Ranchi rape case : వర్షంలో బాలికపై సామూహిక అత్యాచారం!

Ranchi rape case : ఝార్ఖండ్​ రాజధాని రాంచీలో దారుణ ఘటన వెలుగులోకి వచ్చింది. ఓ బాలిక సామూహిక అత్యాచారానికి గురైంది. ముగ్గురు నిందితులను పోలీసులు పట్టుకున్నారు. మరో వ్యక్తి పరారీలో ఉన్నాడు.

ఇదీ జరిగింది..

రాంచీలోని ధుర్వా ప్రాంతంలో గత నెల 29న జరిగింది ఈ ఘటన. 15ఏళ్ల బాధితురాలు తన బంధువుతో కలిసి సమీపంలోని జగన్నాథ ఉత్సవాలకు వెళ్లింది. కొంత సేపటి తర్వాత మైనర్​ తిరుగుపయనం అయ్యింది.

బాలిక వెనక్కి వస్తుండగా వర్షం మొదలైంది. అప్పుడే ఓ యువకుడు ఆమెను కలిశాడు. బాధితురాలి బంధువుకు అతనితో పరిచయం ఉంది. ఆమెను ఇంటి వద్ద డ్రాప్​ చేస్తానని చెప్పాడు. బాధితురాలు అతని బైక్​ ఎక్కింది. కానీ ఇంటికి కాకుండా.. ఎవరూ లేని ప్రాంతానికి తీసుకెళ్లాడు నిందితుడు. అక్కడే మరో ముగ్గురితో కలిసి అత్యాచారానికి ఒడిగట్టాడు. ఒకరి తర్వాత ఒకరు అఘాయిత్యానికి ఒడిగట్టారు.

ఇదీ చూడండి:- Minor girl Rape: కరీం నగర్‌లో దారుణం, పదో తరగతి విద్యార్థినిపై సామూహిక అత్యాచారం

బాధితురాలు తనకు జరిగిన విషయాన్ని పోలీసులకు ఫిర్యాదు చేసింది. ఘటనపై సమాచారం అందుకున్న పోలీసులు నిందితుల కోసం గాలింపు చర్యలు చేపట్టారు. ముగ్గురిని శనివారం అరెస్ట్​ చేశారు. పరారీలో ఉన్న మరో వ్యక్తిని పట్టుకునేందుకు చర్యలు చేపట్టారు.

మరోవైపు బాలికను పోలీసులు సీడబ్ల్యూసీ (చైల్డ్​ వెల్​ఫేర్​ కమిటీ) వద్ద హాజరుపరిచారు. అనంతరం ఆమెకు వైద్య పరీక్షలు నిర్వహించారు.

నిందితులను కఠినంగా శిక్షిస్తామని బాధిత కుటుంబానికి పోలీసులు హామీనిచ్చారు.