Bank strike : సమ్మె బాటలో బ్యాంకు ఉద్యోగులు.. కస్టమర్లకు తీవ్ర ఇబ్బందులు!
Bank strike in January 2023 : దేశంలోని బ్యాంకు ఉద్యోగులు సమ్మెకు సిద్ధమవుతున్నారు. ఈ నెల 30-31 తేదీల్లో రెండు రోజుల పాటు సమ్మె ఉండనుంది.
Bank strike in January 2023 : వివిధ డిమాండ్లను లేవనెత్తుతూ.. దేశవ్యాప్తంగా బ్యాంకు ఉద్యోగులు సమ్మెకు సిద్ధమవుతున్నారు. ఈ మేరకు.. జనవరి 30 నుంచి రెండు రోజుల పాటు బ్యాంక్ స్ట్రైక్ చేస్తున్నట్టు యూఎఫ్బీయూ (యూనైటెడ్ ఫోరం ఆఫ్ బ్యాంక్ యూనియన్స్) ప్రకటించింది.
బ్యాంకు ఉద్యోగుల సమ్మె నేపథ్యంలో.. ఈ నెల 30-31 తేదీల్లో తమ బ్యాంకింగ్ సేవలకు అంతరాయం కలిగే అవకాశం ఉందని దేశీయ దిగ్గజం ఎస్బీఐ ఇప్పటికే ఓ ప్రకటన విడుదల చేసింది.
Bank strike news : "యూఎఫ్బీయూలు సమ్మె చేస్తున్నట్టు మాకు తెలిసింది. యూఎఫ్బీయూతో పాటు ఏఐబీఈఏ, ఏఐబీఓసీ, ఎన్సీబీఈ, ఏఐబీఓఏ, బీఈఎఫ్ఐ, ఐఎన్బీఈఎఫ్, ఐఎన్బీఓసీ యూనియన్లు.. జనవరి 30- 31న ఈ సమ్మెకు వెళ్లనున్నాయి. కస్టమర్లు ఈ విషయాన్ని గుర్తించాలి," అని ఎస్బీఐ పేర్కొంది.
బ్యాంకింగ్ సేవలకు తీవ్ర అంతరాయం తప్పదా..!
బ్యాంక్ సమ్మె నేపథ్యంలో బ్యాంకింగ్ సేవలకు అంతరాయం కలగకుండా ఇప్పటికే చర్యలు తీసుకున్నట్టు ఎస్బీఐ పేర్కొంది. అయితే.. అప్పటి పరిస్థితుల బట్టి.. బ్యాంక్లో కార్యకలాపాలు దెబ్బ తినే అవకాశం ఉందని స్పష్టం చేసింది.
Bank strike on Jan 30 : ఈ నెల 30న జరగనున్న సమ్మె ప్రభావం.. బ్యాంక్పై ఎంత ఉంటుందనేది ఇప్పుడే చెప్పలేమని ఎస్బీఐ వివరించింది.
రెండు రోజుల సమ్మె..
"ఇండియన్ బ్యాంక్స్ అసోసియేషన్ (ఐబీఏ)తో ముంబైలో ఓ సమావేశంలో జరిగింది. అందులో మా డిమాండ్ల పరిష్కారానికి ఎలాంటి సూచనలు కనిపించలేదు. ఎప్పటినుంచో ఈ డిమాండ్లను పరిష్కరించడం లేదు. మేము మా సహనాన్ని కోల్పోతున్నాము. అందుకే జనవరి 30- 31న దేశవ్యాప్తంగా బ్యాంక్ సమ్మె చేపట్టనున్నాము," అని యూఎఫ్బీయూ వెల్లడించింది.
సమ్మె ఎందుకు చేస్తున్నారు?
Bank Strike in India : పీటీఐ నివేదిక ప్రకారం.. 5 రోజుల బ్యాంకింగ్ కార్యకలాపాలు, పెన్షన్- రిక్రూట్మెంట్లో అప్డేట్తో పాటు మరిన్ని కీలక విషయాలపై గత కొన్నేళ్లుగా యూనియన్లు డిమాండ్ చేస్తున్నాయి. కానీ వాటిపై అధికారులు ఇంకా ఎలాంటి నిర్ణయం తీసుకోలేదు. అందుకే బ్యాంకు సెమ్మె చేపట్టనున్నాయి.
దేశంలోని ఏఏ బ్యాంకులపై ఈ ప్రభావం పడనుంది? ఎంత మంది ఉద్యోగులు ఈ సమ్మెలో పాల్గొననున్నారు? కస్టమర్లకు ఎలాంటి ఇబ్బందులు ఎదురవ్వనున్నాయి? వంటి ప్రశ్నలకు రానున్న రోజుల్లో సమాధానం లభించే అవకాశం ఉంది. ఏది ఏమైనా.. కస్టమర్లు.. బ్యాంక్ సమ్మె తేదీలను దృష్టిలో పెట్టుకుని.. ముందే తమ పనులను పూర్తి చేసుకోవడం ఉత్తమం. లేకపోతే తీవ్ర ఇబ్బందులు ఎదుర్కొనే అవకాశం ఉంటుంది.
సంబంధిత కథనం