Taapsee in Controversy: వివాదంలో చిక్కుకున్న తాప్సీ.. హీరోయిన్‌పై కేసు నమోదు

Taapsee in Controversy: ప్రముఖ హీరోయిన్ తాప్సీ పన్ను ఇటీవల లాక్మే ఫ్యాషన్ వీక్‌లో పాల్గొన్న సంగతి తెలిసిందే. ఈ ఫ్యాషన్‌ షోలో ఆమె తన అందంతో చూపరులను ఆకర్షించింది. అయితే ఆమె వస్త్రధారణపై మాత్రం విమర్శలు తలెత్తుతున్నాయి. ఇందుకు కారణంగా ఆమె ధరించిన నెక్‌లెస్. లక్ష్మీ దేవి రూపు ఉన్న బంగారు నెక్‌లెస్‌ను ధరించిన తాప్రీ.. ప్యాషన్ షోలో ర్యాంప్‌పై నడిచింది. ఇప్పుడు ఈ నెక్‌లెసే ఆమెను సరికొత్త వివాదంలోకి లాగింది. బీజేపీ ఎమ్మెల్యే మాలిని గౌర్ కుమారుడు ఏకలవ్య గౌర్ తాప్సీపై ముంబయి ఛత్రపుర పోలీసులకు ఫిర్యాదు చేశారు.

మార్చి12న ముంబయి వేదికగా జరిగిన లాక్మే ఫ్యాషన్ వీక్‌లో ఆమె శరీరం కనిపించేలా ఎరుపు రంగు గౌను ధరించింది. అంతేకాకుండా అందుకుణంగా ఓ ఖరీదైన బంగారపు నెక్‌లెస్‌ను మెడలో వేసుకుంది. అయితే ఆ నెక్‌లెస్‌పై లక్ష్మీదేవి డిజైన్ ఉండటం వివాదాన్ని రాజేసింది. అసభ్యకరంగా ఉన్న దుస్తులను ధరించి లక్ష్మీదేవి హారాన్ని మెడలో వేసుకోవడం పట్లు పలువురు ఆగ్రహం వ్యక్తం చేస్తున్నారు.

సోషల్ మీడియా వేదికగా తాప్సీపై నెటిజన్లు మీమ్స్‌ రూపంలో అసంతృప్తి వ్యక్తం చేస్తున్నారు. తాప్సీ ఇలా చేయడం సరికాదంటూ విమర్శలు గుప్పిస్తున్నారు. ఈ క్రమంలోనే ఏకలవ్య గౌర్.. తాజాగా తాప్సీపై పోలీసులకు ఫిర్యాదు చేశారు. హిందుమతాన్ని అవమానించేలా ఆమె ప్రవర్తించిందని, వెంటనే ఆమెపై చర్యలు తీసుకోవాలని కోరారు.

ఏకలవ్య సింగ్ గౌర్ ఫిర్యాదు ఆధారంగా తాప్సీపై పోలీసులు కంప్లైట్ ఫైల్ చేశారు. అంతేకాకుండా ఈ విషయంపై దర్యాప్తు చేపట్టారు. పోలీసు కేసు నమోదైనప్పటికీ తాప్సీ ఫొటో ఇప్పటికే ఆమె ఇన్‌స్టాగ్రామ్ టైమ్‌లైన్‌లో ఉండటం గమనార్హం.

ఇక్కడ మరో ఆశ్చర్యకమైన విషమేమంటే తాప్సీ ధరించిన లక్ష్మీ దేవి నెక్లెస్ రిలయన్స్ జ్యూవెల్స్ నుంచి వచ్చాయి. ఇది అక్షయ తృతీయ సందర్భంగా సేకరించిన సెలక్షన్. తాప్సీ ఇతర సెలబ్రెటీల మాదిరిగానే దీన్ని ఎండోర్స్ చేసింది. అయితే ఆమె ఆ హారాన్ని ధరించినందుకు ప్రస్తుతం నెగిటివిటీని ఎదుర్కోవాల్సి వచ్చింది.