Naga Chaitanya: శోభిత దూళిపాళ్ల‌తో డేటింగ్ రూమ‌ర్స్‌పై ఫ‌న్నీగా స్పందించిన నాగ‌చైత‌న్య‌

లాల్‌సిండ్‌చ‌డ్డా సినిమాతో బాలీవుడ్‌లో అరంగేట్రం చేయ‌బోతున్నారు నాగ‌చైత‌న్య‌. ప‌లు చారిత్ర‌క సంఘ‌ట‌న‌ల‌కు సాక్షిగా నిలిచిన ఓ వ్య‌క్తి జీవ‌న ప్ర‌యాణాన్ని ఆవిష్క‌రిస్తూ తెర‌కెక్కుతున్న ఈ సినిమాలో ఆమిర్‌ఖాన్ హీరోగా న‌టిస్తున్నాడు. హాలీవుడ్‌లో క‌ల్ట్ క్లాసిక్‌గా నిలిచిన ఫారెస్ట్ గంప్ ఆధారంగా రూపొందిన ఈ చిత్రానికి అద్వైత్ చంద‌న్ ద‌ర్శ‌క‌త్వం వ‌హించారు. ఆగ‌స్ట్ 11న హిందీతో పాటు ద‌క్షిణాది భాష‌ల్లో ఒకేసారి ఈ సినిమా రిలీజ్ కానుంది.

ప్ర‌స్తుతం ఈ సినిమా ప్ర‌మోష‌న్స్‌లో నాగ‌చైత‌న్య బిజీగా ఉన్నారు. కాగా మేజ‌ర్ హీరోయిన్ శోభిత దూళిపాళ్ల‌తో నాగ‌చైత‌న్య ప్రేమ‌లో ఉన్న‌ట్లుగా కొంత‌కాలంగా ప్ర‌చారం జ‌రుగుతోంది. మేజ‌ర్స్ సినిమా రిలీజ్ స‌మ‌యంలో హైద‌రాబాద్‌కు వ‌చ్చిన శోభిత దూళిపాళ్ల‌ను నాగ‌చైత‌న్య ప‌లుమార్లు క‌లిసిన‌ట్లు ప్ర‌చారం జ‌రిగింది. ఈ డేటింగ్ రూమ‌ర్స్‌పై ఇన్నాళ్లు సైలెంట్ గా ఉన్న నాగ‌చైత‌న్య తాజాగా స్పందించారు.

ఓ ఇంట‌ర్వ్యూలో శోభిత పేరు విన‌గానే మీకుగుర్తొచ్చేది ఏది అంటూ అడిగిన ప్ర‌శ్న కు చిరున‌వ్వు అంటూ ఫ‌న్నీగా ఆన్స‌ర్ చెప్పాడు నాగచైతన్య. ఆ పేరు విన‌గానే త‌న పెదాల‌పై న‌వ్వు ప్ర‌త్య‌క్ష‌మ‌వుతుంద‌ని, అంత‌కుమించి మరేం గుర్తురాదంటూ పేర్కొన్నాడు. అత‌డి స‌మాధానం వెనుక ఉన్న ఆంత‌ర్య‌మేమిట‌న్న‌ది హాట్‌టాపిక్‌గా మారింది. కొత్త రూమర్స్ ఏవీ క్రియేట్ కాకుండా చాలా తెలివిగా చైతూ ఈ ప్రశ్నకు సమాధాచం ఇచ్చాడు. లాల్‌సింగ్‌చ‌డ్డా హిట్ అయితే భ‌విష్య‌త్తులో బాలీవుడ్‌లో మ‌రిన్ని సినిమాలు చేస్తాన‌ని అంటున్నాడు నాగ‌చైత‌న్య‌. ప్ర‌స్తుతం తెలుగులో మూడు సినిమాల్ని అంగీక‌రించాడు.