Maruti Suzuki cars waiting period : మారుతీ సుజుకీ కార్లు కొనాలంటే.. ‘వెయిట్​’ చేయాల్సిందే!-planning to buy a maruti suzuki car check waiting period of all models available ,బిజినెస్ న్యూస్
తెలుగు న్యూస్  /  Business  /  Planning To Buy A Maruti Suzuki Car? Check Waiting Period Of All Models Available

Maruti Suzuki cars waiting period : మారుతీ సుజుకీ కార్లు కొనాలంటే.. ‘వెయిట్​’ చేయాల్సిందే!

Chitturi Eswara Karthikeya Sharath HT Telugu
Dec 17, 2022 01:24 PM IST

Maruti Suzuki cars waiting period : మారుతీ సుజుకీ కారు కొనాలని భావిస్తున్నారా? కార్ల వెయిటింగ్​ పీరియడ్​కు సంబంధించిన వివరాలను ఇక్కడ తెలుసుకోండి.

మారుతీ సుజుకీ కార్లు కొనాలంటే.. ‘వెయిట్​’ చేయాల్సిందే!
మారుతీ సుజుకీ కార్లు కొనాలంటే.. ‘వెయిట్​’ చేయాల్సిందే!

Maruti Suzuki Ertiga waiting period : కారు కొనాలని భావిస్తున్నారా? అయితే 'వెయిటింగ్​ పీరియడ్​' గురించి మీరు కచ్చితంగా తెలుసుకోవాల్సిందే. ఆర్డర్​ బుక్​లు పెరిగిపోతున్నప్పటికీ.. చాలా సంస్థలు సరైన సమయానికి డెలివరీ చేయలేకపోతున్నాయి. ఫలితంగా పలు మోడల్స్​కి వెయిటింగ్​ పీరియడ్​ భారీగా పెరిగిపోయింది. ముఖ్యంగా మారుతీ సుజుకీలోని కొన్ని మోడల్స్​కు అత్యధికంగా 9 నెలల వెయిటింగ్​ పీరియడ్​ నడుస్తుండటం గమనార్హం.

ట్రెండింగ్ వార్తలు

7 సీటర్​ ఎర్టిగాపై అత్యధికంగా 9నెలల వెయిటింగ్​ పీరియడ్​ నడుస్తోంది. ఆల్టో, ఇగ్నిస్​ వంటి వాహనాలు నెలలోపే డెలివరీ అవుతున్నాయి. అంటే.. ఇప్పటికప్పుడు మీకు ఆల్టో, ఇగ్నిస్​ బండ్లు దొరుకుతాయి. కానీ ఇప్పుడు మీరు ఎర్టిగాని ఆర్డర్​ ఇస్తే.. 2023 ఆగస్టు వరకు మీకు అది డెలివరీ అవ్వకపోవచ్చు.

Maruti Suzuki Grand Vitara waiting period : ఇక బ్రేజా, గ్రాండ్​ విటారా, ఎక్స్​ఎల్​6, బలెనో వంటి మోడల్స్​కు కనీసం 3నెలల వెయిటింగ్​ పీరియడ్​ ఉంది. టాప్​ ఎండ్​ మోడల్స్​ డెలివరీ అయినా.. మిడ్​ రేంజ్​వి ఇంకా ఎక్కువ సమయం పట్టే అవకాశాలు లేకపోలేదు.

ఇక మారుతీ సుజుకీ స్విఫ్ట్​కి 2.5 నెలల వెయిటింగ్​ పీరియడ్​ నడుస్తోంది. అదే సియాజ్​ కోసం 1.5నెలల పాటు నిరీక్షించాల్సిందే. వాగన్​ ఆర్​, ఎస్​-ప్రెస్సో, సెలేరియో, డిజైర్​ వంటి వాహనాల డెలివరీ కూడా 1 నెల తర్వాతే ఉంటుంది.

ఈ వెయిటింగ్​ పీరియడ్​ కూడా.. మోడల్​, షోరూం, నగరం వంటి అంశాలపై ఆధారపడి ఉంటుందని గుర్తుపెట్టుకోవాలి.

ఇతర సంస్థల మోడల్స్​ కూడా..!

మారుతీ సుజుకీ ఒక్కటే కాదు.. ఇతర సంస్థలది కూడా ఇదే పరిస్థితి.

Kia Sonet waiting period : హైదరాబాద్​లో బ్రేజా వెయిటింగ్​ పీరియడ్​ 1.5 నెలలుగా ఉండగా.. కియా సోనెట్​కు 3 నెలల సమయం పడుతోంది. ఇక టాటా నెక్సాన్​కు 3 నెలలు, హ్యుందాయ్​ వెన్యూ/ వెన్యూ ఎన్​-లైన్​కు 2.5 నుంచి 3 నెలల వరకు వెయిటింగ్​ పీరియడ్​ నడుస్తోంది. రెనల్ట్​ ఖైగర్​కు 1- 1.5 నెలల సమయం పడుతోంది. మరోవపు మహీంద్రా ఎక్స్​యూవీ300కి 2.5 నుంచి 4.5నెలల వరకు వెయిటింగ్​ పీరియడ్​ ఉంది.

కారు బుక్​ చేసినప్పుడు ఉండే ధర.. డెలివరీ సమయంలో ఉంటుందని చెప్పలేము. ఓవైపు వెయిటింగ్​ పీరియడ్​ పెరిగిపోతుంటే.. మరోవైపు వాహనాల ధరలను భారీగా పెంచేస్తున్నాయి ఆటో సంస్థలు. ఫలితంగా కారును బుక్​ చేసుకున్న కస్టమర్లపై భారం భరీగా పడుతోంది.

Maruti Suzuki price hike : మారుతీ సుజుకీ, టాటా మోటార్స్​, హోండాతో పాటు ఇతర ఆటో సంస్థలు.. జనవరిలో వాహనాల ధరలను పెంచుతున్నట్టు ఇప్పటికే ప్రకటించాయి.

WhatsApp channel

సంబంధిత కథనం