Stock market news today : దేశీయ స్టాక్​ మార్కెట్​లకు లాభాలు..

Stock market news today : దేశీయ స్టాక్​ మార్కెట్​లు శుక్రవారం ట్రేడింగ్​ సెషన్​ను లాభాల్లో ప్రారంభించాయి. బీఎస్​ఈ సెన్సెక్స్​ 107 పాయింట్లు పెరిగి 61,981 వద్ద కొనసాగుతోంది. ఎన్​ఎస్​ఈ నిఫ్టీ 30 పాయింట్లు వృద్ధిచెంది 18,351 వద్ద ట్రేడ్​ అవుతోంది.

గురువారం ట్రేడింగ్​ సెషన్​లో దాదాపుగా నష్టాల్లో ట్రేడ్​ అయిన స్టాక్​ మార్కెట్​లు.. చివరి సెషన్​లో భారీగా పుంజుకున్నాయి. చివరికి స్వల్ప లాభాల్లో ముగిశాయి. బీఎస్​ఈ సెన్సెక్స్​ 98 పాయింట్ల లాభంతో 61,873 వద్దకు చేరింది. ఎన్​ఎస్​ఈ నిఫ్టీ 36 పాయింట్లు పెరిగి 18,321 వద్ద స్థిరపడింది. యూఎస్​ డెట్​ సీలింగ్​పై ఆందోళన కొనసాగుతున్నప్పటికీ.. దేశీయ స్టాక్​ మార్కెట్​లు పుంజుకోవడం గమనార్హం. ఇక శుక్రవారం ట్రేడింగ్​ సెషన్​ను సెన్సెక్స్​, నిఫ్టీలు వరుసగా 61,985- 18,368 వద్ద మొదలుపెట్టాయి.

స్టాక్స్​ టు బై..

ఐషేర్​ మోటార్​:- బై రూ. 3651, స్టాప్​ లాస్​ రూ. 3555, టార్గెట్​ రూ. 3810

వోల్టాస్​:- బై రూ. 812.55, స్టాప్​ లాస్​ రూ. 790, టార్గెట్​ రూ. 855

జేఎస్​డబ్ల్యూ స్టీల్​:- బై కరెంట్​ మార్కెట్​ ప్రైజ్​, స్టాప్​ లాస్​ రూ. 674, టార్గెట్​ రూ. 720

పూర్తి లిస్ట్​ కోసం ఇక్కడ క్లిక్​ చేయండి.

లాభాలు.. నష్టాలు..

అల్ట్రాటెక్​ సిమెంట్​, రిలయన్స్​, కొటాక్​ బ్యాంక్​, ఎన్​టీపీసీ, ఎం అండ్​ ఎం, ఐటీసీ, హెచ్​డీఎఫ్​సీ బ్యాంక్​ షేర్లు లాభాల్లో ఉన్నాయి.

హెచ్​సీఎల్​టెక్​, యాక్సిస్​ బ్యాంక్​, నెస్లే, టాటా మోటార్స్​, టీసీఎస్​ షేర్లు నష్టాల్లో ఉన్నాయి.

ఇదీ చూడండి:- Heritage Foods Q4 results: 52 వారాల గరిష్టానికి హెరిటేజ్ ఫుడ్స్ షేర్లు; Q4 లో భారీ లాభాలు; డివిడెండ్

అంతర్జాతీయ మార్కెట్​లు..

గురువారం ట్రేడింగ్​ సెషన్​లో అమెరికా స్టాక్​ మార్కెట్​లు ఫ్లాట్​గా ముగిశాయి. డౌ జోన్స్​ 0.11శాతం నష్టపోగా ఎస్​ ఎండ్​ పీ 500 0.88శాతం పెరిగింది. ఇక నాస్​డాక్​ ఏకంగా 1.71శాతం మేర వృద్ధిచెందింది.

Stocks to buy today : ఆసియా మార్కెట్​లు లాభాల్లో ఉన్నాయి. ఎర్లీ ట్రేడ్​లో జపాన్​ నిక్కీ 0.43శాతం వృద్ధిచెందింది. సౌత్​ కొరియా కాస్పి 0.19శాతం పెరిగింది. ఆస్ట్రేలియా ఎస్​ అండ్​ పీ 200 స్వల్ప నష్టాల్లో ఉంది.

చమురు ధరలు..

చమురు ధరలు 3.6శాతం మేర పడ్డాయి. ఫలితంగా బ్రెంట్​ క్రూడ్​ ధర బ్యారెల్​కు 75.55 డాలర్లకు చేరింది.

ఎఫ్​ఐఐలు.. డీఐఐలు..

గురువారం ట్రేడింగ్​ సెషన్​లో ఎఫ్​ఐఐలు రూ. 589.1 కోట్లు విలువ చేసే షేర్లను కొనుగోలు చేశారు. అదే సమయంలో డీఐఐలు రూ. 338.44కోట్లు విలువ చేసే షేర్లను కొన్నారు.