Airtel international roaming packs : అతి తక్కువ ధరకే ఎయిర్​టెల్​ ఇంటర్నేషనల్​ రోమింగ్​ ప్లాన్స్​​ లాంచ్​..

Airtel international roaming packs for Europe : అనేక అంతర్జాతీయ దేశాలకు తన రీచ్​ని విస్తరించుకుంటోంది దేశీయ దిగ్గజ టెలికాం సంస్థ భారతీ ఎయిర్​టెల్​. ఇందులో భాగంగా.. సరికొత్త, చౌకైన ఇంటర్నేషనల్​ రోమింగ్​ ప్యాక్స్​ని తాజాగా లాంచ్​ చేసింది. ఈ కొత్త ఇంటర్నేషనల్​ రోమింగ్​ ప్లాన్స్​​.. 184 దేశాల్లో పని చేస్తాయి. అంతేకాదు.. రోజుకు రూ. 133కే ఈ ప్యాక్స్​ ప్రారంభమవుతుండటంతో.. కస్టమర్లు తమ సౌకర్యానికి తగ్గట్టు ఎంపిక చేసినకునే ఆప్షన్​ కూడా లభిస్తోంది. ఈ రోమింగ్​ ప్లాన్స్​లో అన్​లిమిటెడ్​ డేటా, ఇన్​-ఫ్లైట్​ కనెక్టివిటీ వంటి ఫీచర్స్​ కూడా ఉండటం విశేషం. ఈ నేపథ్యంలో.. ఎయిర్​టెల్​ ఇంటర్నేషనల్​ రోమింగ్​ ప్యాక్స్​ వివరాలను ఇక్కడ తెలుసుకుందాము..

ఎయిర్​టెల్​ ఇంటర్నేషనల్​ రోమింగ్​ ప్లాన్స్​..

'వన్​ ప్లాన్​ టు ట్రైవెల్​ ఎనీవేర్​ ఇన్​ ది వరల్డ్​ (ప్రపంచంలో ఎక్కడికైనా ప్రయాణించేందుకు ఒకటే ప్లాన్​)'ని తాజాగా లాంచ్​ చేసింది ఎయిర్​టెల్​. దీని ధర రోజుకు రూ. 133. మాటిమాటికి రీఛార్జ్​ చేసే అవసరాన్ని తగ్గిస్తూ.. ఎయిర్​టెల్​ థ్యాంక్స్​ యాప్​లో, మీకు ఎన్ని రోజులు కావాలంటే, అన్ని రోజుల పాటు ఈ ప్యాక్​ని ఒకేసారి రీఛార్జ్​ చేసుకునే వెసులుబాటును కూడా ఇస్తోంది టెలికాం సంస్థ.

ఈ ఎయిర్​టెల్​ ఇంటర్నేనల్​ రోమింగ్​ ప్లాన్​లో ఇన్​-ఫ్లైట్​ కనెక్టివిటీ, 24x7 కాంటాక్ట్​ సెంటర్​ సపోర్ట్​, అన్​లిమిటెడ్​ డేటాతో పాటు అనేక వెసులుబాటులు ఉన్నాయి. గమ్యస్థానాన్ని చేరుకున్న తర్వాత.. సంబంధిత ఇంటర్నేషనల్​ రోమింగ్​ ప్యాక్​.. వెంటనే యాక్టివేట్​ అవుతుంది. ఇలాంటి ప్యాక్స్​.. 184 దేశాల్లో పనిచేస్తాయి. ఫలితంగా.. ఎప్పటికప్పుడు రీఛార్జ్​ చేయాల్సిన అవసరం ఉండదు.

Airtel international roaming packs details : "కస్టమర్లకు వాల్యూ అందిచేందుకు మేము కట్టుబడి ఉన్నామనేందుకు ఈ కొత్త ప్యాక్​ నిదర్శనం. చౌకైన టారీఫ్​లో డేటా, వాయిస్​ని వాడుకునే స్వేచ్ఛ వారికి లభిస్తోంది," అని ఎయిరెటల్​ కస్టమర్​ ఎక్స్​పీరియెన్స్​ అండ్​ మార్కెటింగ్​ డైరక్టర్​ అమిత్​ త్రిపాఠి తెలిపారు.

ఇదీ చూడండి:- Smartphones discounts: ఐ ఫోన్ 14 సహా ఈ ప్రీమియం స్మార్ట్ ఫోన్స్ లపై ఆకర్షణీయమైన డిస్కౌంట్స్

కొత్త ఇంటర్నేషనల్​ రోమింగ్​ ప్లాన్​తో లాభమేంటి?

ఒక్కో దేశంలో టారీఫ్​లు ఒక్కో విధంగా ఉంటాయి. గతంలో.. ఇంటర్నేషనల్​ ట్రావెలర్లు.. వేరువేరు రోమింగ్​ ప్లాన్స్​ని తీసుకోవాల్సి వచ్చేది. కానీ ఎయిర్​టెల్​ సింగిల్​ ప్యాక్​తో.. ధర తగ్గడంతో పాటు అనేక ప్లాన్​లు ఎంచుకోవాల్సిన శ్రమ తప్పుతుంది. అంతేకాకుండా.. ఆటో రెన్యువల్​ ఫీచర్​ని కూడా ప్రవేశపెట్టింది ఎయిర్​టెల్​. ఇక రీఛార్జ్​ చేసుకోవడం మరింత సులభమవుతుంది.

ఎయిర్​టెల్​ స్టాక్​కి రెక్కలు..

Airtel share price target : ఎయిర్​టెల్​ ఇంటర్నేషనల్​ రోమింగ్​ ప్యాక్స్​ లాంచ్​తో పాటు 2024 లోక్​సభ ఎన్నికల తర్వాత.. టారీఫ్​ హైక్​ ఉంటుందన్న వార్తల మధ్యల.. సంస్థ షేర్లు దూసుకెళుతున్నాయి. మంగళవారం ట్రేడింగ్​ సెషన్ ఉదయం 11గంటలకు.. ఎయిర్​టెల్​ షేరు 2.5శాతం పెరిగి, రూ. 1,329కి చేరింది. ఎయిర్​టెల్​ స్టాక్​.. ఐదు రోజుల్లో 8.5శాతం, నెల రోజుల్లో 9.5శాతం మేర పెరిగింది. ఇక ఈ ఏడాదిలో ఇప్పటివరకు ఏకంగా 31.2శాతం మేర పెరిగింది ఎయిర్​టెల్​ షేరు ధర.