Aadhaar details update : ఆధార్లోని వివరాలను ఎన్నిసార్లు మార్చుకోవచ్చు?
Aadhaar details update : ఆధార్ వివరాలను ఎన్నిసార్లైనా మార్చుకోవచ్చా? లేక వాటికి పరిమితులు ఏమైనా ఉన్నాయా?
Aadhaar details update : ఆధార్.. ఇప్పుడు ఇది భారతీయుల జీవితాల్లో ఒక భాగమైపోయింది. ఆధార్ లేనిదే దాదాపు ఏ పనీ జరగడం లేదు. ఇంత కీలకమైన ఆధార్లో మన వ్యక్తిగత వివరాలను సరిగ్గా పొందుపరచడం ఎంతో ముఖ్యం. మరి ఆధార్లోని వివరాలను ఎన్నిసార్లు మార్చుకునే అవకాశం ఉంటుంది?
ఆధార్లో పేరు..
ఆధార్ కార్డులో పేరును రెండుసార్లు మాత్రమే మార్చుకునేందుకు అవకాశం ఉంటుంది.
డేట్ ఆఫ్ బర్త్ వివరాలు..
ఆధార్ కార్డులో డేట్ ఆఫ్ బర్త్ వివరాలను కేవలం ఒక్కసారి మాత్రమే అప్డేట్ చేసుకునేందుకు వీలు ఉంటుంది. "కొన్ని సందర్భాల్లో ప్రత్యేక వెసులుబాటు ఉంటుంది. ఆధార్ సెంటర్లో అప్డేట్ కోసం రిక్వెస్ట్ పెట్టుకోవచ్చు. ఆ తర్వాత సంబంధిత యూఐడీఏఐ రీజనల్ ఆఫీసుకు వెళ్లి ఆమోదం పొందవచ్చు. కొన్ని చెక్కింగ్ల తర్వాత ఆమోదం లభిస్తుంది," అని యూఐడీఏఐ చెప్పింది.
లింగం..
AAdhaar : ఆధార్లో లింగం(జెండర్)కి సంబంధించిన వివరాలను ఒక్కసారి మాత్రమే అప్డేట్ చేసుకోవచ్చు. కొన్ని సందర్భాల్లో ప్రత్యేక వెసులుబాటును కల్పిస్తారు. ఆధార్ సెంటర్కి వెళ్లి రిక్వెస్ట్ పెట్టుకోవాలి. ఆ తర్వాత ప్రాంతీయ యూఐడీఏఐ సెంటర్కు వెళ్లాల్సి ఉంటుంది.
ఆధార్ వివరాల అప్డేట్ కోసం ఎంత ఖర్చు అవుతుంది?
ఆధార్ ఆన్లైన్ సేవల కోసం మొబైల్ ఫోన్ రిజిస్ట్రేషన్ చేసుకోవాలి. ఆ మొబైల్ నెంబర్ను ఆన్లైన్లో అప్డేట్ చేసుకోలేము. సమీపంలోని ఆధార్ సేవా కేంద్రం, ఆధార్ ఎన్రోల్మెంట్ అప్డేట్ సెంటర్కు వెళ్లి మొబైల్ నెంబర్ అప్డేట్ చేసుకోవాల్సి ఉంటుంది.
మ్యాండేటరీ బయోమెట్రిక్ అప్డేట్ కోసం ఎలాంటి ఛార్జీలు తీసుకోరు. డెమోగ్రాఫిక్ అప్డేట్ కోసం రూ. 50 వసూలు చేస్తారు. బయోమెట్రిక్ అప్డేట్ రూ. 100 ఉంటుంది. బయోమెట్రిక్తో పాటు డెమోగ్రాఫిక్ అప్డేట్ కోసం రూ. 100 చెల్లించాల్సి ఉంటుంది.
సంబంధిత కథనం
టాపిక్