WhatsApp యూజర్స్‌కు గుడ్‌న్యూస్.. డిలిట్ చేసిన మెసేజ్ తిరిగి పొందే ఆఫ్ష్షన్!

ప్రముఖ మెసేజింగ్ అప్లికేషన్ వాట్సాప్ యూజర్ సౌలభ్యానికి అనుగుణంగా ఆకర్షణీయమైన ఫీచర్స్‌ను అందిస్తోంది. గత కొన్ని నెలలుగా ఒకదాని తర్వాత మరొక వినూత్నమైన అప్‌డేట్‌లను ప్రవేశపెడుతోంది . తాజాగా ఆల్ డిలీట్ ఫర్ ఎవరీ వన్ (delete for everyone) ఆప్షన్‌లో టైమ్ లిమిట్‌ను పెంచారు. వాట్సాప్‌లో డిలీట్ చేసిన మెసేజ్‌ని తిరిగి పొందే ఆప్షన్‌ను అందించనున్నారు.

WhatsApp Beta Infoలో ఈ ఆప్షన్ గురించి పూర్తిగా వివరించారు. ఇది Android బీటా వెర్షన్‌లో ప్రయోగాత్మక దశలో ఉంది. ఇప్పుడు ఎవరికైనా సందేశాన్ని పంపి, పొరపాటున దానిని తొలగించినట్లయితే, ఆ సందేశాన్ని తిరిగి పొందేందుకు ఈ ఆప్షన్ ఉపయోగపడుతుంది. అయితే ఈ ఆప్షన్ అమల్లోకి రావడానికి ఎంత సమయం పడుతుందో తెలియదు . త్వరలో ఆండ్రాయిడ్ , ఐఓఎస్ యూజర్లకు ఈ ఆప్షన్ అందుబాటులోకి రానున్నట్లు తెలుస్తోంది .

అలాగే వాట్సాప్ ప్రొఫైల్ ఫోటోలో అవతార్ అనే ఆప్షన్‌ను డెవలప్ చేస్తున్నట్లు WhatsApp Betainfo నివేదించింది . ఈ అవతార్ ఫీచర్‌ని ఉపయోగించడం ద్వారా మీరు మీ ప్రొఫైల్ ఫోటోను మరింత అందంగా మార్చుకోవచ్చు . అంటే , ఇక్కడ మీరు బ్యాక్ గ్రౌండ్ కలర్ ఎంచుకునే ఆప్షన్ ఉంటుంది . ప్రస్తుతం టెస్టింగ్ దశలో ఉన్న ఈ ఫీచర్ మరికొద్ది రోజుల్లో ఆండ్రాయిడ్ , iOS, డెస్క్‌టాప్ యూజర్లకు అందుబాటులోకి రానుంది .

దీనికి అదనంగా, కొత్త లాగిన్ ఫీచర్‌ను తీసుకురావాలని ప్రతిపాదించింది . ఇది ఇన్‌స్టాగ్రామ్ అప్లికేషన్‌లోని లాగిన్ అప్రూవల్ ఫీచర్‌ను పోలి ఉంటుంది. న్యూ డివైజ్‌లో మీ WhatsApp ఖాతాకు లాగిన్ చేస్తే , మీకు వాట్సప్ నుండి నోటిఫికేషన్ వస్తుంది . మీరు లాగిన్ చేస్తున్నారా లేదా అని నిర్ధారించమని ఈ నోటిఫికేషన్ మిమ్మల్ని అడుగుతుంది . మీరు ఓకే చేస్తేనే వాట్సాప్ లాగిన్ అవుతుంది . అలాగే, మీరు 6 -అంకెల వెరిఫికేషన్ కోడ్‌ను తప్పుగా షేర్ చేస్తే, మీ లాగిన్ ప్రయత్నం విఫలమవుతుంది.