Trailer | సెగలు పుట్టిస్తోన్న RGV ‘మా ఇష్టం’ ట్రైలర్.. ఇద్దరు అమ్మాయిల ప్రేమ కథ
ఇద్దరు అమ్మాయిలు ప్రేమించుకుంటే ఎలాంటి పరిస్థితులు ఎదురవుతాయనే కథాంశంతో రామ్గోపాల్ వర్మ తెరకెక్కించిన చిత్రం మా ఇష్టం. నైనా గంగూలీ, అప్సరా రాణి ప్రధాన పాత్రల్లో నటించిన ఈ చిత్రం ఏప్రిల్ 8న విడుదల కానుంది.
ఎప్పుడూ సంచలనాలకు తెరలేపే రామ్గోపాల్ వర్మ ఏది చేసినా పబ్లిసిటీ కోసమే. ఎప్పుడు ఎవరిని పొగుడుతారో.. ఎవరిపై విమర్శలు సంధిస్తారో ఆయనకు తప్పు మరోకరికి తెలియదు. ఆయన సినిమాలు కూడా రొటీన్కు భిన్నంగా ఉంటాయి. ఈ మధ్య కాలంలో వరుస పెట్టి ఆర్జీవీ సినిమాలు బోల్తా పడుతున్నప్పటికీ.. ఒకప్పుడు విభిన్న కథలకు ఆయన పెట్టింది పేరు. అలాంటి విభిన్న చిత్రమే మా ఇష్టం. ఇద్దరు అమ్మాయిలు ప్రేమించుకుంటే ఎలా ఉంటుంది అనేదే ఈ చిత్ర కథాంశం. అంతేకాకుండా లవ్ స్టోరీకి యాక్షన్ క్రైమ్ను యాడ్ చేశారు మన వర్మ. ఇప్పటికే ఈ చిత్రానికి సంబంధించిన టీజర్ ఎప్పుడు విడుదల కాగా.. తాజాగా చిత్ర ట్రైలర్ను రిలీజ్ చేశారు.
ఇండియాలో మొదటి లెస్బియన్ ప్రేమ కథగా వస్తోన్న ఈ సినిమా ట్రైలర్ సెగలు పుట్టిస్తోంది. నైనా గంగూలీ, అప్సరా రాణి అందాల అరబోతతో ట్రైలర్ చూస్తేనే పిచ్చేక్కించేశారు వర్మ. మరి ఇంక సినిమా చూస్తే ఏ రేంజ్లో ఉంటుందోనని సినీ ప్రియులు ఇప్పుడే అంచనాలను పెంచేసుకుంటున్నారు. ట్రైలర్ చూస్తుంటే శృంగారం శృతిమించిందే అనిపిస్తోంది. లిప్ లాక్లు, రొమాంటిక్ సన్నివేశాలకు కొరతే లేనట్లు ట్రైలర్ చూస్తే తెలుస్తోంది. ఈ శృంగార సన్నివేశాలకు తోడు క్రైమ్ను జోడించడంతో వయెలెన్స్కు ఎక్కువగానే ఉందని తెలుసుకోవచ్చు.
ఇద్దర అమ్మాయిల గాఢ ప్రేమకు నిదర్శనమే ఈ సినిమా అని రామ్ గోపాల్ వర్మ తన ట్విట్టర్లో పోస్ట్ పెట్టారు. ప్రేమకు లింగ బేధం లేదని ఈ చిత్రం ద్వారా వర్మ చెప్పకనే చెప్పినట్లు తెలుస్తోంది. మొదట ఈ సినిమాకు డేంజరస్ అని పేరు పెట్టారు. అయితే అనంతరం ఆ పేరును తొలగించి మా ఇష్టం అనై టైటిల్తో ఇద్దరు అమ్మాయిల ప్రేమ కథన్ శీర్షికతో ఈ సినిమా రానుంది. ప్రపంచ వ్యాప్తంగా ఏప్రిల్ 8వ తేదీని ప్రేక్షకుల ముందుకు రానుందీ చిత్రం.
సంబంధిత కథనం
టాపిక్