Honda city facelift : అతిత్వరలో.. హోండా సిటీ ఫేస్​లిఫ్ట్​ వర్షెన్​ లాంచ్​!

Honda city facelift launch in India : ఇండియా ఆటో మార్కెట్​లో అందుబాటులో ఉన్న సెడాన్​ మోడల్స్​లో.. హోండా సిటీకి విపరీతమైన డిమాండ్​ ఉంటుంది. ఈ వెహికిల్​కి ఉన్న క్లాసీ లుక్​, డీసెంట్​ ఫీచర్స్​.. కస్టమర్లను ఆకర్షిస్తాయి. అందుకు తగ్గట్టుగానే హోండా సిటీని ఎప్పటికప్పుడు అప్డేట్​​ చేస్తూ వస్తోంది ఆటో సంస్థ. ఇక ఇప్పుడు.. ఫిఫ్త్​ జెనరేషన్​ హోండా సిటీకి సంబంధించిన ఫేస్​లిఫ్ట్​ వర్షెన్​ రానున్నట్టు తెలుస్తోంది. 2023 మార్చ్​.. అంటే వచ్చే నెలలోనే దీని లాంచ్​ ఉంటుందని సమాచారం.

పెద్దగా మార్పులు ఉండకపోవచ్చు..!

ఇండియా మార్కెట్​లో.. 2020 మధ్యలో ఈ ఫిఫ్త్​ జెన్​ హోండా సిటీ లాంచ్​ అయ్యింది. ఇక త్వరలో రానున్న హోండా సిటీ ఫేస్​లిఫ్ట్​ వర్షెన్​లో భారీ మార్పులు ఉండవని తెలుస్తోంది. కాస్మొటిక్స్​ విషయంలో కొన్ని మార్పులు చోటుచేసుకోవచ్చని సమచారం. అయితే.. ఫేస్​లిఫ్ట్​ వర్షెన్​లో కొత్త వేరియంట్​ వచ్చే అవకాశం ఉంది.

Honda city facelift 5th Gen facelift : హోండా సిటీ ఫేస్​లిఫ్ట్​ వర్షెన్​లో ఫ్రెంట్​ అండ్​ రేర్​ బంపర్స్​ మారొచ్చు. అలాయ్​ వీల్స్​కు కొత్త డిజైన్​ రావొచ్చు. 2023 హోండా సిటీ కోసం వేరియంట్​ లైనప్​ మారే అవకాశం ఉంది. ఫీచర్స్​ పరంగానూ పెద్దగా మార్పులు ఉండపోవచ్చు. వెంటిలేటెడ్​ సీట్స్​, వయర్​లెస్​ ఛార్జర్​ వంటి ఫీచర్స్​ లభించే అవకాశం ఉంది.

హోండా సిటీ ఫేస్​లిఫ్ట్​ వర్షెన్​- ఇంజిన్​..

ప్రస్తుతం మార్కెట్​లో ఉన్న హోండా సిటీ టాప్​ ఎండ్​ మోడల్​లో ఈహెచ్​ఈవీ ఇంజిన్​ ఉంటుంది. దీని ఎక్స్​షోరూం ధర రూ. 19.89లక్షలు. స్టాండర్డ్​ పెట్రోల2 వేరియంట్​ ఎక్స్​షోరూం ధర రూ. 15.62లక్షలు. ఈహెచ్​ఈవీ ఇంజిన్​కు సంబంధించి.. రానున్న ఫేస్​లిఫ్ట్​ వర్షెన్​లో చౌకైన వేరియంట్​ను హోండా తీసుకురోవాలని ప్రయత్నిస్తున్నట్టు తెలుస్తోంది. ఫలితంగా.. పెట్రోల్​- హైబ్రీడ్​ వేరియంట్ల ధర మధ్య ఉన్న భారీ వ్యత్యాసం కాస్త తగ్గుతుంది. 

Hyundai Aura Facelift : హ్యుందాయ్​ ఆరా ఫేస్​లిఫ్ట్​ వర్షెన్​ ఫీచర్స్​, ధర వంటి వివరాలు తెలుసుకునేందుకు ఇక్కడ క్లిక్​ చేయండి.

హోండా సిటీ సెడాన్​ మోడల్​ను డీజిల్​ ఇంజిన్​తో అమ్మడం లేదు. గతంలో ఉన్న 100హెచ్​పీ 1.5 లీటర్​ డీజిల్​ ఇంజిన్​ నుంచి హోండా సంస్థ డిస్కంటిన్యూ చేసింది.

2023 Honda city model : ఇక 2023 హోండా సిటీ సెడాన్​లో 1.5 లీటర్​ పెట్రోల్​ ఇంజిన్​ ఉండనుంది. ఇది 121 హెచ్​పీ పవర్​ను జనరేట్​ చేస్తుంది. ఇందులో 6 స్పీడ్​ మేన్యువల్​, సీవీటీ ఆటోమెటిక్​ గేర్​బాక్స్​ సెటప్​ ఉంటాయి. అంతేకాకుండా.. అట్​కిన్సన్​ సైకిల్​ 1.5 లీటర్​ పెట్రోల్​- హైబ్రీడ్​ ఇంజిన్​లోనూ ఈ హోండా సిటీ రానుంది. ఇది 126హెచ్​పీ పవర్​ను జనరేట్​ చేస్తుంది. ఇందులో ఈ-సీవీటీ ట్రాన్స్​మిషన్​ ఉంటుంది.

ప్రస్తుతం మార్కెట్​లో ఉన్న మోడల్​ కన్నా.. హోండా సిటీ ఫేస్​లిఫ్ట్​ వర్షెన్​ ధర ఇంకాస్త ఎక్కువగా ఉండొచ్చు. ఇక ఇండియా మార్కెట్​లోని స్కోడా స్లావియా, వోక్స్​వ్యాగన్​ వర్టుస్​, మారుతీ సుజుకీ సియాజ్​, హ్యుందాయ్​ వెర్నా వంటి కార్లకు.. ఈ హోండా సిటీ సెడాన్ గట్టిపోటీనిస్తోంది.

హోండా నుంచి కొత్త ఎస్​యూవీ..!

Honda city on road price in Hyderabad : హోండా నుంచి కొత్త ఎస్​యూవీ రాబోతున్నట్టు తెలుస్తోంది. ఈ మిడ్​- సైజ్​ ఎస్​యూవీ.. 2023 మధ్యలో లాంచ్​ అయ్యే సూచనలు కనిపిస్తున్నాయి. ఇందుకు సంబంధించిన టీజర్​ను హోండా సంస్థ ఇప్పటికే విడుదల చేసింది.