Budget 2023 : నిర్మలమ్మ ‘పద్దు’.. ఆటో పరిశ్రమ అంచనాలను అందుకుందా?

Auto Industry Budget 2023 : భారత దేశ ఆటోమొబైల్​ పరిశ్రమకు సంబంధించి.. బడ్జెట్​ 2023లో పలు కీలక ప్రకటనలు చేశారు కేంద్ర ఆర్థికమంత్రి నిర్మలా సీతారామన్​. ప్రత్యక్ష పన్ను ప్రతిపాదనలు, ఈవీ బ్యాటరీ, హైడ్రోజెన్​ ఫ్లూయెల్​ వంటి అంశాల్లో ఆటోమొబైల్​ పరిశ్రమకు కేంద్రం నుంచి శుభవార్తలు వినిపించాయి!

ఎలక్ట్రిక్​ వాహనాల ధరలు తగ్గుతాయి..!

ఆటోమొబైల్​ పరిశ్రమకు భారీగా ఊరట కలిగించిన విషయం.. ఈవీ బ్యాటరీతో ముడిపడి ఉంది. లిథియం-ఐయన్​ బ్యాటరీ తయారీ కోసం దిగుమతు చేసుకుంటున్న వస్తువులపై కస్టమ్స్​ సుంకాన్ని తగ్గిస్తున్నట్టు ప్రకటించారు నిర్మలా సీతారామన్​. ఫలితంగా.. ఇండియాలో తయారవుతున్న ఎలక్ట్రిక వాహనాల ధరలు రానున్న కాలంలో మరింత తగ్గుతాయని మార్కెట్​ వర్గాలు భావిస్తున్నాయి.

Budget 2023 : అదే సమయంలో లిథియం- ఐయాన్​ బ్యాటరీ సెల్స్​పై ప్రస్తుతం ఉన్న కన్సెసషనల్​ డ్యూటీని మరో ఏడాది కాలం వరకు పొడిగిస్తున్నట్టు స్పష్టం చేశారు కేంద్ర ఆర్థికమంత్రి.

తాను చేస్తున్న పరోక్ష పన్ను (ఇండైరెక్ట్​ ట్యాక్స్​) ప్రతిపాదనలు.. గ్రీన్​ మొబిలిటీ, ఎలక్ట్రిక్​ వెహికిల్​ సెగ్మెంట్​లకు ఉపయోగపతాయని వ్యాఖ్యానించారు నిర్మలా సీతారామన్.​

Budget 2023 live updates : "గ్రీన్​ మొబిలిటీపై కేంద్రం దృష్టిపెట్టింది. నేషనల్​ హైడ్రోజన్​ మిషన్​ కోసం రూ. 19,700కోట్లను కేటాయిస్తోంది ప్రభుత్వం. 2030నాటికి 5 మిలియన్​ మెట్రిక్​ టన్నుల సామర్థ్యాన్ని అందుకోవడమే లక్ష్యంగా ఈ కేటాయింపులు చేస్తోంది. 2070 నాటికి నెట్​-జీరో కార్బన్​ ఎమిషన్​ను అందుకునే దిశగా కేంద్రం అడుగులు వేస్తోంది. లో కార్బన్​ ఇంటెన్సిటీతో పాటు శిలాజ ఇంధన వినియోగాన్ని తగ్గించుకునేందుకు మా ప్రభుత్వం చర్యలు ఉపయోగపడతాయి. ఫలితంగా.. దేశంలో హైడ్రోజెన్​ ఫ్యూయెల్​ మొబిలిటీకి ప్రాధాన్యత పెరుగుతుంది. ఆటో పరిశ్రమ కూడా దీని గురించే ఎంతో కాలంగా ఎదురుచూస్తోంది," అని స్పష్టం చేశారు నిర్మల.

గ్రీన్​ మొబిలిటీపై కేంద్రం చెప్పిన మాటలను సరిగ్గా అమలు చేస్తే.. భవిష్యత్తులో సీఎన్​జీ, విద్యుత్​, ఇథనాల్​, హైడ్రోజెన్​ వంటి మిక్స్​డ్​ ఫ్యూయెల్స్​కు సంబంధించిన వాహనాల విక్రయాలు ఊపందుకుంటాయని మార్కెట్​ వర్గాలు భావిస్తున్నాయి.

ఆటో పరిశ్రమకు పరోక్ష మద్దతు..

Indian Auto Industry Budget 2023 : వ్యవసాయం, టెక్స్​టైల్​ను మినహాయించి.. ఇతర వస్తువుల బేసిక్​ కస్టమ్స్​ డూటీని 21శాతం నుంచి 13శాతానికి తగ్గిస్తున్నట్టు కేంద్రం చెప్పడంతో.. దేశీయంగా ఆటోమొబైల్​ సేల్స్​ పెరగొచ్చు. మరోవైపు ఆటోమొబైల్స్​ సెస్​, కస్టమ్స్​ డ్యూటీ, సర్​ఛార్జీల్లో స్వల్పంగా మార్పులు చోటుచేసుకుంటాని వివరించారు నిర్మలా సీతారామన్​.

ఇక ఆదాయపు పన్ను శ్లాబ్​లను మార్చుతూ కేంద్రం తీసుకున్న నిర్ణయం కూడా ఆటోమొబైల్​ పరిశ్రమకు ఉపయోగపడనుంది! రూ.7లక్షల వరకు ఎలాంటి పన్ను కట్టాల్సిన అవసరం లేదని నిర్మల చెప్పడంతో.. దేశీయంగా ఆటో సేల్స్​ పెరిగే అవకాశం ఉంటుందని మార్కెట్​ వర్గాలు భావిస్తున్నాయి. పర్సనల్​ వెహికిల్​ను కొనుగోలు చేయాలని భావిస్తున్న మధ్యతరగతి ప్రజలకు ఈ పన్ను మినహాయింపు.. ప్రోత్సాన్ని ఇస్తుందని ఆశాభావంలో ఉన్నాయి.

Indian Auto Industry latest news : అయిత.. పూర్తిస్థాయిలో దిగుమతి చేసుకునే లగ్జరీ కార్లు, ఈవీలపై కస్టమ్స్​ సుంకాన్ని 60శాతం నుంచి 70శాతానికి పెంచింది కేంద్రం ప్రభుత్వం. ఫలితంగా లగ్జరీ కార్ల ధరలు మరింత పెరగనున్నాయి. ఇది మాత్రం.. లగ్జరీ వాహనాల తయారీ సంస్థలకు చేదువార్తే!

వెహికిల్​ స్క్రాపేజ్​ పాలసీపై..

బడ్జెట్​ 2023లో వెహికిల్​ స్క్రాపేజ్​ పాలసీపైనా పలు కీలక వ్యాఖ్యలు చేశారు నిర్మలా సీతారామన్​. ప్రభుత్వాల పరిధిలో ఉన్న పాత వాహనాలను వదిలించుకునేందుకు.. రాష్ట్రాలకు కేంద్రం సహాయం చేస్తుందని హామీనిచ్చారు. కొత్త వాహనాల కొనుగోలుకు నిధులు కేటాయిస్తామని స్పష్టం చేశారు.

Indian Auto Industry expectations on Budget 2023 : మరోవైపు.. ఎఫ్​ఏఎంఈ 2 స్కీమ్​ పొడగింపుపై నిర్మలా సీతారామన్​ ఎలాంటి ప్రకటన చేయకపోవడం.. ఆటో పరిశ్రమను నిరుత్సాహపరిచింది! ఇప్పటికే రెండుసార్లు పొడగించిన ఈ స్కీమ్​.. 2024 మార్చ్​తో ముగుస్తుంది.