Darlings Tralier: ఇంట్రెస్టింగ్‌గా ఆలియా భట్ డార్లింగ్స్ ట్రైలర్‌
Darlings Tralier: బాలీవుడ్‌ స్టార్‌ హీరోయిన్‌ ఆలియా భట్ నటించిన డార్లింగ్స్ మూవీ ట్రైలర్‌ సోమవారం (జులై 25) రిలీజైంది. ఈ డార్క్‌ కామెడీ నేరుగా ఓటీటీలోనే రిలీజ్‌ కానుండటం విశేషం.
పెళ్లి తర్వాత ఆలియా భట్ నటించిన తొలి మూవీ రిలీజ్‌ కాబోతోంది. ఆర్‌ఆర్‌ఆర్‌, గంగూబాయి కఠియావాడి సక్సెస్‌ల తర్వాత వస్తున్న మూవీ కావడంతో ఈ సినిమాపై అంచనాలు చాలానే ఉన్నాయి. డార్లింగ్స్ పేరుతో వస్తున్న ఈ సినిమా నేరుగా నెట్‌ఫ్లిక్స్‌లోనే రిలీజ్‌ కాబోతోంది. వచ్చే నెల 5న ఈ మూవీ రిలీజ్‌ కానుండగా.. సోమవారం ట్రైలర్‌ రిలీజ్‌ చేశారు.
ఈ డార్క్‌ కామెడీ ఎంటర్‌టైనర్‌ ట్రైలర్‌ ఆసక్తిగా సాగింది. భార్య, భర్త, మిస్సింగ్‌, కిడ్నాప్‌.. ఇలా ట్విస్ట్‌లతో ఈ ట్రైలర్‌ ఆడియెన్స్‌ మెచ్చేలా ఉంది. ఈ రెండు నిమిషాల 39 సెకన్ల ట్రైలర్‌ థ్రిల్లింగ్‌గా ఉంది. ఈ మూవీలో ఆలియా భర్త పాత్రలో విజయ్‌ శర్మ నటిస్తున్నాడు. తన భర్త కనిపించడం లేదంటూ ఆమె పోలీసులకు ఫిర్యాదు చేయడం, ఆ తర్వాత తన ఇంట్లోనే అతన్ని కిడ్నాప్‌ చేసి టార్చర్‌ చేస్తుండటం ట్రైలర్‌లో చూడొచ్చు.
డొమెస్టిక్‌ వయొలెన్స్‌కు గురైన పాత్రలో ఆలియా నటించింది. అయితే తనను ఎంతో హింసించిన భర్తను తిరిగి అలాగే హింసించి రివేంజ్‌ తీర్చుకున్నట్లుగా ఈ ట్రైలర్‌లో చూపించారు. ఈ ట్రైలర్‌ మొత్తం ఆలియా, విజయ్‌ వర్మ, షెఫాలీ షాల చుట్టూ తిరిగింది. ఇండియాలో చాలా అరుదుగా డార్క్‌ కామెడీలు వస్తుంటాయి. ఆ జానర్‌లోనే వస్తున్న ఈ డార్లింగ్స్ ఫ్యాన్స్‌ను ఎంత వరకూ మెప్పిస్తుందో చూడాలి. ఈ సినిమాను షారుక్‌ఖాన్‌కు చెందిన రెడ్‌ చిల్లీస్‌ ఎంటర్‌లైన్‌మెంట్‌ నిర్మించింది.
