బేఫికర్ రైడ్ కోసం iVOOMi Jeet, S1 ఎలక్ట్రిక్ స్కూటర్లు!
iVOOMi ఎనర్జీ తమ బ్రాండ్ నుంచి రెండు కొత్త ఎలక్ట్రిక్ స్కూటర్లను భారత మార్కెట్లో విడుదల చేసింది. ఇవి ప్రత్యేకంగా అమ్మాయిలకు బాగా సరిపోతాయి. ఈ ఎలక్ట్రిక్ స్కూటర్ల ధరలు ఎక్స్-షోరూమ్ వద్ద రూ. 82,999 నుండి ప్రారంభమవుతున్నాయి.
పుణెకు చెందిన ఎలక్ట్రిక్ వెహికల్ (EV) తయారీదారు iVOOMi ఎనర్జీ తమ బ్రాండ్ నుంచి రెండు కొత్త ఎలక్ట్రిక్ స్కూటర్లను భారత మార్కెట్లో విడుదల చేసింది. iVOOMi S1, Jeet పేర్లతో విడుదలైన ఈ ఎలక్ట్రిక్ స్కూటర్ల ధరలు ఎక్స్-షోరూమ్ వద్ద రూ. 82,999 నుండి ప్రారంభమవుతున్నాయి. తమ కొత్త ఎలక్ట్రిక్ స్కూటర్లు ఒక్కసారి ఫుల్ ఛార్జింగ్ చేస్తే గరిష్టంగా 130 కి.మీల రేంజ్ను అందించగలవని కంపెనీ పేర్కొంది.
iVOOMi S1 గురించి చెప్పాలంటే.. ఈ ఎలక్ట్రిక్ స్కూటర్ ఒకటే వేరియంట్లో లభిస్తుంది. ఇందులో 2kW ఎలక్ట్రిక్ మోటార్ అమర్చారు. ఇది 60V, 2kWh Li-ion బ్యాటరీ ప్యాక్తో శక్తిని పొందుతుంది. ఈ బ్యాటరీని మార్చుకోవచ్చు కూడా. ఇక ఒక్కసారి ఫుల్ ఛార్జింగ్ చేస్తే ఈ స్కూటర్ 115 కి.మీల రైడింగ్ రేంజ్ని అందిస్తుంది, అలాగే గంటకు 65 km గరిష్ట వేగంతో ప్రయాణిస్తుందని కంపెనీ తెలిపింది. దీని ధర రూ. 84,999 (ఎక్స్-షోరూమ్) గా నిర్ణయించారు.
మరొక స్కూటర్ iVOOMi జీత్ రెండు (స్టాండర్డ్/ ప్రో) వేరియంట్లలో అందుబాటులో ఉంటుంది. వీటి ధరలు వరుసగా రూ. 82,999 అలాగే రూ. 92,999 (ఎక్స్-షోరూమ్) గా నిర్ణయించారు. స్పెసిఫికేషన్ల విషయానికి వస్తే జీత్ ప్రో స్కూటర్ కెపాసిటీ కొద్దిగా మెరుగ్గా ఉంటుంది.
iVOOMi జీత్ స్టాండర్డ్ వేరియంట్లో 1.5kWh బ్యాటరీ ప్యాక్ అమర్చగా, ప్రో వేరియంట్లో 2kWh బ్యాటరీ ఇచ్చారు. అయితే ఈ రెండు వేరియంట్లు కూడా ఒక్కసారి ఫుల్ ఛార్జింగ్ చేస్తే 130 కిమీల రేంజ్ను అందజేస్తాయని పేర్కొన్నారు.
ఈ ఎలక్ట్రిక్ స్కూటర్లు రెడ్, బ్లూ, గ్రే అనే మూడు రంగుల షేడ్స్లలో అందుబాటులో ఉన్నాయి.
సంబంధిత కథనం