి ప్రత్యేక రైళ్లు
south central railway special trains: ప్రయాణికుల రద్దీ దృష్ట్యా గుడ్ న్యూస్ చెప్పింది దక్షిణ మధ్య రైల్వే. పలు రూట్లలో స్పెషల్ ట్రైన్స్ ను ప్రకటించింది. ఈ మేరకు వివరాలను వెల్లడించింది.
South Central Railway Special Trains Latest: దక్షిణ మధ్య రైల్వే గుడ్ న్యూస్ చెప్పింది. తెలుగు రాష్ట్రాల్లోని ఇప్పటికే పలు ప్రాంతాలకు ప్రత్యేక రైళ్లు ప్రవేశపెట్టగా... ప్రయాణికుల కోసం మరికొన్ని ప్రత్యేక రైళ్లను ప్రకటించింది. ప్రయాణికుల రద్దీ నేపథ్యంలో ఈ నిర్ణయం తీసుకుంది. సికింద్రాబాద్ - కటక్, కటక్ -సికింద్రాబాద్ మధ్య నడపనుంది. తిరుపతి - సోలాపూర్ మధ్య కూడా స్పెషల్ ట్రైన్స్ ప్రకటించింది. ఈ మేరకు వివరాలను చూస్తే......
Secunderabad Cuttack Special Trains: సికింద్రాబాద్ - కటక్ మధ్య స్పెషల్ ట్రైన్స్ ప్రకటించారు అధికారులు. ఈ ట్రైన్ డిసెంబర్ 9, 16, 23, 30 తేదీల్లో నడపనున్నారు. ఈ ప్రత్యేక రైలు ఆయా తేదీల్లో.. సికింద్రాబాద్ నుంచి రాత్రి 08.30 నిమిషాలకు బయల్దేరుతుంది. మరునాడు సాయంత్రం 05. 45 నిమిషాలకు కటక్ కు చేరుకుంటుంది.
ఇక కటక్ నుంచి సికింద్రాబాద్ కు కూడా ప్రత్యేక రైలు నడవనుంది. ఈ రైలు... డిసెంబర్ 10, 17, 24, 31 తేదీల్లో అందుబాటులో ఉంటుంది. ఇది ఆయా తేదీల్లో కటక్ స్టేషన్ నుంచి రాత్రి 10.30 గంటలకు బయల్దేరి.. మరునాడు రాత్రి 08. 30 నిమిషాలకు సికింద్రాబాద్ స్టేషన్ కు చేరుకుంటుంది.
ఆగే స్టేషన్లు ఇవే...
ఈ ప్రత్యేక రైళ్లు... కాజీపేట్, వరంగల్, మహబూబూబాద్, డోర్నకల్, ఖమ్మం, మదిర, ఏలూరు, రాజమండ్రి, సామల్ కోట్, అనకాపల్లి, దువ్వాడ, కొత్తవలస, విజయనగరం, శ్రీకాకుళం, పలాస, బరంపూర్, ఖుర్దా, భువనేశ్వర్ స్టేషన్లలో ఆగుతుంది.
ఈ ప్రత్యేక రైళ్లలో ఏసీ 2 టైర్, ఏసీ 3 టైర్, స్లీపర్ క్లాస్, జనరల్ సెకండ్ క్లాస్ కోచ్ లు అందుబాటులో ఉంటాయని అధికారులు ఓ ప్రకటనలో తెలిపారు.
తిరుపతికి ప్రత్యేక రైళ్లు..
Tirupati Special Trains: ఇక తిరుపతి - సోలాపూర్ మధ్య కూడా స్పెషల్ ట్రైన్ ప్రకటించారు అధికారులు. ఈ ట్రైన్ 16.12.2022 - 17.02.2023 మధ్య అందుబాటులో ఉంటుుంది. తిరుపతి నుంచి రాత్రి 09.10 నిమిషాలకు బయల్దేరి...మరునాడు రాత్రి 07. 10 నిమిషాలకు సోలాపూర్ చేరుతుంది. ఇక సోలాపూర్ నుంచి తిరుపతికి కూడా ప్రత్యేక రైలు ఉంది. ఈ ట్రైన్ 15.12.2022 - 16.02.2023 మధ్య అందుబాటులో ఉంటుంది.
ఈ ప్రత్యేక రైళ్లు... బర్సీ, ఉస్మానాబాద్, లాథూర్, ఉద్గిర్, బీదర్, కలబుర్గి, వాడి, యాద్గిర్, మంత్రాలయం రోడ్, ఆదోనీ, గుంతకల్లు, గుత్తి, తాడిపత్రి, ఎర్రగుంట, కడప, రాజంపేట్, రేణిగుంట స్టేషన్లలో ఆగుతుంది. ఈ సేవలను వినియోగించుకోవాలని అధికారులు ఓ ప్రకనలో కోరారు.
