Hong Kong Player Propose: గ్రౌండ్‌లోనే గర్ల్‌ఫ్రెండ్‌కు ప్రపోజ్‌ చేసిన హాంకాంగ్‌ ప్లేయర్‌.. వీడియో

Hong Kong Player Propose: క్రికెట్‌లో హాంకాంగ్‌ టీమ్‌ పసికూనే కావచ్చు. కానీ ఆసియాకప్‌లో ఇండియాతో జరిగిన మ్యాచ్‌లో మంచి ఫైట్‌ ఇచ్చింది. ఇండియాలాంటి టీమ్‌పై హాంకాంగ్‌ పోరాడిన తీరు అద్భుతం. 193 రన్స్‌ టార్గెట్‌ చేజింగ్‌లో 20 ఓవర్లలో 5 వికెట్లకు 152 రన్స్‌ చేయడం విశేషం. ఈ మ్యాచ్‌లో విరాట్‌ కోహ్లి, సూర్యకుమార్‌ మెరుపు ఇన్నింగ్స్‌ ఆడారు.

అయితే మ్యాచ్‌ అంతా ఒకెత్తయితే.. మ్యాచ్‌ తర్వాత హాంకాంగ్‌ ప్లేయర్‌ గ్రౌండ్‌లోనే తన గర్ల్‌ఫ్రెండ్‌కు ప్రపోజ్‌ చేయడం విశేషం. ఆ టీమ్‌ బ్యాటర్‌ కించిత్‌ షా తన గర్ల్‌ఫ్రెండ్‌కు ప్రపోజ్‌ చేసిన వీడియోను ఆసియా క్రికెట్‌ కౌన్సిల్‌ షేర్‌ చేసింది. ఈ వీడియో బాగా వైరల్‌ అవుతోంది. స్టాండ్స్‌లో ఉన్న ఆమె వెనుక నుంచి వెళ్లిన కించిత్‌.. సడెన్‌గా మోకాళ్లపై కూర్చొని విల్‌ యు మ్యారీ మీ అంటూ అడిగాడు.

ఇది కూడా చదవండి | Hong Kong Gift to Kohli: విరాట్ కోహ్లికి స్పెషల్ గిఫ్ట్ ఇచ్చిన హాంకాంగ్ టీమ్

అతన్ని చూసి ఆమె షాక్‌లో మునిగిపోయింది. వెంటనే ఓకే చెప్పింది. "ఆమె ఎస్‌ చెప్పింది. ఇండియాతో మ్యాచ్ తర్వాత హాంకాంగ్‌ ప్లేయర్‌ కించిత్‌ షా తన గర్ల్‌ఫ్రెండ్‌కు ప్రపోజ్‌ చేసిన ఈ మూమెంట్‌ హృదయాన్ని తాకింది. ఈ హ్యాపీ కపుల్‌కు శుభాకాంక్షలు. మీ కొత్త జీవితంలో సంతోషం కలగాలని కోరుకుంటున్నాం" అని ఏసీసీ ఈ వీడియోను షేర్‌ చేసింది.

ఈ మ్యాచ్‌లో కించిత్‌ షా 28 బాల్స్‌లో 30 రన్స్‌ చేశాడు. అతని ఇన్నింగ్స్‌లో 2 ఫోర్లు, ఒక సిక్స్‌ ఉన్నాయి. ఇండియాలాంటి టీమ్‌పై ఇది నిజంగా మంచి ఇన్నింగ్సే. ఇక ఆ తర్వాత ఈ మ్యాచ్‌ను మరింత మరుపురానిదిగా చేసుకోవడానికి కించిత్‌ షా ఇలా తన గర్ల్‌ఫ్రెండ్‌కు ప్రపోజ్‌ చేయడం.. ఆమె దానికి ఓకే చెప్పడం విశేషం. కించిత్‌కు తోడు బాబర్‌ హయత్‌ (41) కూడా పోరాడటంతో హాంకాంగ్‌ 20 ఓవర్లలో 5 వికెట్లకు 152 రన్స్‌ చేసింది.