Nithiin - Venu Sriram Movie: వకీల్సాబ్ డైరెక్టర్కు ఛాన్స్ ఇచ్చిన నితిన్
Nithiin - Venu Sriram Movie: వకీల్సాబ్ దర్శకుడు వేణుశ్రీరామ్తో నితిన్ ఓ సినిమా చేయబోతున్నట్లు ప్రచారం జరుగుతోంది. ఈ సినిమా ఎప్పుడు సెట్స్పైకి వచ్చే అవకాశం ఉందంటే...
Nithiin - Venu Sriram Movie: వకీల్సాబ్(Vakeel Saab) దర్శకుడు వేణుశ్రీరామ్కు (Venu Sriram) ఎట్టకేలకు హీరో దొరికాడు. వేణుశ్రీరామ్ తన తదుపరి సినిమాను హీరో నితిన్తో (Nithiin) చేయబోతున్నట్లు సమాచారం.
పవన్ కళ్యాణ్ హీరోగా 2021లో రూపొందిన వకీల్సాబ్ సినిమా కమర్షియల్ హిట్గా నిలిచింది. కోర్ట్ రూమ్ డ్రామాగా రూపొందిన ఈ సినిమాతో దర్శకుడిగా తన కెరీర్లోనే బిగ్గెస్ట్ హిట్ను అందుకున్నాడు వేణుశ్రీరామ్. ఈ సినిమా రిలీజై దాదాపు రెండేళ్లు కావస్తోన్న ఇప్పటివరకు వేణు శ్రీరామ్ తదుపరి సినిమాపై ఎలాంటి క్లారిటీ రాలేదు. అల్లు అర్జున్తో ఐకాన్ సినిమా చేయబోతున్నట్లు ప్రకటించాడు.
కానీఅనౌన్స్మెంట్తోనే ఐకాన్కు ఎండ్కార్డ్ పడింది. ధనుష్, రామ్తో వేణుశ్రీరామ్ సినిమాలు చేయబోతున్నట్లు ప్రచారం జరిగినా అవి కార్యరూపం దాల్చలేదు. తాజాగా వేణుశ్రీరామ్కు నితిన్ ఛాన్స్ ఇచ్చినట్లు సమాచారం. ఎమ్సీఏ తరహాలో కంప్లీట్ ఫ్యామిలీ ఎంటర్టైనర్గా నితిన్, వేణుశ్రీరామ్ ప్రాజెక్ట్ తెరకెక్కబోతున్నట్లు సమాచారం.
రొమాన్స్తో పాటు కామెడీ, యాక్షన్ అంశాలకు ప్రాముఖ్యతనిస్తూ వేణుశ్రీరామ్ సిద్ధం చేసిన కథ నచ్చడంతో నితిన్ ఈ సినిమాకు గ్రీన్సిగ్నల్ ఇచ్చినట్లు చెబుతున్నారు. వేణు శ్రీరామ్ ఇప్పటివరకు చేసిన మూడు సినిమాల్ని దిల్రాజు నిర్మించారు. నితిన్ ప్రాజెక్ట్ కూడా ఇదే బ్యానర్లో రూపొందబోతున్నట్లు తెలిసింది.
శ్రీనివాస కళ్యాణం తర్వాత దిల్రాజు బ్యానర్లో నితిన్ చేయనున్న సినిమా ఇదే కావడం గమనార్హం. ఉగాది రోజున ఈ సినిమా లాంఛనంగా ప్రారంభమయ్యే అవకాశం ఉన్నట్లు తెలుస్తోంది. ప్రస్తుతం వక్కంతం వంశీ దర్శకత్వంలో ఓ సినిమా చేస్తోన్నాడు నితిన్.