Most popular car in India : దేశంలో అత్యంత ప్రజాదారణ పొందిన కారు, బైక్ ఇవే..
Most popular car in India : హ్యుందాయ్ క్రేటా ఎస్యూవీ, బజాజ్ పల్సర్లు.. 2022లో దేశంలో అత్యంత ప్రజాదారణ పొందిన కారు, బైక్గా గుర్తింపు తెచ్చుకున్నాయి. ఈ విషయం ఓ అధ్యయనంలో తేలింది.
Most popular car in India : దేశంలో ప్యాసింజర్ వాహనాల విక్రయాలు జోరుగా సాగుతున్నాయి. ఫలితంగా ప్రపంచంలోనే మూడో అతిపెద్ద ఆటోమొబైల్ మార్కెట్లో అవతరించింది ఇండియా. మరి వీటిల్లో భారీగా ప్రజాదారణ పొందిన మోడల్స్ ఏవి? అన్న విషయంపై ఓ ఆటో ఈ-కామర్స్ సంస్థ అధ్యయనం చేపట్టింది. హ్యుందాయ్కు చెందిన క్రేటా ఎస్యూవీ, బజాజ్ ఆటోకు చెందిన పల్సర్ బైక్లు.. 2022లో దేశంలో అత్యంత ప్రజాదారణ పొందిన కారు, బైక్గా గుర్తింపు తెచ్చుకున్నట్టు ఆ అధ్యయనంలో తేలింది.
ట్రెండింగ్ వార్తలు
ఇండియాలో కొరియన్ సంస్థల హవా..
డ్రూమ్స్.. యాన్యువల్ 'ఇండియా ఆటోమొబైల్ ఈకామర్స్ రిపోర్ట్' ఫర్ 2022 ప్రకారం.. ఇండియాలో కొరియన్ సంస్థల హవా నడుస్తోంది. అత్యంత ప్రజాదారణ పొందిన కారుగా హ్యుందాయ్ క్రేటా తొలి స్థానంలో నిల్వగా.. మరో కొరియన్ సంస్థకు చెందిన కియా సెల్టోస్ 2వ సీటును దక్కించుకుంది. మారుతీ సుజుకీ బ్రెజా.. ఆ తర్వాతి స్థానంలో ఉంది. ఎంపీవీ- పెద్ద ఎస్యూవీల జాబితాలో తొలి రెండు స్థానాల్లో ఇన్నోవా క్రిస్టా, ఫార్చ్యునర్లు నిలిచాయి.
ఇక ఇండియాలోని లగ్జరీ వాహనాల సెగ్మెంట్లో ప్రజాదారణ పొందిన సంస్థగా మెర్సిడెస్ బెంజ్ గుర్తింపు తెచ్చుకుంది. ఆ సంస్థ నుంచి గతేడాది వచ్చిన ఈ- క్లాస్.. మంచి డిమాండ్ సంపాదించుకుంది. జీప్ కంపాస్, మెర్సిడెస్ బెంజ్ సీ క్లాస్, బీఎండబ్ల్యూ5 సిరీస్లు ఆ తర్వాతి స్థానాల్లో ఉన్నాయి.
2 వీలర్ బాస్.. బజాజ్ ఆటో!
Most popular bike in India : ఇక 2 వీలర్ సెగ్మెంట్లో.. హీరో మోటోకాప్తో పోల్చుకుంటే బజాజ్ ఆటో మోడల్సే ఎక్కువగా ప్రజాదారణ పొందినవి ఉన్నాయి! భారతీయుల్లో బజాజ్ పల్సర్కు భారీగా ప్రజాదారణ ఉన్నట్టు తాజా అధ్యయనంలో తేలింది. హీరో స్ప్లెండర్ ప్లస్, బజాజ్ పల్సర్ ఎన్ఎస్, టీవీఎస్ అపాచీ ఆర్టీఆర్, హోండా సీబీ షైన్ వంటివి ఆ తర్వాతి స్థానాల్లో ఉన్నాయి. లగ్జరీ బైక్స్ సెగ్మెంట్లో రాయల్ ఎన్ఫీల్డ్ ఇంటర్సెప్టర్, హార్లీ డేవిడ్సన్ స్ట్రీట్ 750, కవాసాకీ నింజా జెడ్ఎక్స్-10ఆర్ వంటివి ప్రజాదారణ పొందాయి.
అధ్యయనం ప్రకారం.. ఆటోమెటిక్ గేర్బాక్స్ ఉన్న వాహనాలకు ఇటీవలి కాలంలో ప్రజాదారణ పెరుగుతోంది. 2015లో ఆటోమెటిక్ గేర్బాక్స్ వాహనాల వాటా 23శాతంగా ఉండగా.. 2022కు అది 33శాతానికి పెరిగింది. సౌలభ్యంతో పాటు ఫ్యూయెల్ ఎఫీషియెన్సీ కూడా ఎక్కువగా ఉంటుండటంతో ఇది సాధ్యపడుతోంది.
Hyundai Creta most popular car in India : దేశంలో డీజిల్ వాహనాలకు ప్రజాదారణ తగ్గిపోతోందని అధ్యయనం స్పష్టం చేసింది. 2021లో 60శాతంగా ఉన్న డీజిల్ వాహనాల వాటా.. 2022లో 53శాతానికి పడిపోయింది. అదే సమయంలో మొత్తం వాహనాల విక్రయాల్లో ఎలక్ట్రిక్ వెహికిల్స్ వాటా 1శాతంగానే ఉందని పేర్కొంది.