IPL 2023 Points Table : ఆర్ఆర్ గెలుపుతో పాయింట్ల పట్టికలో మార్పులు ఏంటి?

ఆర్ఆర్ పై పంజాబ్ కింగ్స్(RR Vs PBKS) ఓడిపోవడంతో టోర్నీ నుంచి నిష్క్రమించింది. తొలుత బ్యాటింగ్‌ చేసిన పంజాబ్‌ కింగ్స్‌ శామ్‌ కరణ్‌, జితేష్‌ శర్మల బాధ్యతాయుత ఆటతో 20 ఓవర్లలో 5 వికెట్లు కోల్పోయి 187 చేసి.. ప్రత్యర్థి రాజస్థాన్‌ రాయల్స్‌(Rajasthan Royals)కు మంచి విజయ లక్ష్యాన్ని అందించింది. తర్వాత బ్యాటింగ్ కు దిగిన రాజస్థాన్ రాయల్స్ 19.4 ఓవర్లలో 6 వికెట్ల నష్టానికి 189 పరుగులు చేసి 4 వికెట్ల తేడాతో విజయం సాధించింది.

ఈ మ్యాచ్ తర్వాత టోర్నీ నుంచి నిష్క్రమించిన మూడో జట్టుగా పంజాబ్ కింగ్స్ ఉంది. పాయింట్ల పట్టికలో ఆరో స్థానంలో ఉన్న రాజస్థాన్ రాయల్స్ ఐదో స్థానానికి ఎగబాకింది. స్టాండింగ్స్‌లో ఉన్న మిగిలిన జట్ల సమాచారం ఈ కింది విధంగా ఉంది.

1. గుజరాత్ టైటాన్స్ 13 మ్యాచ్‌ల్లో 9 మ్యాచ్‌లు గెలిచి 4 మ్యాచ్‌లు ఓడి 18 పాయింట్లతో పట్టికలో అగ్రస్థానంలో ఉంది.

2. చెన్నై సూపర్ కింగ్స్ 13 మ్యాచ్‌ల్లో 7 మ్యాచ్‌లు గెలిచి 4 మ్యాచ్‌లు ఓడి 15 పాయింట్లతో పట్టికలో రెండో స్థానంలో ఉంది.

3. లక్నో సూపర్ జెయింట్స్ జట్టు 13 మ్యాచ్‌లలో 7 మ్యాచ్‌లు గెలిచింది, 5 మ్యాచ్‌లలో ఓడిపోయింది. ఒక మ్యాచ్‌లో ఫలితం చూడలేదు.

4. రాయల్ ఛాలెంజర్స్ బెంగళూరు 13 మ్యాచ్‌ల్లో 7 మ్యాచ్‌లు గెలిచి 6 మ్యాచ్‌ల్లో ఓడి 14 పాయింట్లతో పాయింట్ల పట్టికలో 4వ స్థానంలో ఉంది.

5. రాజస్థాన్ రాయల్స్ జట్టు 14 మ్యాచ్‌ల్లో 7 మ్యాచ్‌లు గెలిచి 7 మ్యాచ్‌లు ఓడిపోయి 14 పాయింట్లతో పాయింట్ల పట్టికలో ఐదో స్థానంలో ఉంది.

6. ముంబై ఇండియన్స్ 13 మ్యాచ్‌ల్లో 7 మ్యాచ్‌లు గెలిచి 6 మ్యాచ్‌ల్లో ఓడి 14 పాయింట్లతో ఆరో స్థానంలో ఉంది.

7. 13 మ్యాచుల్లో 6 మ్యాచ్‌లు గెలిచి 7 మ్యాచ్‌లు ఓడిన కోల్‌కతా నైట్ రైడర్స్ 12 పాయింట్లతో ఏడో స్థానంలో ఉంది.

8. 14 మ్యాచ్‌ల్లో 6 మ్యాచ్‌లు గెలిచి, 8 మ్యాచ్‌ల్లో ఓడిపోయిన పంజాబ్ కింగ్స్ జట్టు 12 పాయింట్లతో పాయింట్ల పట్టికలో 8వ స్థానంలో నిలిచి టోర్నీ నుంచి నిష్క్రమించింది.

9. 13 మ్యాచ్‌ల్లో 5 మ్యాచ్‌లు గెలిచి, 8 మ్యాచ్‌ల్లో ఓడిపోయిన ఢిల్లీ క్యాపిటల్స్ జట్టు 10 పాయింట్లతో 9వ స్థానంలో ఉంది. టోర్నీ నుంచి నిష్క్రమించింది.

10. సన్‌రైజర్స్ హైదరాబాద్ 12 మ్యాచ్‌ల్లో 4 మ్యాచ్‌లు గెలిచి 8 మ్యాచ్‌ల్లో ఓడి 8 పాయింట్లతో పట్టికలో అట్టడుగున నిలిచి టోర్నీ నుంచి నిష్క్రమించింది.