CUET-UG application : సీయూఈటీ యూజీ అప్లికేషన్ గడువు పొడగింపు..
CUET-UG application last date : సీయూఈటీ యూజీ అప్లికేషన్ గడువును అధికారులు పొడగించారు. పూర్తి వివరాలు..
CUET-UG 2023 application last date : సీయూఈటీ- యూజీ (కామెన్ యూనివర్సిటీ ఎంట్రెన్స్ టెస్ట్ ఫర్ అండర్ గ్రాడ్యుయేట్స్) అప్లికేషన్ గడువును అధికారులు పొడగించారు. విద్యార్థుల అభ్యర్థన మేరకు అప్లికేషన్ పోర్టల్ను మళ్లీ తెరిచారు సంబంధిత అధికారులు. అభ్యర్థులు మంగళవారం (2023 ఏప్రిల్ 11) రాత్రి 11:59 గంటల వరకు అప్లికేషన్లను దరఖాస్తు చేసుకోవచ్చు.
"అనేక మంది విద్యార్థుల అభ్యర్థన మేరకు సీయూఈటీ- యూజీ అప్లికేషన్ పోర్టల్ను తిరిగి తెరవాలని మేము నిర్ణయించుకున్నాము. ఆది, సోమ, మంగళవారాలు ఈ పోర్టల్ అందుబాటులో ఉంటుంది. cuet.samarth.ac.in లో మరింత సమాచారం తెలుసుకోవాలని విద్యార్థులను సూచిస్తున్నాము," అని యూజీసీ ఛైర్మన్ జగదీశ్ కుమార్ ఓ ప్రకటన విడుదల చేశారు.
CUET-UG 2023 application deadline extended : ఇప్పటివరకు 14లక్షల మంది విద్యార్థులు ఈ దఫా సీయూఈటీ యూజీ పరీక్షకు అప్లై చేసుకున్నారు. గతేడాదితో పోల్చుకుంటే ఇప్పటికే ఇది 41శాతం పెరిగినట్టు. ఇక ఈ మూడు రోజుల తర్వాత.. అప్లికేషన్ల సంఖ్య భారీగా పెరుగుతుందని యూజీసీ భావిస్తోంది.
మే 21- 31 మధ్యలో ఈ సీయూఈటీ యూజీ పరీక్షలు జరుగుతాయి. వాస్తవానికి అప్లికేషన్ తుది గడువు 2023 మార్చ్ 30తో ముగిసింది. కాగా.. ఈసారి మూడు షిఫ్ట్లలో పరీక్ష నిర్వహించేందుకు అధికారులు సన్నద్ధమవుతున్నారు.
సిలబస్లో మార్పులు లేవు..
CUET-UG application latest news : ఎన్సీఈఆర్టీ పుస్తకాల హేతుబద్ధీకరణతో అభ్యర్థులు ఆందోళనకు గురవుతున్నారు. పరీక్ష సిలబస్ మారిందా? అని ఆయోమయానికి గురవుతున్నారు. ఈ విషయంపై ఎన్టీఏ (నేషనల్ టెస్టింగ్ ఏజెన్సీ) అధికారి ఒకరు స్పందించారు.
"గతంలో నోటిఫై చేసిన సిలబస్ ప్రకారమే పరీక్ష ఉంటుంది. ఈ పరీక్ష కేవలం ఒక్క బోర్డుకు సంబంధించినది కాదు కదా! అందుకే ఎలాంటి మార్పులు ఉండవు," అని ఎన్టీఏ అధికారి స్పష్టం చేశారు.
CUET-UG exam schedule details in telugu : అప్లికేషన్ల పరంగా చూసుకుంటే.. దేశంలోనే రెండో అతిపెద్ద ఎంట్రెన్స్ ఎగ్జామ్గా నిలుస్తుంది ఈ సీయూఈటీ యూజీ. 2022లో తొలిసారి ఈ పరీక్షను నిర్వహించగా.. 12.50లక్షల రిజిస్ట్రేషన్లు వచ్చాయి. 9.9లక్షల మంది అప్లై చేసుకున్నారు. ఇక దేశంలోనే అతిపెద్ద ఎంట్రెన్స్ ఎగ్జామ్గా నీట్ యూజీ కొనసాగుతోంది. ఈ పరీక్షకు సగటున 18లక్షల రిజిస్ట్రేషన్లు వస్తుంటాయి.
సంబంధిత కథనం