Instagram outage today : ఇన్స్టాగ్రామ్ డౌన్.. లక్షలాది మంది యూజర్లపై ఎఫెక్ట్!
Instagram outage today : పలు దేశాల్లో ఇన్స్టాగ్రామ్ సేవలు పూర్తిగా నిలిచిపోయాయి. యాప్ పనిచేయడం లేదంటూ ఇతర సామాజిక మాధ్యమాల్లో యూజర్లు ఫిర్యాదు చేశారు. స్పందించిన ఇన్స్టాగ్రామ్ బృందం.. యాప్ను పునరుద్ధరించింది.
Instagram outage today : సామాజిక మాధ్యమ దిగ్గజం, ప్రముఖ ఫొటో షేరింగ్ యాప్ ఇన్స్టాగ్రామ్ సేవలు అమెరికా సహా పలు దేశాల్లో కొన్ని గంటల పాటు నిలిచిపోయాయి. పీక్ దశలో 1,80,000 మంది యూజర్లకు ఇన్స్టాగ్రామ్ పనిచేయలేదని.. ఔటేజ్ ట్రాకింగ్ వెబ్సైట్ Downdetector.com వెల్లడించింది. అనేక గంటల పాటు ప్రయత్నించిన అనంతరం.. యాప్ సేవలను పునరుద్ధరించింది ఈ మెటా ఆధారిత ఇన్స్టాగ్రామ్.
కారణం ఏంటి..?
అమెరికా స్థానిక కాలమానం ప్రకారం.. ఆదివారం సాయంత్రం 5:45 గంటలకు ఈ ఇన్స్టాగ్రామ్ ఔటేజ్ మొదలైంది. యూజర్లు ఒక్కొక్కరుగా ఫిర్యాదులు చేయడం మొదలుపెట్టారు. ఇన్స్టాగ్రామ్ను ట్విట్టర్లో ట్యాగ్ చేస్తూ.. యాప్ పనిచేయడం లేదని వెల్లడించారు. ఫలితంగా #instagramdown హ్యాష్ట్యాగ్ ట్రెండింగ్గా మారింది.
Instagram Down today : పీక్ ఔటేజ్ సమయంలో అమెరికాలో 1,00,000మంది.. బ్రిటన్లో 56వేల మంది, కెనడాలో 24వేల మందికి ఇన్స్టాగ్రామ్ పనిచేయలేదని సమాచారం. యాప్ పునరుద్ధరణకు ఇన్స్టాగ్రామ్ బృందం తీవ్రంగా శ్రమించింది. గంటల వ్యవధి అనంతరం ఇన్స్టాగ్రామ్ను పునరుద్ధరించింది. అయితే.. ఇన్స్టాగ్రామ్ ఔటేజ్కు గల కారణాలను సంస్థ ఇంకా వెల్లడించలేదు.
కాగా.. ఈ దఫా ఇన్స్టాగ్రామ్ ఔటేజ్ భారత్పై ఎలాంటి ప్రభావం చూపించలేదు. ఇండియన్ యూజర్లు సాధారణంగానే లాగిన్ అయ్యి, న్యూస్ ఫీడ్ను చూశారు. ఫొటోలు, వీడియోలు అప్లోడ్ చేశారు.
ట్విట్టర్కు పోటీగా..!
మరో సామాజిక మాధ్యమ దిగ్గజ ట్విట్టర్కు పోటీగా ఒక కొత్త యాప్ను తీసుకొచ్చేందుకు గత కొంతకాలంగా ప్రయత్నాలు చేస్తోంది ఇన్స్టాగ్రామ్. ఇదొక టెక్స్ట్ ఆధారిత యాప్ని కొన్ని నెలల క్రితం వార్తలు వచ్చాయి. ఈ యాప్నకు ఇంకా పేరు పెట్టలేదని తెలుస్తోంది. అయితే.. ఇన్స్టాగ్రామ్ యూజర్ ఐడీ, పాస్వర్డ్తో ఇందులో లాగిన్ అవ్వొచ్చని సమాచారం. 500 క్యారెక్టర్లతో కూడిన టెక్స్ట్లను ఇందులో పోస్ట్ చేయవచ్చని నివేదికలు చెబుతున్నాయి. ఈ యాప్పై మరింత సమాచారం వెలువడాల్సి ఉంది.
సంబంధిత కథనం