Man kills Lover: ప్రియురాలి గొంతు కోసి చంపి.. తానూ ఆత్మహత్య చేసుకొని.. సోషల్ మీడియాలో వీడియో
Man kills Woman in Bengal: మహిళను గొంతుకోసి చంపి ఓ యువకుడు ఆత్మహత్య చేసుకున్నాడు. చనిపోయే ముందు తన నేరాన్ని సోషల్ మీడియా ద్వారా వెల్లడించాడు. హత్యకు గురైన మహిళకు పెళ్లయి.. ఐదేళ్ల కుమారుడు కూడా ఉన్నాడని పోలీసులు తెలిపారు.
Man kills Woman in Bengal: సిలిగుడి: పశ్చిమ బెంగాల్లో మరో దారుణమైన ఘటన జరిగింది. ఓ యువకుడు తాను ప్రేమించిన మహిళను గొంతు కోసి హత్య చేశాడు. ఆ తర్వాత తన నేరాన్ని సోషల్ మీడియాలో వీడియో ద్వారా ప్రపంచానికి తెలియజేశాడు. అనంతరం వీడియో షూట్ చేస్తూ నడిచిన రైల్వే ట్రాక్పైనే ఆత్మహత్యకు పాల్పడ్డాడు. బెంగాల్లోని కొత్త జల్పాయ్గుడి దగ్గర జరిగింది ఈ ఘటన. హత్యకు గురైన మహిళ వివాహిత. పోలీసులు వివరాలను వెల్లడించారు.
ట్రెండింగ్ వార్తలు
Man kills Woman in Bengal: వివాహితతో సంబంధం.. హత్య జరిగిందిలా..
ఈ దారుణానికి ఒడిగట్టిన వ్యక్తిని కిరణ్ దేవ్నాథ్గా పోలీసులు గుర్తించారు. అతడి చేతిలో హత్యకు గురైన మహిళ రియా బిశ్వాస్ (30) అని తెలిపారు. ఆ మహిళకు ఇప్పటికే విహహం జరిగింది. ఐదేళ్ల కుమారుడు కూడా ఉన్నాడని పోలీసులు వెల్లడించారు.
కిరణ్ దేవ్నాథ్ ఓ కాంట్రాక్ట్ డ్రైవర్ గా పని చేస్తుండేవాడు. ఈ క్రమంలోనే రియాతో సంబంధం ఏర్పడింది. ఇద్దరూ ప్రేమించుకున్నారు. రియా భర్త లేని సమయం చూసి ఆమె ఇంటికి దేవ్నాథ్ హఠాత్తుగా వెళ్లాడు. రియా గొంతును కోశాడు. ఈ విషయాలు పోలీసుల ప్రాథమిక విచారణలో వెల్లడయ్యాయి.
“ఘటన జరిగినప్పుడు రియా కుమారుడు గట్టిగా ఏడ్చాడు. దీంతో చుట్టుపక్కన వారు ఏం జరిగిందోనని చూడడానికి వచ్చారు. వాష్రూమ్లో ఆ మహిళ రక్తపు మడుగులో పడి ఉండడాన్ని చూశారు. వెంటనే ఆమెను ఆసుపత్రికి తరలించారు. అయితే అప్పటికే ఆమె మరణించిందని వైద్యులు ధ్రువీకరించారు” అని ఓ పోలీస్ చెప్పారు.
Man kills Woman in Bengal: వీడియో షూట్ చేస్తూనే.
హత్య చేసిన అనంతరం 30 సెకన్ల వీడియోను సోషల్ మీడియాలో పోస్ట్ చేశాడు కిరణ్ దేవ్నాథ్. “నేను తనను ఎంతో ప్రేమించాను. ఆమె లేకుండా నేను జీవించలేను. నేను ఆమెను నా చేతులతోనే చంపేశాను” అని ఆ వీడియోలో కిరణ్ చెప్పాడు.
రైల్వే ట్రాక్ పై నుంచి ఈ వీడియోను షూట్ చేశాడు కిరణ్. తన చివరి మాటలను రికార్డ్ చేశాడు. ట్రైన్ సమీపించడంతో అతడి చివరి మాటలు స్పష్టంగా వినిపించలేదు. రైలు కింద పడి అతడు కూడా ఆత్మహత్య చేసుకున్నాడని ఈ వీడియో ద్వారా తెలుస్తోంది.
“కిరణ్ మంచి వ్యక్తి. ఇలాంటి విషాదకర ఘటన జరిగిందని తెలిసి షాకయ్యా. సోషల్ మీడియాలో అతడు ఓ వీడియో పోస్ట్ చేశాడు. ఆ మహిళను తానే చంపినట్టు దాంట్లో ఆంగీకరించాడు” అని విమల్ అనే వ్యక్తి చెప్పాడు. ఆ వీడియో ఉన్నది కిరణ్ అని విమల్ గుర్తించాడు.