Maruti Engage : మారుతీ సుజుకీ ‘ఎంగేజ్​’ వచ్చేస్తోంది.. లాంచ్​ డేట్​ ఇదే!

Maruti Engage launch date : జిమ్నీని ఇటీవలే లాంచ్​ చేసిన దేశీయ దిగ్గజ ఆటోమొబైల్​ సంస్థ మారుతీ సుజుకీ.. మరో మోడల్​ను భారతీయులకు పరిచయం చేసేందుకు ఏర్పాట్లు చేసుకుంటోంది. టయోటా ఇన్నోవా ఆధారంగా రూపొందిస్తున్న 'ఎంగేజ్​' ఎంపీవీని జులై 5న ఆవిష్కరించనుంది. ఈ నేపథ్యంలో ఈ 7 సీటర్​ ఎంగేజ్​ వివరాలు ఇక్కడ తెలుసుకుందాము..

జోరు మీద ఉన్న మారుతీ సుజుకీ..

యుటిలిటీ వెహికిల్స్​ సెగ్మెంట్​లో మారుతీ సుజుకీ హవా కొనసాగుతోంది! ఈ సెగ్మెంట్​పై పట్టు సాధించేందుకు.. గత 12 నెలల్లో ఏకంగా నాలుగు మోడల్స్​ను లాంచ్​ చేసింది. ఇక ఇప్పుడు మారుతీ సుజుకీ ఎంగేజ్ ఎంపీవీ​ పెట్రోల్​, హాబ్రీడ్​ వేరియంట్లు మార్కెట్​లో లాంచ్​ చేసేందుకు ఏర్పాట్లు చేసుకుంటోంది.

ఫ్రాంక్స్​, జిమ్నీ ఎస్​యూవీల తర్వాత.. 3 రో ప్రీమియం ఎంపీవీ ఎంగేజ్​ను ఇండియాలో లాంచ్​ చేస్తామని ఈ ఏడాది ఏప్రిల్​లోనే ప్రకటించింది ఈ ఆటోమొబైల్​ సంస్థ. అప్పటి నుంచి ఎంగేజ్​పై ఆటోమొబైల్​ ప్రియుల్లో ఆసక్తి పెరిగింది.

ఇదీ చూడండి:- Maruti Suzuki Fronx : మారుతీ సుజుకీ ఫ్రాంక్స్​ లాంచ్​.. ధర ఎంతంటే!

"కేవలం సేల్స్​ను పెంచుకునేందుకు ఈ మోడల్​ను లాంచ్​ చేయాలని మేము అనుకోవడం లేదు. మార్కెట్​లోకి కారు ఎంట్రీ ఇచ్చిన తర్వాత పరిస్థితులు అర్థమవుతాయి. ప్రస్తుతం టయోటా ఇన్నోవాకు 12 నెలల వెయిటింగ్​ పీరియడ్​ ఉంది," అని మారుతీ సుజుకీ ఇండియా లిమిటెడ్​ ఛైర్మన్​ ఆర్​సీ భార్గవ తెలిపారు.

Maruti Suzuki Engage MPV : మారుతీ సుజుకీ- టయోటా సంస్థల మధ్య భాగస్వామ్యం ఉంది. ఒప్పందంలో భాగంగా అనే కార్లు రీబ్రాండ్​ అయ్యి లాంచ్​ అవుతూ ఉంటాయి. గ్రాండ్​ విటారా, అర్బన్​ క్రూజర్​ హైరైడర్​ వంటివి కొన్ని ఉదాహరణలు. ఈ రెండు ఎస్​యూవీలను బిదాదిలోని టయోటా ప్లాంట్​లో రూపొందిస్తున్నారు. గతంలో బలెనో- గ్లాంజా, బ్రెజా- అర్బన్​ క్రూజర్​ వంటి మోడల్స్​ కూడా రీబ్రాండ్​ అయ్యి మార్కెట్​లోకి వచ్చాయి.

ఇక 3 రో మోడల్స్​ విషయానికొస్తే.. మారుతీ సుజుకికీ ఎర్టిగా, ఎక్స్​ఎల్​6 మోడల్స్​ ఇప్పటికే ఇండియాలో ఉన్నాయి. వీటికి మంచి డిమాండ్​ కూడా కనిపిస్తుంది. ఇక ఎంగేజ్​ ఎంపీవీతో సంస్థ సేల్స్​ మరింత పుంజుకుంటాయని మార్కెట్​లో అంచనాలు ఉన్నాయి.

Maruti Suzuki Engage MPV launch date : మారుతీ సుజుకీ ఎంగేజ్​ ఎంపీవీ ఫీచర్స్​, స్పెసిఫికేషన్స్​, ఇంజిన్​ ఆప్షన్స్​, ధర వంటి వివరాలు త్వరలోనే అందుబాటులోకి వచ్చే అవకాశం ఉంది. ఇక ఇండియాలో టయోటాకు బెస్ట్​ సెల్లింగ్​ మోడల్స్​లో ఒకటిగా ఉంది ఇన్నోవా. ఈ మోడల్​ను మారుతీ సుజుకీ తీసుకొస్తుండటం ఆసక్తిగా మారింది.