Unmarried woman in India : 'సోలో లైఫే సో బెటరు..'- దేశంలో 81శాతం మంది మహిళలకు పెళ్లే వద్దంట!

Woman in India : దేశంలో పెళ్లిళ్ల సీజన్​ హడావుడి మొదలైంది. రానున్న రెండు- మూడు నెలల్లో భారీ సంఖ్యలో పెళ్లిళ్లు జరగనున్నాయి. ఈ నేపథ్యంలో దేశంలోని మహిళల అభిప్రాయాలకు సంబంధించిన ఓ ఆసక్తికర వార్త బయటకొచ్చింది. 81శాతం మంది భారతీయ మహిళలకు అసలు పెళ్లే వద్దంట! పెళ్లి చేసుకోవడం కన్నా సింగిల్​గా ఉండటమే బెటర్​ అని వారు భావిస్తున్నారట.

సోలో లైఫే సో బెటరు..!

పెళ్లిళ్ల సీజన్​ నేపథ్యంలో.. ప్రముఖ డేటింగ్​ యాప్​ బంబుల్​ ఇటీవలే ఓ సర్వే చేపట్టింది. పెళ్లిళ్ల సీజన్​లో.. తల్లిదండ్రుల నుంచి తమపై ఒత్తిడి పెరుగుతుందని.. ఐదింట ఇద్దరు (39శాతం) మహిళలు పేర్కొన్నారు. పెళ్లి టాపిక్​ వస్తే ఒత్తిడికి గురవుతామని 39శాతం మంది తెలిపారు. దీర్ఘకాలిక రిలేషన్​లోకి వెళ్లాలని తమను బలవంతం చేస్తున్నట్టు 33శాతం మంది మహిళలు వివరించారు.

Bumble dating app survey on woman : ఇక మహిళలపై జరిగిన సర్వేలో భాగంగా.. 81శాతం మంది.. తమకు పెళ్లి వద్దని, సింగిల్​గానే జీవించడానికి ఇష్టపతామని పేర్కొన్నారు. డేటింగ్​ విషయంలోనూ మహిళలు రాజీపడటం లేదు! తమ ఇష్టలు, అవసరాలకు తగ్గట్టుగానే డేటింగ్​ చేస్తామని 63శాతం మంది అన్నారు. మరీ ముఖ్యంగా.. ‘సరైన వ్యక్తి కోసం ఎదురుచూస్తామే కానీ ఎవరుపడితే వారితో డేటింగ్​ చేయమ’ని.. 83శాతం మంది మహిళలు చెప్పడం గమనార్హం.

"పెళ్లిళ్ల సీజన్​ అంటే ఇండియాలో ఘనంగా ఉంటుంది. కానీ ఈ సమయంలోనే సింగిల్స్​పై ఒత్తిడి పెరుగుతుంది. వారిని 'సింగిల్​-షేమింగ్​' చేస్తారు. ముఖ్యంగా సింగిల్​గా ఉండే మహిళలపై ఇది మరింత ఎక్కువగా జరుగుతుంది. ఫలితంగా సింగిల్​గా ఉండే మహిళలు సమాజానికి దూరంగా ఉండాలని భావిస్తున్నారు. ఫంక్షన్​లకు వెళ్లడం తలనొప్పిగా ఉంటుందని ఫీల్​ అవుతున్నారు," అని బంబుల్​ కమ్యూనికేషన్స్​ డైరక్టర్​ సమర్పిత సమద్దర్​ వెల్లడించారు.

Survey on unmarried woman in India : దేశంలో పెళ్లికి వ్యతిరేకిస్తున్న యువత సంఖ్య రోజురోజుకు పెరుగుతోంది! రిలేషన్​లోకి వెళ్లాలంటే చాలా మంది భయపడిపోతున్నారు. ఈ విషయాన్ని పెద్దలతో కమ్యూనికేట్​ చేయలేక ఇబ్బంది పడుతున్నారు. పెళ్లి టాపిక్​ ఎప్పుడొచ్చినా.. దాటవేస్తూ, తల్లిదండ్రుల నుంచి తప్పించుకుంటున్నారు.