Gujarat ex sarpanch viral video : రోడ్డు మీద నోట్ల కట్టల వర్షం కురిపించిన మాజీ సర్పంచ్​!

Ex sarpanch showers cash at wedding event : సినిమాల్లో హీరోలు, విలన్​లు నోట్ల కట్టలను రోడ్ల మీదకు విసిరే సన్నివేశాలు చాలాసార్లు చూసే ఉంటాము. మరి రియల్​ లైఫ్​లో ఇలా జరిగితే? గుజరాత్​కు చెందిన ఓ మాజీ సర్పంచ్​.. తన ఇంటి పై నుంచి నోట్ల కట్టలను వెదజల్లారు! ఇందుకు సంబంధించిన దృశ్యాలు సామాజిక మాధ్యమాల్లో వైరల్​గా మారాయి.

మేనల్లుడి పెళ్లి పేరుతో..

గుజరాత్​ మెహ్సానా జిల్లాకు చెందిన అగోల్​లో నివాసముంటారు కరీమ్​ యాదవ్​. ఆయన ఆ ప్రాంతానికి మాజీ సర్పంచ్​. ఇటీవలే ఆయన మేనల్లుడి పెళ్లి జరిగింది. వివాహ వేడుకలంటే.. సాధారణంగా ఎవరైనా వరుడు, వధువులపై పువ్వులు, అక్షింతలు వంటివి జల్లుతారు. కానీ కరీమ్​ యాదవ్​ మాత్రం.. తన మేనల్లుడి పెళ్లిని గ్రాండ్​గా, గుర్తుండిపోయే విధంగా చేయాలని ఫిక్స్​ అయ్యారు. అంతే.. ఇంటిపైకి వెళ్లి నోట్ల కట్టలను విసరడం మొదలుపెట్టారు. ఆయన కుటుంబసభ్యులు కూడా నోట్లను విసిరారు. కింద ఉన్న ప్రజలు.. వాటిని పట్టుకునేందుకు విశ్వప్రయత్నాలు చేశారు.

Gujarat Ex sarpanch Karim Yadav : రూ. 100, రూ. 500 నోట్లును ఇంటిపై నుంచి సర్పంచ్​, ఆయన కుటుంబం విసురుతుండగా.. వెనకాల బాలీవుడ్​ సాంగ్స్​ ప్లే అయ్యాయి. కింద ప్రజలు నోట్లను పట్టుకోవడంలో బిజీబిజీగా ఉండిపోయారు.

ఈ దృశ్యాలు సామాజిక మాధ్యమాల్లో చక్కర్లు కొడుతున్నాయి. నెటిజిన్లు విశేషంగా స్పందిస్తున్నారు.

Gujarat viral video : "ఆదాయపు పన్నుశాఖ రెడీగా ఉంది. జాగ్రత్తా," అని ఓ నెటిజన్​ రాసుకొస్తే.. 'ద్రవ్యోల్బణంతో అమెరికా, యూరోప్​ దేశాలు అల్లాడిపోతుంటే, ఇండియాలో మాత్రం ఇలాంటివి కనిపిస్తున్నాయి,' అని మరో వ్యక్తి కామెంట్​ చేశారు. 'గుజరాత్​లో ఇది చాలా సాధారణమైన విషయం. భజనల్లో లక్షల రూపాయలు విలువ చేసే నోట్లు ఇలా గాల్లోకి ఎగురుతాయి,' అని ఇంకో నెటిజన్​ చెప్పారు.

సామాజిక మాధ్యమాల్లో వైరల్​గా మారిన దృశ్యాలు ఇక్కడ చూడండి :

ఫేమస్​ అవ్వడానికి..!

Gujarat Ex sarpanch showers cash : బెంగళూరులో ఇటీవలే ఈ తరహా ఘటన ఒకటి వెలుగులోకి వచ్చింది. ఓ వ్యక్తి.. ఫ్లై ఓవర్​ మీదకు వెళ్లి రూ. 10 నోట్లు విసిరేశాడు. కింద ట్రాఫిక్​లో ఉన్న ప్రజలు.. వాటిని పట్టుకునేందుకు ఎగబడ్డారు. తమ యూట్యూబ్​ వీడియో కోసం ఆ వ్యక్తి ఇలా చేసినట్టు తెలుస్తోంది. మొత్తం మీద రూ. 3వేల వరకు అలా ఫ్లై ఓవర్​ నుంచి గాల్లోకి ఎగరేశాడు ఆ వ్యక్తి.

ఈ తరహా ఘటనలపై పలు వర్గాల ప్రజలు అసహనం వ్యక్తం చేస్తున్నారు. పేదలు తిండి లేక విలవిలలాడుతుంటే.. డబ్బు విలువ తెలియన కొందరు ఇలాంటి పనులు చేస్తున్నారని మండిపడుతున్నారు.