Ace Pro Genshin Impact Edition। వన్‌ప్లస్ నుంచి పరిమిత ఎడిషన్‌లో సరికొత్త స్మార్ట్‌ఫోన్ !

స్మార్ట్‌ఫోన్ తయారీదారు వన్‌ప్లస్ ఈ ఏడాది ఆగష్టు నెలలో OnePlus Ace Pro పేరుతో ఒక ప్రీమియం రేంజ్ స్మార్ట్‌ఫోన్‌ను గ్లోబల్ మార్కెట్లో విడుదల చేసింది. ఇదే స్మార్ట్‌ఫోన్ OnePlus 10T పేరుతో భారత మార్కెట్లోనూ విడుదలైంది. అయితే వన్‌ప్లస్ కంపెనీ తాజాగా ఈ స్మార్ట్‌ఫోన్‌లో మరొక కొత్త వేరియంట్‌ను ప్రవేశపెట్టింది. ' జెన్‌షిన్ ఇంపాక్ట్' అనే పరిమిత ఎడిషన్ వేరియంట్‌ను లాంచ్ చేసింది. ఇది ప్రసిద్ధ జెన్‌షిన్ ఇంపాక్ట్ యాక్షన్ గేమ్ ప్రేరణతో ప్రత్యేకంగా రూపొందించిన స్మార్ట్‌ఫోన్.

ఈ సరికొత్త OnePlus Ace Pro Genshin Impact Limited Edition స్మార్ట్‌ఫోన్ వేరియంట్‌లో జెన్‌షిన్ గేమ్‌కు సంబంధించిన అనేక కస్టమైజ్డ్ ఫీచర్లు ఉంటాయి. ఇందులో భాగంగా ఈ ఫోన్‌లో గేమ్ యానిమేషన్‌లు, కొత్త వాల్‌పేపర్‌లు , రంగులతో కూడిన కొత్త థీమ్‌ను అందిస్తుంది. OnePlus Ace Pro కు సాధారణంగా వచ్చే బ్లాక్ లేదా గ్రీన్ బ్యాక్ ప్యానెల్‌కు బదులుగా, జెన్‌షిన్-నేపథ్య అక్షరాలు కలిగిన కొత్త బ్యాక్ ప్యానెల్‌తో దీని డిజైన్ ఉంటుంది. అలాగే డార్క్ బ్రౌన్ కలర్‌లో లభిస్తుంది.

OnePlus Ace Pro స్మార్ట్‌ఫోన్ Genshin Impact Limited Edition వేరియంట్‌ ఏకైక 16GB+512GB కాన్ఫిగరేషన్‌లో అందుబాటులో ఉంటుంది. అయితే ఈ హ్యాండ్‌సెట్‌లో మిగతా ఫీచర్లు, స్పెసిఫికేషన్లు అన్నీ ప్రామాణిక వేరియంట్‌లో ఉన్నట్లుగానే ఉంటాయి. ఈ ఫోన్ ఫీచర్ల జాబితాను మరోసారి పరిశీలించండి.

OnePlus Ace Pro Genshin Impact Edition స్మార్ట్‌ఫోన్ ఫీచర్లు, స్పెసిఫికేషన్లు

• 120Hz రిఫ్రెష్ రేట్‌ కలిగిన 6.7-అంగుళాల AMOLED డిస్‌ప్లే
• 16GB RAM, 512GB స్టోరేజ్ సామర్థ్యం
• Qualcomm స్నాప్‌డ్రాగన్ 8 ప్లస్ Gen 1 ప్రాసెసర్
• వెనకవైపు 50MP (Sony IMX766)+8MP+2MP ట్రిపుల్ రియర్ కెమెరా సెటప్‌
• ముందు భాగంలో 16 MP సెల్ఫీ షూటర్‌
• Dolby Atmos సపోర్ట్‌తో డ్యూయల్ స్పీకర్లు
• ఆండ్రాయిడ్ ఆక్సిజన్‌ 12 ఆపరేటింగ్ సిస్టమ్
• 4800mAh బ్యాటరీ, 150W SUPERVOOC ఛార్జింగ్

ఈ పరిమిత ఎడిషన్ స్మార్ట్‌ఫోన్ ప్రస్తుతం చైనా మార్కెట్లో అందుబాటులోకి వచ్చింది. దీని ధర 4299 యువాన్లు, అంటే భారతీయ కరెన్సీలో సుమారుగా రూ. 48,665/- OPPO స్టోర్‌లలో కూడా ఈ ఫోన్ ప్రీ-ఆర్డర్ చేసుకోవచ్చు.