ఉన్నతమైన ఫీచర్లతో iQOO Neo 6 స్మార్ట్ఫోన్ విడుదల, ధర కేవలం అంతే!
ప్రీమియం రేంజ్ ఫీచర్లతో iQOO Neo6 స్మార్ట్ఫోన్ భారత మార్కెట్లో విడుదలయింది. ఇది 5Gకి సపోర్ట్ చేస్తుంది. దీని ధర, ఇతర వివరాలు ఇలా ఉన్నాయి
చైనీస్ స్మార్ట్ఫోన్ తయారీదారు iQOO తమ బ్రాండ్ నుంచి నియో స్మార్ట్ఫోన్ పోర్ట్ఫోలియోలో సరికొత్త iQOO Neo 6 స్మార్ట్ఫోన్ను చేర్చింది. తాజాగా ఈ ఫోన్ భారత మార్కెట్లో విడుదలయింది. ఈ హ్యాండ్సెట్లో మరింత శక్తివంతమైన స్నాప్డ్రాగన్ 8 Gen 1 SoCను అమర్చడంతో పాటు దీనిని గరిష్టంగా గరిష్టంగా 12 GB వరకు విస్తరించుకోగలిగే RAMతో జత చేశారు. అందువల్ల ఈ ఫోన్ వాడుతున్నపుడు వేగవంతమైన యూజర్ ఎక్స్పీరియన్స్ను అనుభూతి చెందుతారు.
iQoo Neo 6 ర్యామ్, స్టోరేజ్ ఆధారంగా రెండు వేరియంట్లలో అందుబాటులో ఉంటుంది. అలాగే సైబర్ రేజ్, డార్క్ నోవా అనే రెండు కలర్ ఆప్షన్లలో లభిస్తుంది.
స్మార్ట్ఫోన్లో ఇంకా ఎలాంటి ఫీచర్లు, స్పెసిఫికేషన్లు ఉన్నాయి? ధర ఎంత తదితర వివరాలను ఈ కింద పొందుపరిచాం, తెలుసుకోండి.
iQOO Neo6 ఫీచర్లు, స్పెసిఫికేషన్లు
- 120Hz రిఫ్రెష్ రేట్ కలిగిన 6.62-అంగుళాల ఫుల్ HD+ E4 AMOLED స్క్రీన్
- క్వాల్కామ్ స్నాప్డ్రాగన్ 870 చిప్సెట్
- 8GB/12GB RAM, 128/256 GB ఇంటర్నల్ స్టోరేజ్
- Funtouch OS 12 ఆధారిత ఆండ్రాయిడ్ ఆపరేటింగ్ సిస్టమ్
- వెనకవైపు 64 మెగాపిక్సెల్ కెమెరా, 8 MP అల్ట్రా-వైడ్ లెన్స్, 2MP సెన్సార్, ముందువైపు 16 MP సెల్ఫీ షూటర్
- 4700mAh బ్యాటరీ, 80W ఛార్జర్
కనెక్టివిటీ పరంగా iQOO Neo6లో 5G, 4G LTE, Wi-Fi, బ్లూటూత్ 5.2, GPS , USB టైప్-సి పోర్ట్ ఉన్నాయి. సెన్సార్లను పరిశీలిస్తే బయోమెట్రిక్ ప్రమాణీకరణ కోసం ఇన్-డిస్ప్లే ఫింగర్ప్రింట్ సెన్సార్తో పాటు యాక్సిలరోమీటర్, యాంబియంట్ లైట్ సెన్సార్, మాగ్నెటోమీటర్, గైరోస్కోప్, ప్రాక్సిమిటీ సెన్సార్ ఉన్నాయి. ఈ హ్యాండ్సెట్ బరువు 190 గ్రాములు
8GB RAM+128GB స్టోరేజ్ వేరియంట్ ధర రూ. 29,999/-
12GB RAM+256GB స్టోరేజ్ వేరియంట్ ధర రూ. 33,999/-
వినియోగదారులు iQOO Neo6ను అమెజాన్ ఇండియా అలాగే కంపెనీ వెబ్సైట్ ద్వారా కొనుగోలు చేయవచ్చు. ఇప్పటికే కొనుగోళ్లు ప్రారంభమైనాయి. జూన్ 5 లోపు కొనుగోలు చేసే కస్టమర్లు లాంచ్ ఆఫర్లను కూడా పొందవచ్చు.
సంబంధిత కథనం